అనంతపురం : అనంతపురంలో ఆదివారం తెల్లవారుజామున భారీ అగ్ని ప్రమాదం జరిగింది. షార్ట్ సర్క్యూట్‌ కారణంగా మంటలు చెలరేగి బళ్లారి చౌరస్తాలోని ఎంజీ బ్రదర్స్ బైక్ షోరూం పూర్తిగా కాలిపోయింది. స్థానికులు సమాచారం అందించడంతో సంఘటనా స్థలానికి చేరుకున్న అగ్ని మాపక సిబ్బంది మంటలు అదుపు చేసే ప్రయత్నం చేస్తున్నారు. ఈ ప్రమాదంలో ఎలాంటి ప్రాణనష్టం లేనప్పటికీ భారీగా ఆస్తి నష్టం జరిగినట్లు సమాచారం. దీనికి సంబంధించి మరిన్ని వివరాలు తెలియాల్సి ఉంది.
