నిఘా లేక దగా

4 Sep, 2018 13:44 IST|Sakshi
తెలంగాణ నుంచి వాహనంలో తెచ్చిన బియ్యం

పెద్దెత్తున బియ్యం అక్రమ రవాణా         

తెలంగాణ నుంచి జిల్లాకు డంప్‌

రేషన్‌ బియ్యాన్ని పాలిష్‌ చేసి అమ్మకం

అడపాదడపా విజిలెన్స్‌ దాడులు

అయినా ఆగని అక్రమాలు

బియ్యం అక్రమ రవాణాకు జిల్లా అడ్డాగా మారింది. తెలంగాణలోని ఖమ్మం, ఇతర ప్రాంతాలతో పాటు జిల్లాలోని రేషన్‌డిపోల నుంచి పెద్ద ఎత్తున రేషన్‌ బియ్యాన్ని సేకరించి, వాటిని పాలిష్‌ పట్టించి విదేశాలకు ఎగుమతి చేస్తున్నారు. గత రెండు రోజులుగా విజిలెన్స్‌ అండ్‌ ఎన్‌ఫోర్స్‌మెంట్‌ చేస్తున్న దాడుల్లో రైసుమిల్లుల వద్ద పెద్ద ఎత్తున రేషన్‌ బియ్యం దొరుకుతుండటం సంచలనంగా మారింది. 24 గంటల వ్యవధిలో తాడేపల్లిగూడెం మండలం ఎల్‌.అగ్రహారం శ్రీ శ్రీనివాసా ఆగ్రో ప్రొడక్ట్స్‌ ప్రైవేట్‌ లిమిటెడ్‌ రైస్‌ మిల్లులో నాలుగు కోట్ల డబ్భై ఆరు వేల రూపాయల విలువ గల మొత్తం స్టాకును స్వాధీనం చేసుకోగా, తాజాగా నల్లజర్ల మండలం అనంతపల్లి శ్రీ వెంకట సత్యనారాయణ రైస్‌ అండ్‌ ఫ్లోర్‌ మిల్‌లో సోమవారం ఉదయం దాడులు నిర్వహించారు.

సాక్షి ప్రతినిధి, ఏలూరు: ఖమ్మం జిల్లా నుంచి పలు రేషన్‌ డీలర్లు, ప్రజల వద్ద సేకరించిన రేషన్‌ బియ్యాన్ని మినీ వ్యాన్‌లో జిల్లాలోని ఆనంతపల్లి రైస్‌ మిల్లుకు తరలించి దిగుమతి చేస్తుండగా అధికారులు రెడ్‌ హ్యాండెడ్‌గా పట్టుకున్నారు. ఈ దాడుల్లో 25 క్వింటాళ్ల రేషన్‌ బియ్యాన్ని, ఓ మినీ వ్యాన్‌ని స్వాధీనం చేసుకున్నారు. రైస్‌ మిల్లులో ఉన్న స్టాకు నిల్వల్ని కూడా అధికారులు తనిఖీలు చేశారు. స్టాకుల్లోనూ వ్యత్యాసాలు గుర్తించారు. 298 క్వింటాళ్ల ధాన్యం, 11 క్వింటాళ్ల బియ్యం వ్యత్యాసాలు ఉన్నట్లుగా లెక్క తేల్చారు. ఈసారి 6ఎ తోపాటు  7(1) లెవీ ఆర్డర్స్‌ రూల్‌ అతిక్రమణగా కేసులుగా నమోదుచేసి రైస్‌ మిల్లును విజిలెన్స్‌ అధికారులు సీజ్‌ చేశారు.  

పేదలకు రేషన్‌ డిపోల ద్వారా అందించాల్సిన బియ్యాన్ని అక్రమార్కులు బ్లాక్‌ మార్కెట్‌కు తరలిస్తున్నారు. ఈ బియ్యాన్ని కాకినాడ పోర్టుకు తరలించి, అక్కడ నుంచి బంగ్లాదేశ్‌ తదితర దేశాలకు ఎగుమతి చేస్తున్నారు. రేషన్‌షాపుల నుంచి, లబ్ధిదారులను మభ్యపెట్టి కేజీ రూ.10కి కొనుగోలు చేసి వీటిని రీసైక్లింగ్‌ చేసి కేజీ రూ.40 నుంచి రూ.50 వరకు మార్కెట్‌లో విక్రయిస్తున్నారు. ప్రతినెలా లబ్ధిదారులకు ప్రభుత్వం ఒక్కొక్కరికి 5కేజీల చొప్పున రేషన్‌  బియ్యం ఇస్తుంది. నలుగురు ఉన్న కుటుంబానికి కేజీ రూ.1కు 20 కేజీల వరకు నెలకు ప్రభుత్వం సరఫరా చేస్తోంది. అయితే ఎక్కువ మంది ఈ బియ్యాన్ని వాడటానికి ఆసక్తి కనపరచకపోవడంతో లబ్ధిదారులకు కిలోకు రూ.10 చొప్పున చెల్లించి ఆ బియ్యాన్ని దొడ్డిదారిన తరలిస్తున్నారు. ఇలా సేకరించిన బియ్యాన్ని అక్రమార్కులు ఆటోల ద్వారా గోడౌన్‌లకు తరలించి, ఒక లారీ లోడు సిద్ధమయ్యాక పలు రైస్‌మిల్లుల్లో వీటిని రీసైక్లింగ్, పాలిష్‌ చేసి ఏదో ఒక బ్రాండ్‌ పేరుతో 25 కేజీల బ్యాగ్‌ తయారు చేస్తున్నారు. ఇలా తయారు చేసిన రైస్‌బ్యాగ్‌లను కాకినాడ పోర్టు నుంచి బంగ్లాదేశ్‌ తదితర దేశాలకు ఎగుమతి చేస్తున్నారు.

జిల్లాలోని రేషన్‌షాపుల నుంచే కాక జిల్లా సరిహద్దు తెలంగాణ గ్రామాల పరిధిలోని రేషన్‌షాపుల నుంచి కూడా బియ్యాన్ని తరలిస్తున్నారు. ఇటీవల కాలంలో జంగారెడ్డిగూడెం, చింతలపూడి, జీలుగుమిల్లి, టి.నరసాపురం తదితర ప్రాంతాల్లో విజిలెన్స్‌అధికారులు దాడులు చేసి అక్రమంగా తరలిస్తున్న బియ్యాన్ని పట్టుకోగా తాజాగా తాడేపల్లిగూడెం, నల్లజర్లలో విజిలెన్స్‌ అధికారులు దాడులు చేశారు. గతంలో రెవెన్యూ విజిలెన్స్‌ అధికారులు అక్రమార్కులపై దాడులు చేసినా కేవలం 6ఎ కేసుతో సరిపెట్టడంతో ఈ కేసుల నుంచి బయటపడి వెంటనే మళ్లీ ఇదే వ్యాపారం చేస్తున్నారు. ఒక్కొక్కరిపైనా 10 నుంచి 15 కేసులు ఉన్నప్పటికీ ఏ ఒక్కరూ ఈ అక్రమ వ్యాపారాన్ని మానడం లేదు. ఈసారి కలెక్టర్‌ ఆదేశాల మేరకు 6ఎతో పాటు 7(1) సెక్షన్‌ కింద కేసులు పెట్టడంతో అక్రమ రవాణాదారుల్లో కలకలం రేగుతోంది. రేషన్‌ బియ్యం అక్రమ రవాణాపై రాష్ట్ర స్థాయి ఉన్నతాధికారులు కూడా సీరియస్‌గా ఉన్నప్పటికీ ప్రయోజనం లేకుండా పోతోంది.  ఇప్పటికైనా రైస్‌మిల్లులపై దృష్టి పెడితే ఈ అక్రమ రవాణాకు అడ్డుకట్ట వేయవచ్చనే అభిప్రాయం వ్యక్తం అవుతోంది.

Read latest Andhra-pradesh News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

పూర్తి స్థాయి సర్వే జరిగి 111 సంవత్సరాలు

సీఆర్‌డీఏపై సీఎం వైఎస్‌ జగన్‌ సమీక్ష

ఏపీలో పెట్రోకెమికల్‌ కాంప్లెక్స్‌కు కేంద్రం రెడీ, కానీ.. 

బీసీ క్రీమీ లేయర్‌పై నిపుణుల కమిటీ

‘నోరు అదుపులో పెట్టుకుని మాట్లాడండి’

‘సర్వ ఏకాదశి’కి తిరుమల ముస్తాబు

శ్రీనివాసరావు బెయిల్‌ పొడగింపు

చంద్రబాబు నివాసంపై మంత్రి బొత్స కామెంట్‌..

అక్రమ అంతస్థులకు.. అంతిమ గీతం

గత ప్రభుత్వ అవినీతిపై సీఎం జగన్‌ కీలక నిర్ణయం

‘సీఎం వైఎస్ జగన్ పనితీరు అద్భుతం’

కొనసాగుతున్న అక్రమ నిర్మాణాల కూల్చివేత

‘పార్లమెంట్‌లో ఇచ్చిన ఆ మాటను నిలబెట్టుకోవాలి’

విద్యుత్‌, ఇంధనశాఖ అధికారులతో సీఎం జగన్‌ సమీక్ష

‘రూ. 8 కోట్లు అన్నారు.. ఇక్కడేమో రేకుల షెడ్డు’

బై.. బై! బాక్సైట్‌

ఆర్టీసీ విలీనంపై సీఎం వైఎస్‌ జగన్‌ సమీక్ష

అప్పన్న అన్న ప్రసాదం.. అ‘ధన’పు భారం!

‘చంద్రబాబు ఖాళీ చేయాల్సిందే’

ఆ విషయంలో లోకేష్‌ డప్పుకొట్టుకోవటం ఆపాలి

ఫలించిన ఎమ్మెల్యే మధ్యవర్తిత్వం

ప్రత్యేక హోదా ఉద్యమకారులపై కేసులు ఎత్తివేత 

హమ్మయ్య డ్యామ్‌ దాటేశాయ్‌!

రైతుల ఆందోళన!

పైసలుంటేనే పని జరిగేది..!

బ్యాంకులో అగ్నిప్రమాదం

అంతా మా ఇష్టం!

నీ దూకుడు.. తాడిపత్రి చూడు!

నర్సింగ్‌ కాలేజీలో నరకం.. నిజమే!

కువైట్‌లో అరెస్టయిన ప్రవాసాంధ్రులు విడుదలయ్యేనా?

ఆంధ్రప్రదేశ్
తెలంగాణ
సినిమా

భారత్‌లో ఒక రోజు ముందుగానే!

దూకుడుగా కబీర్‌ సింగ్‌..5 రోజుల్లోనే 100 కోట్లు!

‘సైరా’ సంగీత దర్శకుడికి మెగా ఆఫర్‌

గూగుల్‌లో ఉద్యోగం చేశాను..

సెన్సార్ పూర్తి చేసుకున్న ‘కల్కి’

మీకు అర్థం కాదా : జ్యోతిక ఫైర్‌