కదిరి(అనంతపురం): మద్యానికి బానిసై కట్టుకున్న భార్యను దారుణంగా కడతేర్చాడో ప్రబుద్ధుడు. ఈ సంఘటన జిల్లాలోని కదిరిలో బాబావలి కాలనీలో గురువారం వెలుగుచూసింది. స్థానికంగా నివాసముంటున్న బాలకృష్ణ, లావణ్య(26) దంపతులు కూలి పనులు చేసుకుంటూ జీవనం సాగిస్తున్నారు.
ఈ క్రమంలో మద్యానికి బానిసైన బాలకృష్ణ తరచు భార్యతో గొడవపడేవాడు. బుధవారం రాత్రి కూడా భార్యాభర్తల మధ్య గొడవ జరిగడంతో కోపోద్రిక్తుడైన బాలకృష్ణ లావణ్యను దారుణంగా కొట్టి చంపాడు. విషయం తెలుసుకున్న పోలీసులు సంఘటనా స్థలానికి చేరుకొని కేసు దర్యాప్తు చేస్తున్నారు.
