అంతర్జాతీయ ప్రముఖ ఈ-కామర్స్ కంపెనీ అమెజాన్ తన ప్రైమ్ డే సేల్ను నిర్వహిస్తోన్న సంగతి తెలిసిందే. జూలై 16న మధ్యాహ్నం 12 గంటలకు ప్రారంభమైన ఈ సేల్, నేటి అర్థరాత్రి వరకు కొనసాగుతోంది. ఈ సేల్లో అన్ని బ్రాండు ఉత్పత్తులపై కూడా ఉత్తమమైన డిస్కౌంట్లను అమెజాన్ ప్రకటించింది. ఫ్యాషన్, లైఫ్స్టయిల్, హోమ్ డెకర్ల నుంచి పెద్ద పెద్ద గృహోపకరణాలు, స్మార్ట్ఫోన్ల వరకు భారీ మొత్తంలో డిస్కౌంట్లను ఆఫర్ చేస్తోంది. బెస్ట్ స్మార్ట్ఫోన్లకు కూడా బడ్జెట్ ధరలో లభ్యమవుతున్నాయి.
ఈ నేపథ్యంలో అమెజాన్ ప్రైమ్ డే సేల్లో 15 వేల రూపాయలకు కింద లభ్యమవుతున్న బెస్ట్ స్మార్ట్ఫోన్లు ఏమిటో ఓ సారి చూద్దాం..
రెడ్మి వై2 స్మార్ట్ఫోన్ 32 జీబీ వేరియంట్ కూడా రూ.9999కు నేటి మధ్యాహ్నం 12 గంటల నుంచి విక్రయానికి వచ్చింది. హానర్ 7సీ కూడా రూ.9499కు, మోటో ఈ5 ప్లస్ కూడా రూ.11,999కు అందుబాటులోకి వచ్చాయి. అదనంగా మోటో జీ5ఎస్ ప్లస్ 64జీబీ వేరియంట్పై 29 శాతం డిస్కౌంట్ను అమెజాన్ ఆఫర్ చేస్తోంది. మొబైల్ ఫోన్లపై డిస్కౌంట్తో పాటు, పవర్ బ్యాంక్లు, స్క్రీన్ ప్రొటెక్టర్లు, కేసెస్, కవర్స్, డేటా కేబుల్స్ వంటి మొబైల్ యాక్ససరీస్పై సుమారు 80 శాతం డిస్కౌంట్లను అమెజాన్ అందిస్తోంది.