రిమ్స్‌లో గుండె అత్యవసర విభాగం

 

 అదే విధంగా జిల్లాలోని కనిగిరి, దర్శి, పొదిలి, కందుకూరు, చీరాల, కంభం, మార్కాపురం తదితర ప్రాంతాల్లో నాన్ కమ్యూనికబుల్ డిసీజ్ రిఫరల్ సెంటర్లను ఏర్పాటు చేయనున్నట్లు చెప్పారు. రిఫరల్ సెంటర్ల నుంచి నాన్ కమ్యూనికబుల్ డిసీజ్‌లతో బాధపడే వారిని రిమ్స్‌లో ఏర్పాటు చేయనున్న ఇంటెన్సివ్ కేర్ యూనిట్‌కు పంపిస్తామన్నారు. ఇంటెన్సివ్ కేర్ యూనిట్‌లో ఒక వైద్యనిపుణుడు, ముగ్గురు డ్యూటీ డాక్టర్లు, ఇతర సిబ్బంది 24 గంటలూ అందుబాటులో ఉంటారని చెప్పారు. న్యూట్రిషన్ అండ్ రిహాబిలిటేషన్ కేంద్రం గురించి అంగన్‌వాడీలకు, పిల్లల కోసం పనిచేసే స్వచ్ఛంద సంస్థలకు  సమాచారాన్ని అందించి పోషకాహార లోపం ఉన్న వారికి ఉపయోగపడే విధంగా తీర్చిదిద్దుతామన్నారు. అనంతరం నవజాత శిశు కేంద్రాన్ని ఆమె తనిఖీ చేశారు. ఇన్‌క్యుబేటర్లను వాడుతున్నారా..లేదా...అని సిబ్బందిని అడిగి తెలుసుకున్నారు. సెన్సెస్‌పై ఆరా తీశారు. వీటన్నింటిపై ఈ నెల 12వ తేదీన హైదరాబాద్‌లో అన్ని జిల్లాల వైద్యాధికారులతో సమావేశం జరగనుందని రామతులశమ్మ తెలిపారు. ఆ సమావేశంలో తుది విధానాలను ఖరారు చేసి ఒంగోలు రిమ్స్‌లో గుండెకు సంబంధించిన ఐసీయూను ఏర్పాటు చేస్తారని చెప్పారు.