అలా అయితేనే ప్రైవేటు కాలేజీలకు అనుమతి..

11 Sep, 2019 17:50 IST|Sakshi

సాక్షి, అమరావతి: నాడు-నేడు కార్యక్రమం ద్వారా రానున్న రోజుల్లో 44,512 ప్రభుత్వ పాఠశాలలను బాగు చేయనున్నట్లు ముఖ్యమంత్రి వైఎస్‌ జగన్‌మోహన్‌రెడ్డి తెలిపారు. ప్రభుత్వ పాఠశాలల అభివృద్ధికి తీసుకోవాల్సిన చర్యలపై బుధవారం ఆయన సమీక్ష నిర్వహించారు. ఈ సందర్భంగా ఆయన మాట్లాడుతూ.. ప్రతి మండాలనికి ఓ ప్రభుత్వ జూనియర్‌ కాలేజీ ఉండాలని.. ఆ మేరకు కార్యాచరణ సిద్ధం చేయాల్సిందిగా అధికారులను ఆదేశించారు. ప్రస్తుతం ఉన్న హైస్కూళ్లను క్రమ పద్ధతిలో జూనియర్‌ కాలేజీ స్థాయికి తీసుకువెళ్లాలని.. అందుకు ఎక్కడెక్కడ.. ఏం చేయాలి.. ఎలా చేయాలి.. ఏ ప్రాంతాల్లో చేయాలన్న దానిపై ఒక ప్లాన్‌ సిద్ధం చేయాలని సీఎం జగన్‌ అధికారులను ఆదేశించారు.

నాడు-నేడు కార్యక్రమం మొదటివిడతలో భాగంగా 15,410 పాఠశాలల్లో 9 రకాల కనీస వసతులు కల్పించనున్నట్లు సీఎం జగన్‌ స్పష్టం చేశారు. స్కూళ్లలో చేపట్టే పనుల్లో నాణ్యత ఉండాలని.. దాంట్లో రాజీపడవద్దని సీఎం అధికారులకు సూచించారు. మార్చి 14, 2020 నాటికి నాడు-నేడు కింద తొలిదశ పాఠశాలల్లో చేపట్టిన పనులు పూర్తి చేస్తామని అధికారులు సీఎంకు తెలిపారు. స్కూళ్ల బాగు కోసం ప్రభుత్వం తీసుకుంటున్న చర్యలను తల్లిదండ్రులు ప్రశంసిస్తున్నారంటూ అధికారులు సీఎం దృష్టికి తీసుకువచ్చారు. బడుల బాధ్యత విద్యార్థుల తల్లిదండ్రులదే అన్న భావన వారిలో కలిగించాలని సీఎం పేర్కొన్నారు. స్కూళ్లను బాగు చేయడంలో పూర్వ విద్యార్థుల సహకారం తీసుకోవాలన్నారు.

వచ్చే ఏడాది నుంచి ఇంగ్లీషు మాధ్యమంలో బోధన
వచ్చే ఏడాది నుంచి ప్రభుత్వ పాఠశాలల్లో 1 నుంచి 8వ తరగతి వరకు ఇంగ్లీషు మీడియంలో బోధన.. ఆ తర్వాత 9,10 తరగతులకు ఇంగ్లీషు మీడియంలో బోధన ప్రవేశపెట్టనున్నట్లు సీఎం జగన్‌ తెలిపారు. ఈ మేరకు 70 వేల మంది టీచర్లకు ఇంగ్లీషు మీడియం బోధనలో శిక్షణ ఇవ్వనున్నట్లు పేర్కొన్నారు. డైట్స్‌ను బలోపేతం చేసి అక్కడ కూడా ఇంగ్లీషులో బోధన ఉండేలా ప్రణాళిక సిద్ధం చేయమని సీఎం అధికారులను ఆదేశించారు. విద్యార్థుల సంఖ్యకు తగినట్లుగా టీచర్లు ఉండేలా కసరత్తు చేస్తున్నట్లు అధికారులు తెలిపారు. ప్రతి ఏడాది జనవరిలో ఖాళీల భర్తీని పూర్తి చేయాలని సీఎం ఆదేశించారు. ఏ శాఖ పరీక్షలు పెట్టాలన్నా జనవరిలోనే నిర్వహించాలని సీఎం సూచించారు. పర్యావరణం, వాతావరణ మార్పులు, రహదారి భద్రతపై పాఠ్యాంశాలు చేర్చాలన్నారు. వచ్చే ఏడాది నుంచి పుస్తకాలు, యూనిఫారమ్స్‌, షూ, స్కూలు బ్యాగ్‌ వంటివన్ని పాఠశాల ప్రారంభమైన మొదటి రోజే అందించేలా చర్యలు తీసుకోవాల్సిందిగా సీఎం అధికారులను ఆదేశించారు.

అలా అయితేనే ప్రైవేటు కాలేజీలకు అనుమతి
ప్రైవేటు కాలేజీలకు అనుమతి ఇవ్వడం లేదన్నది పూర్తిగా అవాస్తవం అన్నారు సీఎం జగన్‌. అయితే సరైన మౌలిక సదుపాయాలు ఉన్నాయా.. లేవా అన్నది పరిశీలించాకే అనుమతులు ఇస్తున్నామన్నారు. ప్రభుత్వ స్కూళ్లు, కాలేజీల్లో మౌలిక సదుపాయాల కల్పనకు ఇంత పెద్ద ఎత్తున చర్యలు తీసుకుంటున్నప్పుడు ప్రైవేటు కాలేజీలు, స్కూళ్లల్లో కూడా సరైన సదుపాయాలు ఉండాలని సీఎం ఆదేశించారు. కనీస ప్రమాణాలు, వసతులు లేకుండా ఏ విద్యా సంస్థ అయినా ఉండటం సరి కాదన్నారు. మధ్యాహ్న భోజనంలో ఇస్తోన్న కోడిగుడ్ల గురించి గతంలో బాగా నెగటీవ్‌ ఫీడ్‌ బ్యాక్‌ వచ్చిందని అధికారులు సీఎం దృష్టికి తీసుకెళ్లారు. ఈ విషయం ప్రభుత్వ దృష్టికి వచ్చిందని.. అందుకే తమ ప్రభుత్వం వచ్చాక గుడ్ల పంపిణీని వికేంద్రీకరించామని సీఎం తెలిపారు. విద్యార్థులకు నాణ్యమైన గుడ్లు అందేలా ఇంకా ఎలాంటి విధానాలు అనుసరించాలన్న దానిపై మరిన్ని ఆలోచనలు చేయాలని సీఎం అధికారులకు సూచించారు.

Read latest Andhra-pradesh News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

సీఎంను కలిసిన ఆర్టీసీ కార్మిక సంఘాల నేతలు

మానవత్వం అనేది ‍ప్రతీచర్యలో కనిపించాలి: సీఎం జగన్

ఈ నెల 25 వరకూ చింతమనేనికి రిమాండ్‌

నిమజ్జనంలో అపశ్రుతి.. చావుతో పోరాడిన యువకుడు

జమిలి ఎన్నికలు: చంద్రబాబు ఎమ్మెల్యే మాత్రమే

‘డబ్బులు ఇవ్వకపోతే కేసులు పెట్టారు’

అప్పుడు చేయాల్సిన ‘అతి’ ఇప్పుడేనా బాబూ..!

ఆ కారణాలతో ఏ పథకాన్ని నిరాకరించరాదు: సీఎం జగన్‌

తప్పులు ఒప్పుకోకుంటే చంద్రబాబు ఇంటివద్ద దీక్ష

‘ఏం జరిగిందని చలో ఆత్మకూరు?’

గోదావరి జిల్లాలకు రూ. 10 కోట్ల వరద సాయం

గణేష్‌ నిమజ్జనాన్ని సులభంగా ఇలా వీక్షించండి

‘చంద్రబాబు పెద్దపెద్ద మాటలు మాట్లాడుతున్నారు’

ప్రభుత్వంపై రాళ్లేయడానికి చూస్తున్నారు : సీఎం జగన్‌

‘చంద్రబాబు ఇంటి ముందు దీక్షకు దిగుతా’

‘మొహం చెల్లదనే బాబు వారిని రప్పించారు’

దూరం పెరిగింది.. భారం తగ్గింది

‘అసలు అనుమతే అడగలేదు’

‘రాష్ట్రం ప్రశాంతంగా ఉంటే ఆత్మకూరు వెళ్లి’..

టీడీపీ నేతల బండారం బట్టబయలు

చింతమనేని ప్రభాకర్‌ అరెస్టు..

ఈత సరదా.. విషాదం కావొద్దు

స్టీల్‌ప్లాంట్‌ జేటీ పరీక్ష పేపర్‌ లీక్‌..!

అనంతపురం: కొత్త పంథా ఎంచుకున్న కలెక్టర్‌

వీఆర్‌ఓ మాయాజాలం..!

మీసం మెలేస్తున్న రొయ్య!

వసూల్‌ రాజా.. బ్యాండ్‌బాజా

నోరు పారేసుకున్న నన్నపనేని

అందుకే చాపచుట్టి కృష్ణాలో పడేశారు : మంత్రి మోపిదేవి

ఆంధ్రప్రదేశ్
తెలంగాణ
సినిమా

బిగ్‌బాస్‌: పునర్నవి ఆమెను టార్గెట్‌ చేసిందా?

‘మా’లో విభేదాలు లేవు

బిగ్‌బాస్‌.. రవిని బురిడీ కొట్టించిన బాబా

‘మార్షల్‌’  పెద్ద హిట్‌ అవుతుంది : శ్రీకాంత్‌

అది నిజమే కానీ, అతను యాక్టర్‌ కాదు

ప్రియాంకకు వార్నింగ్‌ ఇచ్చిన పోలీసులు