అబలల ఆర్తనాదం ఇంతింత కాదయా..

10 Sep, 2018 04:06 IST|Sakshi

సాక్షి, అమరావతి: అనేక సమస్యలతో సతమతమవుతూ పరిష్కారం కోసం ఉమెన్‌ హెల్ప్‌లైన్‌ ‘డయల్‌ 181’ను ఆశ్రయిస్తున్న మహిళలకు తీవ్రనిరాశే ఎదురవుతోంది. దీంతో రాష్ట్ర ప్రభుత్వంలోని 13 శాఖల భాగస్వామ్యంతో ఏర్పాటుచేసిన ‘డయల్‌ 181’ అలంకారప్రాయంగా మారింది. ఆపద, ఈవ్‌టీజింగ్, గృహహింస, వరకట్నం, బలవంతపు వ్యభిచారం తదితర అనేక సమస్యలు, కష్టాలు ఎదుర్కొంటున్న మహిళలు తమను ఆదుకోవాలంటూ లక్షలాదిగా చేస్తున్న ఫోన్‌కాల్స్‌పట్ల ఆయా శాఖలు స్పందించి పరిష్కరిస్తున్నవి అరకొరగానే ఉంటున్నాయి. హెల్ప్‌లైన్‌లో ద్వారా నమోదైన ఫోన్‌కాల్స్‌ వివరాలు చూస్తే విస్తుపోయే నిజాలు వెలుగుచూస్తున్నాయి. 

కాల్స్‌ కొండంత.. పరిష్కరించినవి గోరంత
2016 అక్టోబరు నుంచి 2018 ఆగస్టు వరకు రాష్ట్రవ్యాప్తంగా మొత్తం 4,45,335 మంది మహిళలు సహాయం కోసం ఫోన్‌చేస్తే వాటిలో 3,22,077 కాల్స్‌ను మాత్రమే హెల్ప్‌లైన్‌ స్వీకరించింది. వాటిలో 2,47,954 కాల్స్‌ను నమోదు చేసుకోగా పరిగణలోకి తీసుకున్నవి కేవలం 1,233 మాత్రమే. వాటిలోనూ గడిచిన రెండేళ్లలో కేవలం 621మంది సమస్యలు మాత్రమే పరిష్కారానికి నోచుకోగా ఇంకా 612 పెండింగ్‌లోనే ఉంచారు. ఇలా ఫోన్‌కాల్స్‌ లిస్ట్‌ కొండంత ఉంటే నమోదు చేసి పరిష్కరించింది గోరంతగా ఉంది.

శాఖల మధ్య సమన్వయలేమి
వాస్తవానికి ‘డయల్‌ 181’ హెల్ప్‌లైన్‌కు వచ్చిన ఫోన్‌కాల్స్‌ వివరాలను రాష్ట్ర ప్రభుత్వానికి చెందిన 13 శాఖలు పరిశీలించి తమ పరిధిలోకి వచ్చే సమస్యలను ఆయా శాఖలు పరిష్కరించాల్సి ఉంది. పోలీస్, సైబర్‌ క్రైమ్, చైల్డ్‌ డెవలప్‌మెంట్‌ (ఐసీడీఎస్‌), చైల్డ్‌ ప్రొటెక్షన్‌ సర్వీస్‌ (ఐసీపీఎస్‌), డీఆర్‌డీఏ, హెల్త్, సర్వశిక్ష అభియాన్‌ (ఎస్‌ఎస్‌ఏ) తదితర ప్రభుత్వ శాఖలు బాధితులకు ఆపన్నహస్తం అందించాల్సి ఉంది. కానీ, నమోదవుతున్న ఫోన్‌కాల్స్‌కు, పరిగణలోకి తీసుకున్న వాటికి, పరిష్కరించిన వాటికి పొంతన లేకపోవడం చూస్తే శాఖల మధ్య సమన్వయంలేదనే విషయం స్పష్టమవుతోంది. ఇదిలా ఉంటే.. మహిళల నుంచి వస్తున్న ఫోన్స్‌ కాల్స్‌లో ఎక్కువగా రాజధాని ప్రాంతం నుంచే వస్తున్నట్లు నమోదైన కాల్స్‌ ద్వారా తెలుస్తోంది. రెండేళ్లలో అనేక వడబోతల అనంతరం నమోదైన 1,233 కేసులలో అత్యధికంగా గుంటూరు, కృష్ణా జిల్లాలోనే ఉండటం ఆందోళన కలిగించే విషయం. తూర్పుగోదావరి జిల్లా ఆ తర్వాత స్థానంలో ఉంది. 

Load Comments
Hide Comments
మరిన్ని వార్తలు

అక్రమ తవ్వకాలపై కఠినంగా వ్యవహరించండి

‘టీడీపీది మేకపోతు గాంభీర్యం’

వాయుగుండంగా మారిన తీవ్ర అల్పపీడనం

మరో 4 వారాలు ఓపిక పట్టు ఉమా!

మానవత్వానికే మచ్చ !

భద్రత కట్టుదిట్టం

రిమ్స్‌కు నిర్లక్ష్యం జబ్బు..

ఇచ్చిపుచ్చుకుంటే.. ఎంతో బాగుంటుంది..

‘రామకృష్ణ! ఒళ్లు దగ్గర పెట్టుకొని మాట్లాడు’

కుక్కా కరవకు.. జ్వరమా రాకు..

నో... హాలిడేస్‌ !

విజయవాడలో ఆర్టీసీ ప్రయాణికుల పాట్లు

హరిత ట్రిబ్యునల్‌ సూచనల మేరకే

పాల ప్యాకెట్‌లో పాముపిల్ల!

విశాఖ వనితకు కొత్త శక్తి

బుకాయిస్తే బుక్కయిపోతారు!

అంగన్‌వాడీ చిన్నారులకు తప్పిన ప్రమాదం

‘సర్వ’జన కష్టాలు

బస్సు టైరు ఢాం..!

ప్రైవేటు భక్తి!

ఆపన్న హస్తం కోసం ఎదురుచూపు!

‘గ్రేటర్‌’ ఆశాభంగం

కొండ చుట్టూ వివాదాలు

దేశంలో ఏపీనే టాప్‌

ఇసుకాసురులకు ముఖ్య నేత అండ!

ఖజానాలో డేంజర్‌ ‘బిల్స్‌’

‘ఫణి’ దూసుకొస్తోంది

విశ్లేషణలన్నీ ఊహాత్మకం.. ఫలితాలు వాస్తవికం 

హైకోర్టు న్యాయవాదుల సంఘం అధ్యక్షుడుగా రవిప్రసాద్‌ 

ప్రభుత్వ కార్యక్రమాల్లో పాల్గొనాలని విద్యార్థులను బలవంత పెట్టొద్దు 

ఆంధ్రప్రదేశ్
తెలంగాణ
సినిమా

గూగుల్‌లో థానోస్‌ అని సెర్చ్‌ చేస్తే ఏమౌతుందో తెలుసా?

వంద కోట్లు కలెక్ట్‌ చేసిన ‘కాంచన3’

‘మా ఏపీ’లోకి తెలంగాణ, చెన్నై టెక్నీషియన్లు

ఎన్నికల్లో మార్పు రావాలి

ఓట్లేసిన తారలకు పాట్లు

సినీ రంగానికి నూతన ఆర్టిస్టులు అవసరం