దీనావస్థలో అన్నదాత కుటుంబం

11 Mar, 2019 11:53 IST|Sakshi
శ్రీనివాసరావు కుటుంబ సభ్యులు

రైతు ఆత్మహత్య చేసుకుని రెండేళ్లయినా అందని నష్టపరిహారం

మంజూరై నాలుగు నెలలైనా అందించడానికి తీరికలేని అధికారులు

వ్యవసాయశాఖ కార్యాలయం చుట్టూ ప్రదక్షణ చేస్తున్న బాధితురాలు

బుచ్చెయ్యపేట(చోడవరం): అప్పుల ఊబిలో చిక్కుకున్న ఆ అన్నదాతకు పురుగుమందే దిక్కయింది. అవమానాలు, బాధలు భరించలేక... తనపై ఆధారపడిన కుటుంబానికి దిక్కులేకుండా చేసి బలవన్మరణం చెందాడు. ఆ  రైతు  కుటుంబానికి మంజూరైన పరిహారాన్ని అందించడానికి నాలుగు నెలలుగా మండల అధికారులకు తీరిక లేకుండా పోయింది. అప్పుల ఊబిలో కూరుకు పోయిన కుటుంబాన్ని ఆదుకోవడానికి మంజూరైన పరిహారాన్ని తక్షణం  అందించాల్సి న అధికారులు..   రైతు శ్రీనివాసరావు  భార్య కాంతంను  పదేపదే తిప్పుతున్నారు. వడ్డీ వ్యా పారుల వేధింపులతో భర్త పురుగు  మందు తాగి మృతి చెందగా, రోడ్డున పడిన కుటుంబాన్ని ఒడ్డుకు చేర్చాలని అతని భార్య బుచ్చెయ్యపేట  కార్యాలయాలు చుట్టూ ప్రదక్షణలు చేస్తున్నా ఆమె గోడు వినేవారు లేరు.

భర్తపోయి పుట్టెడు దుఖ:లో ఉండగా వడ్డీ వ్యాపారులు  ఇంటికొచ్చి బాకీ తీర్చమని ఒతిళ్లు చేస్తున్నారు. ఎనిమిదో  నెల గర్భిణి అయిన  కుమార్తె ఇంట్లో ఉంది. ఇంటర్‌ చదువుతున్న కొడుకు, వయస్సు మళ్లిన తల్లిదండ్రుల పోషణ భారాన్ని  కాంతం మోస్తోంది. మరో పక్క కాళ్లు అరిగేలా నాలుగు నెలలుగా బుచ్చెయ్యపేట ఓవో కార్యాలయం చుట్టూ తిరుగుతున్నా అధికారులు అందుబాటులో లేక మంజూరైన పరిహారం చేతికి అందలేదని బాధితురాలు కన్నీరు పెట్టుకుంటోంది. అధికారుల తీరుపై రైతు సంఘ నాయకులు తీవ్ర ఆగ్రహం వ్యక్తం చేస్తున్నారు.

2017లో బలవన్మరణం
బుచ్చెయ్యపేట మండలం రాజాం గ్రామానికి చెందిన మరిసా శ్రీనివాసరావు (43)అప్పుల బాధతో 2017 సంవత్సరం ఏప్రిల్‌ 17న పురుగు  మందు తాగి మృతి చెందాడు. ఇతనికి ఉన్న ఎకరంన్నర పొలంతో పాటు బెల్లం క్రషర్‌ ఆడుతూ  జీవనం సాగించేవాడు. ప్రతి సంవత్సరం అప్పుల చేసి వ్యవసాయం చేస్తున్నా వాతావరణం అనుకూలించక, పంటలకు గిట్టుబాటు ధర లేక పీకలలోతు అప్పుల్లో కూరుకుపోయాడు. కొంత పొలం అమ్మి, రూ.నాలుగు లక్షల వరకు  అప్పుచేసి  కుమార్తె పావనికి పెళ్లి చేసిన ఏడాదిలోనే ఇతని బెల్లం క్రషర్‌ అగ్ని ప్రమాదంలో కాలిపోయింది. పాలిచ్చే రూ.80 వేలు విలువ చేసే పాడి గేదె మృతి చెందింది.   మూడేళ్ల కాలంలో  అన్ని విధాలా నష్టాలు రావడంతో పాటు ఉన్న ఉపాధిని కోల్పోయాడు. అప్పుచ్చిన అనకాపల్లి బెల్లం వ్యాపారి శ్రీనివాసరావును అందరి ముందు  నిలదీయడంతో   అవమానంతో కుంగిపోయాడు. పది లక్షలు వరకు బయట,బ్యాంకులో అప్పులు చేశాడు. అయితే  అప్పులు తీర్చే అవకావం లేకపోవడం,అప్పులిచ్చిన వారి అవమానాలతో జీవితంపై విరక్తి చెంది తన పొలంలోనే పురుగు  మందు  బలవన్మరణానికి పాల్పడ్డాడు. అప్పట్లో అధికారులు విచారణ జరిపి అప్పుల బాధతోనే మృతి చెందినట్టు నిర్ధారించారు.

పరిహారం కోసం ప్రభుత్వానికి నివేదికలు పంపించి తొందరలోనే  అందించి ఆదుకుంటామన్నారు. శ్రీనివాసరావు మృతి చెంది రెండేళ్లు అవుతున్నా పరిహారం అందకపోవడంతో మృతుడి  భార్య  కాంతం,కుమారుడు గణేష్‌  అప్పుఇచ్చిన వారికి సమాధానం చెప్పలేక అవస్థలు పడుతున్నారు. కాంతం తల్లిదండ్రులు మడగల పార్వతి,గజ్జెంనాయుడులకు ఎటువంటి ఆధారం లేకపోవడంతో వృద్ధాప్యంలో కాంతం మీదనే ఆధారపడ్డారు. కొడుకు ఇంటర్‌ చదువుతుండగా, కుమార్తె పావనిప్రసవం కోసం ఇంటికి వచ్చింది.  వీరి కుటుంబానికి ఐదు నెలల కిందట మూడున్నర లక్షల పరిహారం మంజూరవగా తహసీల్దార్, మృతుడు శ్రీనివాసరావు భార్య పేరు మీద బ్యాంకులో జాయింట్‌ అకౌంటులో నగదు ఉంచారు. ఈ నగదు తీసుకోడానికి  వ్యవశాయశాఖ అధికారిణి సాగు ఖర్చుల కింద నివేదిక అందించాల్సివుంది. నివేదిక కోసం శ్రీనివాసరావు భార్య నాలుగు నెలలుగా బుచ్చెయ్యపేట  వ్యవసాయశాఖ కార్యాలయం చుట్టూ తిరుగుతున్నా కార్యాలయంలో ఏవో ఉండక నివేదిక ఇచ్చేవారు లేక నగదు చేతికి రావడం లేదు. ఈమె గోడు వినే నాథుడు లేక మంజూరైన పరిహారం అందక అప్పులవారి ఒత్తడి తట్టుకోలేక ఇబ్బందులు పడుతోంది.  ఇప్పటికైనా జిల్లా అధికారులు  రైతు శ్రీనివాసరావు కుటుంబానికి మంజూరైన పిరిహారం అదేలా చూడాలని పలువురు కోరుతున్నారు.

Read latest Andhra-pradesh News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

గిరిజన సలహా మండలిని ఏర్పాటు చేస్తూ ఉత్తర్వులు జారీ

సభను అడ్డుకుంటే ఊరుకోం: అంబటి

ప్రవాసాంధ్రుల సభలో వైఎస్ జగన్ ప్రసంగం

ప్రతి జిల్లాలో ప్రత్యేక క్రిమినల్‌ కోర్టు ఏర్పాటు చేయాలి

ఈనాటి ముఖ్యాంశాలు

చంద్రబాబు పాలనలో ఎనీటైమ్‌ మద్యం: రోజా

ఎన్ఎండీసీ నుంచే విశాఖ స్టీల్‌కు ముడి ఖనిజం

అసత్య ప్రచారంపై వైఎస్‌ జగన్‌ ఆగ్రహం

మహనీయులు కోరిన సమసమాజం జగన్‌తోనే సాధ్యం

జసిత్‌ నివాసానికి జిల్లా కలెక్టర్, ఎస్పీ

వైఎస్‌ జగన్‌ చరిత్రలో నిలిచిపోతారు

భ్రమరావతిలోనూ స్థానికులకు ఉపాధి కల్పించలేదు

చిత్తురులో నకిలీ నోట్ల ముఠా గట్టురట్టు

స్థానికులకు 75శాతం జాబ్స్.. ఇది చరిత్రాత్మక బిల్లు

పీఏసీ చైర్మన్‌గా పయ్యావుల కేశవ్‌

ఆంధ్రప్రదేశ్‌కు మందకృష్ణ బద్ధ శత్రువు

సీఎం జగన్‌పై ప్రముఖ తమిళ పార్టీ ప్రశంసల జల్లు

సభను నవ్వుల్లో ముంచెత్తిన మంత్రి జయరాం

అవినీతి అనకొండలకు ‘సీతయ్య’ వార్నింగ్

జసిత్‌ కిడ్నాప్‌; వాట్సాప్‌ కాల్‌ కలకలం

‘తాళపత్రాలు విడుదల చేసినా.. మిమ్మల్ని నమ్మరు’

ఉప్పుటేరును మింగేస్తున్నారు..!

ఘాట్‌ రోడ్డులో లారీలు ఢీ

గ్రామ పంచాయతీగా సున్నిపెంట 

అక్టోబర్‌ నుంచే రైతులకు పెట్టుబడి సాయం

ఏపీ గవర్నర్‌గా విశ్వభూషణ్‌ ప్రమాణం

ఇసుక కొరత తీరేలా..

గోదారోళ్ల గుండెల్లో కొలువై..

కాల్‌మనీ కేసుల్లో రూ.700 కోట్ల వ్యాపారం

అవినీతిపరులకు.. 'బ్యాండ్‌'

ఆంధ్రప్రదేశ్
తెలంగాణ
సినిమా

అప్పుడే సిగరెట్‌ తాగడం మానేశా: నటి

అందుకే పెళ్లి చేసుకోలేదు : సల్మాన్‌

అన్నీ గుర్తుపెట్టుకుంటా; ఐశ్‌ భావోద్వేగం!

తన ఆరోగ్య పరిస్థితిపై స్పందించిన రానా

ప్రయాణం ముగిసింది; మిమ్మల్ని పెళ్లి చేసుకోవచ్చా!

‘సాహో’తో సై!