సాక్షి, ముంబై: భారతీ ఎయిర్‌టెల్‌ తాజాగా కొత్త డేటా ప్లాన్లను ప్రకటించింది. ప్రీపెయిడ్ కస్టమర్లకోసం ఈ కొత్త ప్రీపెయిడ్ రీఛార్జి ప్లాన్లతో ముందుకు వచ్చింది . టెలికాం కంపెనీ వెబ్‌సైట్ ప్రకారం రెండు ప్లాన్లను లాంచ్‌ చేసింది . రూ. 49 , రూ. 92 ప్లాన్లను ప్రారంభించింది. అందుబాటు ధరలో, హైస్పీడ్‌ డేటాను వినియోగదారులకు అందించే లక్ష్యంగా వీటిని ప్రారంభించింది.
రూ.49 ప్యాక్ ప్రామాణికత ఒక రోజు. ఇందులో 3జీబీ హై స్పీడ్‌ డేటా. మరొక ప్లాన్ రూ. 92 ప్యాక్ 7 రోజులపాటు చెల్లుబాటులో ఉంటుంది. 6జీబీ డేటా అందిస్తుంది. ఈ రెండు ప్లాన్లలోనూ అధిక-వేగ డేటాను ఆఫర్ చేస్తుంది. డేటా వినియోగంపై రోజువారీ నిబంధన ఏదీ లేదు. అంటే ఏడు రోజుల్లోనూ ఎపుడైనా 6జీబీ డేటా వాడు కోవచ్చు.
