ప్రేమ పెళ్లి.. భార్య వేధిస్తుందని భర్త ఆవేదన

21 Sep, 2019 11:11 IST|Sakshi
షేక్‌ మహమ్మద్‌ హుస్సేన్‌

ప్రేమించి పెళ్లి చేసుకున్నాక నెలరోజులకే పుట్టింటికి వెళ్లిన భార్య

కలిసి జీవిద్దామంటే ఒప్పుకోని వైనం

కేసులు పెట్టి భార్య వేధిస్తుందని భర్త ఆవేదన

న్యాయం చేయాలని అర్బన్‌ ఎస్పీకి వేడుకోలు

గుంటూరు: పెద్దల ఒప్పందంతో ప్రేమించి పెళ్లి చేసుకున్నామని... ఆ తర్వాత నెల రోజులకే తన భార్య కాపురం చేయకుండా పుట్టింటికి వెళ్లిపోయిందని... అదేమని అడిగితే కేసులు పెట్టి వేధిస్తుందని... విచారించి న్యాయం చేయాలని నగరంలోని అంకమ్మనగర్‌కు చెందిన షేక్‌ మహమ్మద్‌ హుస్సేన్‌ కోరారు. ఈ మేరకు తన గోడు విన్నవించేందుకు అర్బన్‌ ఎస్పీ కార్యాలయానికి శుక్రవారం ఆయన వచ్చారు. ఈ సందర్భంగా విలేకర్లతో మాట్లాడుతూ 2012లో గుంటూరు రూరల్‌ మండలం లాలుపురం గ్రామానికి చెందిన నీరజ ప్రియాంక, తాను ప్రేమించుకున్నామని తెలిపారు. పెద్దల ఒప్పందంతోనే ముస్లిం సంప్రదాయంలో పెళ్లి చేసుకున్నామని పేర్కొన్నారు. పట్టుమని నెల రోజులు కూడా తన భార్య తనతో ఉండకుండా పుట్టింటికి వెళ్లిపోయిందని ఆవేదన వ్యక్తం చేశారు.

జీవితాంతం తోడుగా ఉంటుందని భావించి పెళ్లి చేసుకుంటే తనను అర్ధాంతరంగా వదిలేసి వెళ్లిందని వాపోయారు. కాపురానికి రావాలని ఎన్నిసార్లు కోరినా లెక్కచేయడం లేదన్నారు. అప్పటి నుంచి ఏడేళ్లుగా తనపై అనేక రకాల కేసులు నమోదుచేసి తన భార్య వేధింపులకు గురిజేస్తుందని చెప్పారు. రూ.10 లక్షలు ఇస్తే పెట్టిన కేసులు రాజీ పడతానని చెబుతుందన్నారు. తన భార్య వ్యవహారశైలి కారణంతో తమ కుటుంబమంతా నరకయాతన అనుభవిస్తుందన్నారు. వృద్ధాప్యంలో ఉన్న తల్లిదండ్రులు సైతం అనారోగ్యంతో బాధపడుతూ కుమిలిపోతున్నారని పేర్కొన్నారు. తన సమస్య గురించి పోలీసులకు ఫిర్యాదు చేసినా ఫలితం లేదన్నారు. పెద్దల సమక్షంలో పరిష్కరించుకోవాలని పోలీసులు చేతులు దులుపుకున్నారని తెలిపారు. తన సమస్యపై అర్బన్‌ ఎస్పీ రామకృష్ణ స్పందించి న్యాయం చేయాలని విన్నవించారు. 

Read latest Andhra-pradesh News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు

ఏపీలో 111కు చేరిన కరోనా కేసులు

తెలుగు ప్రజలకు సీఎం జగన్‌ శ్రీరామనవమి శుభాకాంక్షలు

సీఎం జ‌గ‌న్ స్ఫూర్తితో వెల్లివిరిసిన సేవాభావం

బ‌య‌ట తిరిగేవారికి య‌ముడు విధించే శిక్ష‌?

వైరస్‌ సోకినవారిపై వివక్ష చూపొద్దు : సీఎం జగన్‌

సినిమా

‘స్టార్‌ వార్స్‌’ నటుడు కరోనాతో మృతి

ఆర్జీవీ... ఓ రామబాణం

అందుకే తప్పుకున్నా

మ‌ళ్లీ అడ్డంగా దొరికిన న‌టి, ఇదిగో ఫ్రూఫ్‌..

‘నాలుగో సింహం ఎవరో చెప్పిన సాయి కుమార్‌’

ఆర్జీవీ: రోజూ గిల్లే వాడు