కరువు తీరా వర్షధార

15 Nov, 2019 05:30 IST|Sakshi

సెప్టెంబర్, అక్టోబర్‌లో అనంతపురం జిల్లాను ముంచెత్తిన వర్షాలు

నిండిన చెరువులు, కుంటలు

భారీగా పెరిగిన భూగర్భ జలాలు

వేల సంఖ్యలో రీచార్జ్‌ అయిన బోర్లు

ఆనందంలో ‘అనంత’ జిల్లా రైతాంగం

అనంతపురం అగ్రికల్చర్‌ : అనంతపురం జిల్లా రైతులను ఈసారి వరుణుడు కరుణించాడు. కీలకమైన ఖరీఫ్‌లో ముఖం చాటేసినా.. సెప్టెంబర్, అక్టోబర్‌లో కరుణించాడు. ఫలితంగా జిల్లాలోనే పెద్దదైన శింగనమల చెరువుకు భారీగా నీరు చేరింది. ఇక 15 ఏళ్లుగా ఎండిపోయిన కంబదూరు చెరువు జలకళను సంతరించుకుంది. పరిగి, నార్పల, గుమ్మఘట్ట చెరువుల్లోకి నీరు చేరగా సమీప ప్రాంతాల్లోని భూగర్భ జలమట్టం భారీగా పెరిగింది. నిజానికి నైరుతి రుతుపవనాలు జూన్‌ 22న జిల్లాలోకి ప్రవేశించినా.. అనుకున్న మేర వర్షాలు కురవలేదు. గతేడాది కూడా 552.3 మి.మీ గానూ సాధారణం కన్నా 40.6 శాతం తక్కువగా 327 మి.మీ వర్షపాతం నమోదైంది.

వందేళ్ల చరిత్ర తీసుకుంటే.. 40 శాతం లోటు ఎప్పుడూ నమోదు కాలేదు. దీంతో భూగర్భ జలాలు రోజురోజుకూ అడుగంటిపోయాయి. జిల్లాలోని 63 మండలాల్లో 50కి పైగా మండలాలు డేంజర్‌ జోన్‌లోకి చేరాయి. మే నెలలో భూగర్భ జలమట్టం సగటున 25.96 మీటర్లకు పడిపోయింది. ఆగస్టు 14 నాటికి అది 27.75 మీటర్లకు క్షీణించడంతో సమస్య జఠిలంగా మారింది. ఇది జిల్లా చరిత్రలోనే అత్యంత కనిష్టస్థాయి. 2.45 లక్షల బోరుబావుల్లో కేవలం 1.20 లక్షలు మాత్రమే పనిచేశాయి. ఖరీఫ్‌లో వేసిన 6.10 లక్షల హెక్టార్ల వర్షాధార పంటలు, 2 లక్షల హెక్టార్లలో విస్తరించిన ఉద్యాన తోటలు, 40 వేల ఎకరాల్లో ఉన్న మల్బరీ తోటలు, 10 లక్షల సంఖ్యలో ఉన్న పశుసంపద, 48 లక్షల సంఖ్యలో ఉన్న జీవసంపద మనుగడ ప్రశ్నార్థకంగా తయారైంది.

రెండు నెలల్లో 352 మి.మీ వర్షం
ఇలాంటి సంక్లిష్ట పరిస్థితుల్లో వరుణుడు విశ్వరూపం చూపించాడు. ఆగస్టు 16 నుంచి వర్షించడం ప్రారంభించాడు. సెప్టెంబర్, అక్టోబర్‌ నాటికి ఉగ్రరూపం దాల్చడంతో జిల్లా అంతటా భారీగా వర్షాలు కురిశాయి. ఫలితంగా రెండు నెలల్లోనే రికార్డుస్థాయిలో 352.7 మి.మీ భారీ సగటు వర్షపాతం నమోదైంది. చెరువులు, కుంటలు నిండిపోవడంతో ‘అనంత’కు ఒక్కసారిగా జలకళ వచ్చింది.

భూమిలో ఇంకిన 56 టీఎంసీలు
భారీ వర్షాలతో సెప్టెంబర్‌లో సాధారణం కన్నా 65 శాతం, అక్టోబర్‌లో 43 శాతం అధిక వర్షపాతం నమోదైంది. రెండు నెలల వ్యవధిలో కురిసిన 352.7 మి.మీ వర్షానికి కుంటలు, వాగులు, వంకలు, చెక్‌డ్యాంలు పొంగి ప్రవహించాయి. పెద్దపెద్ద చెరువులు సైతం నిండిపోయాయి. దశాబ్దాలుగా నీటి చుక్క పారని నదీ పరీవాహక ప్రాంతాలు నీటితో కళకళలాడాయి. వర్షాధార పంటలు, పాడి, పట్టు, పండ్లతోటలకు ఉపశమనం కలిగింది. 2 నెలల వర్షాలకు 56 టీఎంసీల వర్షపు నీరు భూగర్భంలోకి ఇంకినట్లు భూగర్భ జలశాఖ నివేదిక చెబుతోంది. జిల్లాలో ఉన్న బోరుబావులకు 50 టీఎంసీల నీళ్లు అవసరం కాగా ఇప్పుడు ఆరు టీఎంల నీళ్లు అధికంగా ఉన్నట్లు తెలుస్తోంది. దీంతో దాదాపు 70 వేల బోర్లు పూర్తిస్థాయిలో రీచార్జ్‌ అయ్యాయి. వేలాది ఎకరాల్లో పంటలు సాగులోకి వచ్చాయి.

నాడు
అనంతపురం జిల్లాను కరువు మేఘాలు కమ్మే శాయి.. ఏటా గంపెడంత ఆశతో వేసే గింజ మొలకెత్తి మూడ్రోజులే మురిపించేది. పదిమందికి అన్నం పెట్టే అన్నదాత చివరికి ఊరుకాని ఊరిలో పరాయి పంచన చేరి కడుపు నింపుకునేవాడు. గ్రాసం, నీరు లేక పశువులూ కటకటలాడేవి. ఇలా, ఒక్కో ఇంట్లో ఒక్కో కన్నీటి వ్యథ కనిపించేది.. వినిపించేది.

నేడు
కరువు నేలను వరుణుడు ముద్దాడాడు. సెప్టెంబర్, అక్టోబర్‌ నెలల్లో కరువుతీరా వర్షించి పుడమి తల్లికి జలాభిషేకం చేశాడు. చెరువులు, కుంటలు నింపేశాడు. భూగర్భ జలమట్టం భారీగా పెంచాడు. నిలువునా ఎండుతున్న లక్షల హెక్టార్ల పండ్ల తోటలు పచ్చటి కళ సంతరించుకున్నాయి. తాగు, సాగునీటి సమస్య దాదాపు లేనట్టే. ఒక్క మాటలో చెప్పాలంటే ఇప్పుడు ‘అనంత’ రూపురేఖలే మారిపోయాయి.

►2018లో లోటు వర్షపాతం 40 %
►ఆగస్టు 14న భూగర్భ నీటిమట్టం27.75మీటర్లు (అత్యంత కనిష్టం)
►సెప్టెంబర్, అక్టోబర్‌లో వర్షపాతం352.7మి.మీ (రికార్డు స్థాయి)
►నవంబర్‌లో భూగర్భ నీటిమట్టం19.70మీటర్లు
►భూమిలోకి ఇంకిన నీరు56 టీఎంసీలు►రీచార్జ్‌ అయిన బోర్ల సంఖ్య70 వేలు

Read latest Andhra-pradesh News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి

Load Comments
Hide Comments
మరిన్ని వార్తలు

బ్లూ ఫ్రాగ్‌ కాదు.. ఎల్లో ఫ్రాగే!

కొత్త సీఎస్‌గా సాహ్ని బాధ్యతల స్వీకారం

వైఎస్సార్‌సీపీలోకి దేవినేని అవినాష్‌

‘ఇసుకపై చంద్రబాబు దీక్షలు సిగ్గుచేటు’

చరిత్రను మార్చే తొలి అడుగు

‘సీఎం జగన్‌ నిర్ణయాన్ని స్వాగతిద్దాం’

‘బ్లూ ఫ్రాగ్‌..అదో ఎల్లో ఫ్రాగ్‌’

ఈనాటి ముఖ్యాంశాలు

కాలినడకన తిరుమలకు చేరుకున్న మంత్రి

‘కమిషన్‌ కోరిన సమాచారాన్ని కళాశాలలు ఇవ్వాలి’

'రక్షణ సంబంధాల్లో కొత్త అధ్యాయం'

‘వారి కలల్ని నెరవేర్చేందుకే ఆంగ్ల విద్యా బోధన’

అప్పుడే ధర్నాలు, దీక్షలా: వల్లభనేని వంశీ

‘ఆ దీక్షను చూసి ప్రజలు నవ్వుకుంటున్నారు’

చింతపండుపై జీఎస్టీని మినహాయించాం

వైఎస్సార్‌ సీపీలో చేరిన దేవినేని అవినాష్‌

20 ఏళ్లు..20 వేల గుండె ఆపరేషన్లు..

వెయిట్‌ లాస్‌ కోసమే చంద్రబాబు దీక్ష

‘చంద్రబాబుకు అద్దె మైకులా ఆయన మారిపోయారు’

‘నాడు-నేడు’ కార్యక్రమం కాదు.. ఓ ​‍‘సంస్కరణ’

జేసీకి షాకిచ్చిన రవాణా శాఖ

దేవాన్ష్‌ చదివే స్కూళ్లో తెలుగు మీడియం ఉందా?

చంద్రబాబుకు యువనేత షాక్‌

చంద్రబాబు బ్రీఫ్డ్‌ మీ అంటూ తెలుగును చంపేశారు..

సీఎం జగన్‌ను కలిసిన సీఎస్‌ నీలం సహానీ

‘ప్రభుత్వ నిర్ణయాల్లో తప్పేమీ లేదు’

ఆ ర్యాంకు వారికి ‘గీతం’లో ఉచిత విద్య

‘చరిత్రను మార్చబోయే అడుగులు వేస్తున్నాం’

మీకెంత ధైర్యం సీఎం సార్‌.. మాకోసం..

చంద్రబాబు అలా చేయడం విడ్డూరంగా ఉంది: స్పీకర్‌

ఆంధ్రప్రదేశ్
తెలంగాణ
సినిమా

హారర్‌ కథ

రెండుగంటలు నవ్విస్తాం

నెక్ట్స్‌ ఏంటి?

రుద్రవీణ చూసి ఇండస్ట్రీకి వచ్చా

ప్రేమ పోరాటం

తీన్‌మార్‌