గూగుల్‌ను వెనక్కి నెట్టిన అమెజాన్‌

12 Jun, 2019 09:56 IST|Sakshi

అత్యంత విలువైన బ్రాండ్‌గా అవతరణ

అత్యుత్తమ కస్టమర్‌ సేవలు, భిన్న ఉత్పత్తులు ప్లస్‌

కాంటార్‌ 100 టాప్‌ బ్రాండ్స్‌ నివేదిక వెల్లడి

లండన్‌: అమెరికాకు చెందిన అగ్రగామి రిటైల్‌ సంస్థ అమెజాన్‌... టెక్‌ దిగ్గజాలైన యాపిల్, గూగుల్‌లను వెనక్కి నెట్టేసి ప్రపంచంలోనే అత్యంత విలువైన బ్రాండ్‌గా అవతరించింది. అమెజాన్‌ బ్రాండ్‌ విలువ గతేడాది 52 శాతం (108 బిలియన్‌ డాలర్ల మేర) పెరిగి 315 బిలియన్‌ డాలర్లకు (రూ.22.05 లక్షల కోట్లకు) చేరినట్టు అంతర్జాతీయ మార్కెట్‌ పరిశోధనా సంస్థ కాంటార్‌ తన 2019వ సంవత్సరపు ‘100 టాప్‌ బ్రాండ్స్‌’ నివేదికలో వెల్లడించింది. గతేడాది అమెజాన్‌ మూడో స్థానంలో ఉండగా, గూగుల్‌ అత్యంత విలువైన ప్రపంచపు నంబర్‌ 1 బ్రాండ్‌గా ఉంది. తాజాగా వీటి స్థానాలు మారిపోయాయి. అమెజాన్‌ రెండు మెట్లు పైకెక్కి మొదటి స్థానానికి రాగా, గూగుల్‌ మూడో స్థానానికి పడిపోయింది. రెండో స్థానంలో యాపిల్‌ నిలిచింది. సీటెల్‌కు చెందిన జెఫ్‌ బెజోస్‌ అమెజాన్‌ను 1994లో ఆరంభించిన విషయం గమనార్హం. కీలకమైన కొనుగోళ్లు, అత్యున్నత కస్టమర్‌ సేవలు, వేగంగా చొచ్చుకుపోయే విధ్వంసక వ్యాపార నమూనా అమెజాన్‌ను అగ్ర స్థానానికి తీసుకెళ్లేలా చేసినట్టు కాంటార్‌ నివేదిక వివరించింది.

కలిసొచ్చిన కొనుగోళ్లు...  
‘‘అమెజాన్‌ చేసిన తెలివైన కొనుగోళ్లు కొత్త ఆదాయ మార్గాలకు దారితీశాయి. అద్భుతమైన కస్టమర్‌ సర్వీస్‌తోపాటు కంపెనీ సామర్థ్యాలు ప్రత్యర్థులను అధిగమించడానికి తోడ్పడ్డాయి. భిన్నమైన ఉత్పత్తులు, సేవలను అందించడం ద్వారా అమెజాన్‌ తన బ్రాండ్‌ విలువను వేగంగా పెంచుకుంది’’అని కాంటార్‌ తెలిపింది. అమెజాన్‌ వృద్ధి ఏ కొంచెం కూడా తగ్గిందన్న సంకేతం కనిపించలేదని స్పష్టం చేసింది. 

టాప్‌ 10 కంపెనీలు
ప్రపంచంలో అత్యంత విలువైన కంపెనీల్లో అమెరికా కంపెనీల ఆధిపత్యమే ఎక్కువగా ఉంది. టాప్‌– 6 కంపెనీలు అమెరికావే. అమెజాన్‌ తర్వాత 309.5 బిలియన్‌ డాలర్లతో యాపిల్‌ రెండో అత్యంత విలువైన బ్రాండ్‌గా నిలిచింది. గూగుల్‌ 309 బిలియన్‌ డాలర్లతో మూడో స్థానంలో, 251 బిలియన్‌ డాలర్లతో మైక్రోసాఫ్ట్, 178 బిలియన్‌ డాలర్లతో వీసా సంస్థ, ఫేస్‌బుక్‌ 159 బిలియన్‌ డాలర్లతో తర్వాతి స్థానాల్లో వరుసగా ఉన్నాయి. టెన్సెంట్‌ను అధిగమించి చైనాకు చెందిన అలీబాబా అత్యంత విలువైన చైనా బ్రాండ్‌గా అవతరించింది. 131.2 బిలియన్‌ డాలర్ల విలువతో ప్రపంచంలో ఏడో అత్యంత విలువైన బ్రాండ్‌గా అలీబాబా నిలిచింది. టెన్సెంట్‌ మూడు స్థానాలు దిగజరారి 130.9 బిలియన్‌ డాలర్లతో ఎనిమిదో స్థానానికి పరిమితం అయింది. 

ఆసియాలో చైనా కంపెనీల పైచేయి
కాంటార్‌ ప్రపంచపు టాప్‌ 100 విలువైన బ్రాండ్లలో 23 ఆసియావే ఉన్నాయి. ఇందులో 15 చైనాకు చెందినవి కావడం గమనార్హం. ప్రముఖ బ్రాండ్లు దూసుకుపోయే వ్యాపార నమూనాలతో టెక్నాలజీ పరంగా సంప్రదాయ కంపెనీలను అధిగమించినట్టు కాంటార్‌ సర్వే నివేదిక పేర్కొంది. ‘‘సరిహద్దులు అస్పష్టంగా మారుతున్నాయి. టెక్నాలజీ సమర్థతలు అమేజాన్, గూగుల్, అలీబాబా వంటి బ్రాండ్లు భిన్న రకాల వినియోగ సేవలను అందించేందుకు వీలు కల్పిస్తున్నాయి’’ అని పేర్కొంది. 

Read latest Business News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

‘విద్వేష వీడియోలపై విధానంలో కీలక మార్పులు’ 

పెరుగుతున్న ఆన్‌లైన్‌ ఆర్థిక వ్యవస్థ

ఇక ‘ఫేస్‌బుక్‌’ ద్వారా వ్యాపారం

ట్రేడ్‌ వార్‌  భయాలు : స్టాక్‌మార్కెట్ల పతనం

బంగారు బాట ఎటు..?

ప్రీమియం బైక్‌కు బీమా అప్‌గ్రేడ్‌

మోస్తరు రిస్క్‌... రాబడులు ఎక్కువ!

పెరగనున్న హోండా కార్ల ధరలు

రిలయన్స్‌ ఔట్‌.. ఫండ్స్‌పై ప్రభావం ఉంటుందా?

కుప్పకూలుతున్న అడాగ్‌ షేర్లు

విల్‌ఫుల్‌ డిఫాల్టర్‌గా యశ్ బిర్లా సూర్య

ఫ్లాట్‌ ప్రారంభం : అమ్మకాల ఒత్తిడి

వన్‌ప్లస్‌కి ఝలక్‌ : వరల్డ్స్‌ ఫాస్టెస్ట్‌ స్మార్ట్‌ఫోన్‌

పెద్ద టీవీలకు క్రికెట్‌ జోష్‌!

అమెరికా వస్తువులపై సుంకాల పెంపు

వారికి భారీ జీతాలు సమంజసమే - టీసీఎస్‌

జెట్‌ ఎయిర్‌వేస్‌: మరో షాకింగ్‌ న్యూస్‌

చివర్లో భారీగా అమ్మకాలు

‘వ్యాగన్‌ఆర్‌ బీఎస్‌–6’ వెర్షన్‌

అమెరికా దిగుమతులపై భారత్‌ సుంకాలు

ప్రకటనలు చూస్తే పైసలొస్తాయ్‌!!

ఈ ఫోన్‌ ఉంటే టీవీ అవసరం లేదు

జెట్‌ సమస్యలు పరిష్కారమవుతాయ్‌!

9న టీసీఎస్‌తో ఫలితాల బోణీ

వాణిజ్యలోటు గుబులు

పండుగ సీజనే కాపాడాలి!

ఎన్‌డీటీవీ ప్రణయ్‌రాయ్‌పై సెబీ నిషేధం

కిర్గిజ్‌తో పెట్టుబడుల ఒప్పందానికి తుదిరూపు

లీజుకు షి‘కారు’!!

నష్టాలతో ముగిసిన స్టాక్‌ మార్కెట్లు

ఆంధ్రప్రదేశ్
తెలంగాణ
సినిమా

రాజా నరసింహా

ఆ నమ్మకంతోనే కల్కి విడుదల చేస్తున్నాం

పచ్చడి తిని ఆఫీసుకెళ్లారు

నిర్మాతల మండలి ఎన్నికలు వద్దు

సింహానికి మాటిచ్చారు

యువతకు దగ్గరయ్యేలా...