కొండెక్కిన కోడి!

22 Apr, 2019 10:37 IST|Sakshi

కిలో చికెన్‌ రూ.210

ఈ ఏడాది ఇదే రికార్డు ధర

ఉష్ణతాపం, మేత ధర పెంపు ఫలితం

చేపలు, మేక మాంసానిదీ అదే పరిస్థితి

మాంసం ప్రియులకు భారం

కోడి కూర తిందామంటే దాని ధర కొండెక్కి కూర్చుంది. మేక మాంసం సాధారణ ప్రజలకు అందుబాటులో లేకుండా పోయింది. చేపల ధర కూడా అమాంతం పెరిగిపోయింది. దీంతో మాంసం ప్రియులకుభారం తప్పడం లేదు. 

సాక్షి, విశాఖపట్నం: చికెన్‌ ధర కొండెక్కింది. ఈ ఏడాది రికార్డు స్థాయిలో ప్రస్తుతం కిలో రూ.210కి ఎగబాకింది. ఇటీవల చికెన్‌ ఇంతగా పెరగడం ఇదే ప్రథమం. ఈ ఏడాది ఇప్పటివరకు కిలో (స్కిన్‌లెస్‌) రూ.200కు మించలేదు. వేసవిలో ఎండతీవ్రతకు కోళ్లు నిపోతుండడం,   బరువు తగ్గడం, ఉత్పత్తి వ్యయం పెరగడం వంటివి ఈ పరిస్థితికి కారణమని పౌల్ట్రీ వర్గాలు చెబుతున్నాయి. కొన్నాళ్లుగా ఎండలు విజృంభిస్తున్నాయి. దీంతో కోడి బరువు సగటున అరకిలో వరకు తగ్గిపోతోంది. ఏప్రిల్‌ వరకు ఒక్కో కోడి బరువు 2.3 నుంచి 2.5 కిలోలుండేది. ఇప్పుడది 1.9 కిలోలకు పడిపోయింది. మరోవైపు కోడి పిల్ల రేటు కూడా రూ.42కు చేరుకుంది. అలాగే కోడి మేత రేటు కూడా గణనీయంగా పెరుగుతోంది. ఇవన్నీ వెరసి ఒక కోడి మార్కెట్‌లోకి రావడానికి రూ.90 ఖర్చవుతోంది. ఇలా ఉత్పత్తి వ్యయం తడిసి మోపెడవడం వల్ల ప్రస్తుతం చికెన్‌ ధర పెరగడానికి కారణమవుతోందని బ్రాయిలర్‌ అసోసియేషన్‌ ఆఫ్‌ గ్రేటర్‌ విశాఖ (బ్యాగ్‌) అధ్యక్షుడు తాట్రాజు ఆదినారాయణ ‘సాక్షి’కి చెప్పారు. ‘రాష్ట్రవ్యాప్తంగా చికెన్‌ ధరలు రూ.5 అటుఇటుగా ఇవే ఉన్నాయి. జూన్‌ 15 వరకు ఇవే ధరలు కొనసాగే అవకాశం ఉంది’ అని బ్రాయిలర్‌ కోళ్ల పెంపకందార్లు చెబుతున్నారు. జిల్లాలో, నగరంలో  నెలకు 38–40 లక్షల కోళ్లు  వినియోగమవుతున్నాయి. కొద్దిరోజులుగా చికెన్‌ ధరలు పెరుగుతూనే ఉన్నాయి. ఈనెల 1న కిలో చికెన్‌ రూ.190, 10న 200 ఉండగా ఆదివారం అది రూ.210కి చేరుకుంది.

చేపలదీ అదే దారి..
ఒక పక్క కోడి మాంసం ధర కొండెక్కడంతో చేపల ధరలూ ఎగబాకుతున్నాయి. కొన్నాళ్ల క్రితం వరకు కిలో రూ.110–120 ఉండే బొచ్చు/శీలావతి/జడ్డువా వంటి రకాల చెరువు చేపలు రూ.10 నుంచి 20 వరకు పెరిగాయి. సముద్రం చేపల ధరలూ అదే దారిలో పయనిస్తున్నాయి. చికెన్‌ ధరల పెరుగుదలను దృష్టిలో ఉంచుకుని చేపల అమ్మకందార్లూ పెంచుతున్నారు. మరోవైపు మటన్‌ (మేకమాంసం) కూడా కిలో రూ. 600 నుంచి 650 వరకు పెరిగింది. ఇలా అనూహ్యంగా పెరుగుతున్న చికెన్, మటన్, చేపల ధరలతో మాంసం ప్రియులు లొట్టలేసుకుని తినడానికి బదులు నిట్టూరుస్తున్నారు.

Read latest Andhra-pradesh News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

దేశవ్యాప్తంగా ఘనంగా గురుపౌర్ణమి వేడుకలు

ప్రాణం తీసిన బిందె

హెచ్‌ఐవీ ఉందని ఇంటికి పంపించేశారు

బీసీలను గుర్తించింది ఒక్క జగనే!

అంచనాలు పెంచి దోపిడీ చేశారు

మహానేత స్ఫూర్తితో శ్రేయోదాయక బడ్జెట్‌

కాకి లెక్కలతో వృద్ధి పెరిగిందా?

వైఎస్‌కు ఇచ్చిన వాగ్దానం మేరకే అనంతకు కియా

చంద్రబాబు విదేశీ టూర్ల ఖర్చుపై సమగ్ర విచారణ

స్కెచ్చేశాడు.. చంపించాడు

రూ. కోటిన్నర లాభం కోసం.. రూ.53 కోట్లు పెట్టుబడి!

ప్రజాధనం ఆదా

‘క్రయోజనిక్‌’లో లీకేజీ వల్లే..

టీటీడీలో కొత్త సాంప్రదాయానికి శ్రీకారం చుట్టిన వైవీ

ఈనాటి ముఖ్యాంశాలు

ఒకటి అడిగితే సీఎం జగన్‌ రెండు చేస్తున్నారు..

రాష్ట్రంలో మూడు కొత్త స్టేడియాలు : అవంతి

సీఎం జగన్‌ను కలిసిన ‘నాటా’ బృందం

‘అందుకే విద్యుత్‌ ఒప్పందాలపై పునఃసమీక్ష’

తిరుమలలో యువతిపై ఎలుగుబంటి దాడి

శ్రీపూర్ణిమ‌ గ్రంథాన్ని ఆవిష్కరించనున్న వైఎస్‌ జగ‌న్

బాధ్యతలు స్వీకరించిన ఎమ్మెల్యే రోజా

‘వారికి పునరావాసం కల్పించే బాధ్యత రాష్ట్రానిదే’

విద్యుత్‌ ఉద్యోగుల పంపకాలపై సుప్రీంలో విచారణ

ఏపీలో మావోయిస్టుల సమస్యలపై సబ్‌ కమిటీ

ట్రిపుల్‌ మర్డర్: రక్తంతో శివుడికి అభిషేకం

కర్నూలు జిల్లాలో పెద్దపులి అలజడి

టీడీపీ జెండా కట్టి, పచ్చ చొక్కా వేస్తేనే...

ఆర్‌ అండ్‌ ఆర్‌లో భారీ అక్రమాలు: జీవీఎల్‌

దాతల విస్మరణ.. మాజీల భజన..!

ఆంధ్రప్రదేశ్
తెలంగాణ
సినిమా

రష్మికా మజాకా

లారెన్స్‌ కోసం వచ్చి భిక్షాటన

రత్నకుమారి వచ్చేశారు

వసూళ్లు పెరిగాయి

వసూళ్లు పెరిగాయి

యుద్ధానికి సిద్ధం