సొంత స్థలాలపై చంద్రన్న కొరడా

26 Aug, 2019 09:43 IST|Sakshi
నాటి బ్రిటిష్‌ ప్రభుత్వం ఇచ్చిన స్థలాలకు వాయిదాలు చెల్లించిన పుస్తకంలోని ఓ పేజీ

బ్రిటిష్‌ ప్రభుత్వానికి వాయిదాలు చెల్లించి, భూములపై హక్కు పొందిన ప్రజలు

90 ఏళ్ల నుంచి ఉన్న హక్కులను హరించిన టీడీపీ సర్కార్‌

చంద్రబాబు ప్రభుత్వం తెచ్చిన రిజిస్ట్రేషన్‌ యాక్ట్‌తో గందరగోళం

సాక్షి, అమలాపురం: ఆ స్థలాలపై వారికి దాదాపు తొమ్మిది దశాబ్దాల కిందటే నాటి బ్రిటిష్‌ ప్రభుత్వం నుంచి హక్కు పత్రం జారీ అయింది. అప్పట్లో ఆ ప్రభుత్వమే లే అవుట్లు రూపాందించి కేటాయించిన ఇంటి స్థలాన్ని.. వారు పది వాయిదాలు చెల్లించి హక్కు పత్రాన్ని సొంతం చేసుకున్నారు. ‘గ్రౌండ్‌ రెంటల్‌’ విధానం పేరుతో నాటి ప్రభుత్వం అణాబేడా వడ్డీతో కలిపి పది రూపాయల లోపు వాయిదాలతో ఇళ్ల స్థలాలు ఇచ్చింది. కోనసీమలో ముఖ్యంగా అమలాపురం పట్టణంలో ఈ గ్రౌండ్‌ రెంటల్‌ విధానంలో 587 మంది ఇళ్ల స్థలాలు పొందారు. అంబాజీపేట, పి.గన్నవరం, ముమ్మిడివరం తదితర మండలాల్లో దాదాపు 600 మంది ఈ విధానంలో ఇళ్ల స్థలాలు తీసుకున్నారు. 1925–28 సంవత్సరాల మధ్య ఈ ప్రక్రియ జరిగింది. ఇదంతా గతం.

వర్తమానానికి వచ్చేసరికి ఆ స్థలాల హక్కును 22ఎ రిజిస్ట్రేషన్‌ యాక్ట్‌ హరిస్తోంది. 2017లో అప్పటి చంద్రబాబు ప్రభుత్వం వక్ఫ్, దేవస్థానం, గ్రామకంఠం, ఈనాంలకు చెందిన భూములను ఎనెక్జ్యూర్‌–1 సెక్షన్‌ 22(ఎ) 1(బి) యాక్ట్‌లోకి తీసుకు వచ్చింది. తద్వారా ఆ భూములు అప్పటికి ఏ స్థితిలో ఉన్నారిజిస్ట్రేషన్లు నిలిపివేయాలని ఆంక్షలు విధించింది. నాడు బ్రిటిష్‌ ప్రభుత్వం నుంచి పొందిన గ్రౌండ్‌ రెంటల్‌ స్థలాలను కూడా అనాలోచితంగా ఈ యాక్ట్‌ పరిధిలోకి చేర్చేశారు. దీంతో గ్రౌండ్‌ రెంటల్‌ విధానంలో ఇళ్ల స్థలాలు పొందిన యజమానులు వాటిని అమ్ముకోలేక నానా ఇక్కట్లూ పడుతున్నారు.

రిజిస్ట్రేషన్లు, క్రయవిక్రయాలకు బ్రేక్‌
చంద్రబాబు ప్రభుత్వం కొత్త యాక్ట్‌ పరిధిలోకి గ్రౌండ్‌ రెంటల్‌ భూములను చేర్చడంతో వాటి క్రయవిక్రయాలు, రిజిస్ట్రేషన్లు నిలిచిపోయాయి. అంతేకాదు.. ఆ స్థలాల్లో అప్పటికే ఉన్న పాత భవనాలను తొలగించి, కొత్తగా ఇళ్లు నిర్మించుకుందామనుకున్న వారు బ్యాంకుల ద్వారా రుణాలు పొందేందుకు చేసిన ప్రయత్నాలకు కూడా బ్రేక్‌ పడింది. నిషేధిత జాబితాలో ఉన్న భూములు, స్థలాలు కావడంతో బ్యాంక్‌లు కూడా వీటికి రుణాలు ఇవ్వడానికి నిరాకరించాయి. దీంతో అమలాపురం పట్టణంలో ఈ తరహాలో ఉన్న 587 స్థలాల్లోని ఇళ్ల యజమానుల్లో ఆందోళన నెలకొంది. పట్టణానికి చెందిన వ్యాపారి కాళ్లకూరి చిన్న సూర్యకుమార్‌ తన స్థలం రిజిస్టేషన్‌ కోసం 2017లో రిజిస్ట్రేషన్‌ కార్యాలయానికి వెళితే ‘మీ స్థలం 22 (ఎ) నిషేధిత భూముల జాబితాలో ఉంది. రిజిస్ట్రేషన్‌ చేయలేము’ అని చెప్పారు.

దీంతో ఈ సమస్య వెలుగులోకి వచ్చింది. నాటి నుంచీ ఈ బాధితులు కలెక్టర్, ఆర్డీవో కార్యాలయాల్లో ప్రతి సోమవారం జరిగే గ్రీవెన్స్‌ సెల్‌కు ఎన్నోసార్లు వెళ్లి, వినతిపత్రాలు ఇచ్చారు. అయినా ఫలితం లేకపోయింది. కోనసీమలో దాదాపు 1,200 మంది బాధితులు ఉన్నారంటే ఈ సమస్య ఎంత తీవ్రంగా ఉందో అంచనా వేయవచ్చు. జిల్లా రెవెన్యూ యంత్రాంగం 1925 నాటి గ్రౌండ్‌ రెంటల్‌ భూములకు సంబంధించి వాయిదాలు చెల్లించిన ఆధారాలు ఉంటే తీసుకురావాలనడంతో నాటి లిఖిత పూర్వక ఆధారాలను కూడా బాధితులు చూపించారు. అయినప్పటికీ ఫలితం లేకపోయింది.

కొత్త ప్రభుత్వంలో సమస్య పరిష్కారం దిశగా కదలిక
వైఎస్సార్‌ సీపీ ప్రభుత్వం వచ్చిన తరువాత అమలాపురానికి చెందిన గ్రౌండ్‌ రెంటల్‌ స్థలాల బాధితులు జిల్లాకు చెందిన రాష్ట్ర ఉప ముఖ్యమంత్రి, రెవెన్యూ మంత్రి పిల్లి సుభాష్‌చంద్రబోస్‌ను కలసి తమ సమస్యపై వినతిపత్రం అందించారు. గ్రౌండ్‌ రెంటల్‌ విధానంలో 1925లో వాయిదాల రూపంలో స్థలాలు సంపాదించుకున్నట్టు లిఖితపూర్వక ఆధారాలు చూపిస్తున్నప్పుడు.. ఆ స్థలాలను నిషేధిత భూముల జాబితా నుంచి ఎందుకు తొలగించకూడదని డిప్యూటీ సీఎం బోస్‌ జిల్లా అధికారులను ప్రశ్నించారు. సాక్షాత్తు రెవెన్యూ మంత్రే ఈ సమస్యపై జోక్యం చేసుకోవడంతో జిల్లా రెవెన్యూ యంత్రాంగం ఈ సమస్య పరిష్కారం దిశగా ప్రయత్నాలు మొదలుపెట్టింది. ఇందులో భాగంగా గ్రౌండ్‌ రెంటల్‌ భూముల సమాచారంపై ఆర్డీవోలతో కలెక్టర్‌ ఇటీవల ప్రత్యేక సమావేశం కూడా నిర్వహించారు. కోనసీమలో వెలుగు చూసినట్లే జిల్లాలోని ఇతర ప్రాంతాల్లో కూడా విచారణ నిర్వహిస్తే ఈ తరహా స్థలాల సమస్యలు వెలుగు చూసే అవకాశం ఉంటుంది.

Read latest Andhra-pradesh News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

రెడ్డెమ్మ సొమ్ముకే ఎసరు

కొనసాగుతున్న‘కాల్‌మనీ’ కార్యకలాపాలు

కడపకు నీళ్లొచ్చేశాయ్‌

మత్తు దిగాలి..

మహాలక్ష్మమ్మకు నివాళి అర్పించిన సీఎం జగన్‌

వైవీయూలో ఏం జరుగుతోంది..?

శక్తివంతమైన సాధనం మీడియా

దోపిడీకి చెక్‌

అడవిలో వృద్ధురాలు బందీ 

జనసేన కార్యాలయం​ ఖాళీ..

ఇష్టారాజ్యంగా ఇసుక తవ్వకాలు

పేకమేడలా కట్టేస్తూ..

చందాకోసం ఐచర్‌ను ఆపబోతే..

కాటేసిన కరెంటు

గుండె చెరువు!

వాల్తేరు ఉద్యోగుల్లో కలవరం

ఇన్సూరెన్స్‌ డబ్బు కోసం పాలేరు హత్య

నీరు పుష్కలం.. ప్రాజెక్టు నిష్ఫలం

పెయిడ్‌ ఆర్టిస్టులతో టీడీపీ తప్పుడు ప్రచారం 

రాజధాని ఏ ఒక్క సామాజికవర్గానిదో కాదు

మౌలిక వసతులు.. కార్పొరేట్‌ సొబగులు

ఎప్పుడైనా ఈకేవైసీ నమోదు

ఢిల్లీకి సీఎం వైఎస్‌ జగన్‌

ఇసుక రెడీ.. 5 నుంచి సరఫరా

అన్యమత ప్రకటనలపై ప్రభుత్వం సీరియస్‌

గుట్టువిప్పిన శేఖర్‌ చౌదరి...

పీవీ సింధుకు గవర్నర్‌ అభినందనలు

షెడ్యూల్డ్‌ కులాలకు మూడు కార్పొరేషన్‌లు

పోలవరం అవినీతిపై ప్రభుత్వం స్పష్టతనివ్వాలి : జీవీఎల్‌

ఈనాటి ముఖ్యాంశాలు

ఆంధ్రప్రదేశ్
తెలంగాణ
సినిమా

మన ఫ్యాషన్‌ మెచ్చెన్ నేషన్

వేసవికి వస్తున్నాం

ఉప్పు తగ్గింది

టీఎఫ్‌సీసీ అధ్యక్షుడిగా ప్రతాని

కొండారెడ్డి బురుజు సెంటర్‌లో...

శ్రీదేవి సైకిల్‌ ఎక్కారు