పెందుర్తి: సినీ నటి రమశ్రీకి డాక్టరేట్‌ లభించింది. అమెరికా లోని ఫిలాంథ్రోఫిక్‌ సొసైటీ నేషనల్‌ డీమ్డ్‌ యూనివర్సిటీ విజ యవాడలోని ఐలాపురం కన్వెషన్‌ హాల్‌లో బుధవారం నిర్వహించిన కార్యక్రమంలో ఆమె కు డాక్టరేట్‌ ప్రదానం చేశారు. సినీ నటిగా, దర్శక నిర్మాతగా రమ్యశ్రీ కళారంగానికి అందించిన సేవలకుగాను ఈ డాక్టరేట్‌తో అభినందించారు. రమ్య హృదయాల ఫౌండేషన్‌ ద్వారా గత పదేళ్ల నుంచి యాచకులు, వృద్ధులు, వికలాంగులకు ఆమె అందిస్తున్న సేవలను ఈ సందర్భంగా అభినందించారు. రమ్యమైన హృదయంతో రమ్య హృదయాల ఫౌండేషన్‌ ద్వారా ఈ కార్యక్రమాలను నిర్వహిస్తున్నారని కొనియాడారు. సినీ నటిగా రాణిస్తూనే సామాజిక బాధ్యతగా రమ్యశ్రీ మెడికల్‌ క్యాంపులు, క్యాన్సర్‌పై చైతన్యం, బీపీ, సుగర్‌ వ్యాధులపై అవగాహన కార్యక్రమాలను నిర్వహించారు.
