గ్రామ వలంటీర్ ఆదర్శం
తోటపల్లిగూడూరు: శ్రీపొట్టిశ్రీరాములు నెల్లూరు జిల్లా కోడూరు పంచాయతీకి చెందిన వలంటీర్ తలారి దయాకర్ తన ఔదార్యాన్ని చూపారు. తొలి నెల జీతాన్ని సీఎం రిలీఫ్ ఫండ్కు ఇచ్చి పలువురికి ఆదర్శంగా నిలిచారు. ఇటీవల గ్రామ వలంటీర్లకు నెలన్నర జీతాన్ని ప్రభుత్వం వారి ఖాతాల్లో జమ చేసింది. ఈ నేపథ్యంలో దయాకర్ తన తొలి నెల వేతనం రూ.5 వేలను సీఎం రిలీఫ్ ఫండ్కు అందజేయాలని కోరుతూ సంబంధిత చెక్కును ఎమ్మెల్యే కాకాణి గోవర్ధన్రెడ్డికి అందించారు. తన మొదటి నెల జీతాన్ని సీఎం రిలీఫ్ ఫండ్కు ఇచ్చినందుకు సంతోషంగా ఉందని దయాకర్ చెప్పారు.