హైదరాబాద్ : తెలంగాణ రాష్ట్ర రోడ్డు రవాణా సంస్థ (టీఎస్ఆర్టీసీ) లోగోను తెలంగాణ రవాణాశాఖ మంత్రి మహేందర్ రెడ్డి గురువారం ఆవిష్కరించారు. ఈ లోగోను జ్ఞానేశ్వర్ అనే కళాకారుడు రూపొందించాడు. రౌండెడ్ ఫ్రేమ్లో కాకతీయ కళాతోరణం, కళాతోరణం మధ్యలో చార్మినార్, తెలుపు రంగులో రహదారి, రహదారి మధ్యలో గీతలు ఉన్నాయి. ప్రగతి రథం, ప్రజల నేస్తం అనే తెలుగు స్లోగన్ కూడా ఈ లోగోలో భాగమయ్యింది.
