దుమ్మురేపిన జుబిలంట్‌ ఫుడ్స్‌

26 Jul, 2018 01:46 IST|Sakshi

న్యూఢిల్లీ: డామినోస్‌ పిజ్జా, డంకిన్‌ డోనట్స్‌ పేరుతో రిటైల్‌ స్టోర్లను నిర్వహించే జుబిలంట్‌ ఫుడ్‌వర్క్స్‌ లిమిటెడ్‌ జూన్‌ త్రైమాసికం ఫలితాల్లో అదరగొట్టింది. స్టోర్ల వారీ విక్రయాల్లో మంచి వృద్ధి ఉండడంతో లాభం మూడు రెట్లు దూసుకుపోయి రూ.74.67 కోట్లుగా నమోదైంది. క్రితం ఏడాది ఇదే కాలంలో కంపెనీ ఆర్జించిన లాభం కేలం రూ.23.84 కోట్లు. ప్రస్తుత స్టోర్ల వారీగా అమ్మకాల్లో వృద్ధి 25.9 శాతంగా ఉండడమే ఈ స్థాయి లాభాలకు దోహదపడినట్టు కంపెనీ తెలిపింది. మొత్తం ఆదాయం సైతం 26 శాతం వృద్ధితో రూ.681 కోట్ల నుంచి రూ.862 కోట్లకు చేరింది. ‘‘అద్భుతమైన ఉత్పత్తులు, డబ్బుకు తగ్గ విలువను అందించడం, డిజిటల్‌ తోడ్పాటు వల్లే డామినోస్‌ విక్రయాల్లో బలమైన వృద్ధి సాధ్యమైంది.

దీనికితోడు డంకిన్‌ డోనట్స్‌ విభాగాన్ని ఈ ఆర్థిక సంవత్సరం చివరి నాటికి బ్రేక్‌ ఈవెన్‌ (లాభ, నష్ట రహిత స్థితి) దశకు తీసుకురావడంపై దృష్టి పెట్టినందున లాభాల వృద్ధి కొనసాగుతుంది’’ అని జుబిలంట్‌ ఫుడ్స్‌ చైర్మన్‌ శ్యామ్‌ ఎస్‌ భర్తియా, కో చైర్మన్‌ హరి ఎస్‌ భర్తియా తెలిపారు. ప్రస్తుతం కంపెనీ 1,144 డామినోస్‌ పిజ్జా అవుట్‌లెట్లను, 37 డంకిన్‌డోనట్‌ అవుట్‌లెట్లను నిర్వహిస్తోంది. జూన్‌ త్రైమాసికంలో కొత్తగా కంపెనీ 13 డామినోస్‌ పిజ్జా స్టోర్లను ప్రారంభించగా, మూడు చోట్ల దుకాణాలను మూసేసింది. డంకిన్‌ డోనట్స్‌ విషయంలో ఒకటి మూసేసి, మరో చోట ఇంకో స్టోర్‌ను తెరిచింది. ఫలితాల నేపథ్యంలో జుబిలంట్‌ స్టాక్‌ ఒకదశలో 3 శాతానికి పెరిగి రూ.1490ని చేరుకున్నా... చివరకు లాభాల స్వీకరణ కారణంగా 2.5 శాతం నష్టపోయి రూ.1,400 వద్ద క్లోజ్‌ అయింది.    
 

Load Comments
Hide Comments
మరిన్ని వార్తలు

మళ్లీ ఢమాలన్న స్టాక్‌మార్కెట్లు

రూ 5000 కోట్లతో నైజీరియాకు చెక్కేసిన భారతీయుడు!

షాకింగ్‌ : మెట్రో నగరాల్లో పెట్రో సెగలు

జీ కోసం సాఫ్ట్‌బ్యాంక్‌తో బీఎస్‌ఎన్‌ఎల్‌ జట్టు

ఇక గ్రామీణ బ్యాంకుల విలీనం

ఆంధ్రప్రదేశ్
తెలంగాణ
సినిమా

అమర్‌ అక్బర్‌ ఆంటోని కాన్సెప్ట్‌ టీజర్‌

‘2. ఓ’ ట్రైలర్‌ రిలీజ్‌ డేట్‌ ఫిక్స్‌

‘ఇషూ.. నువ్వు ఇప్పటికి అలానే ఉన్నావ్‌’

విమానాశ్రయంలో నటికి చేదు అనుభవం

దర్శకురాలు కల్పనా లాజ్మి కన్నుమూత

ఒక్కరు కాదు ముగ్గురు