‘ఆటో’లో మరిన్ని మూసి‘వెతలు’

17 Aug, 2019 05:09 IST|Sakshi

తాత్కాలికంగా ఉత్పత్తి నిలిపివేసిన హీరో, సుందరం క్లేటన్‌

హీరో మోటోకార్ప్‌ ప్లాంటు 4 రోజుల పాటు మూసివేత

న్యూఢిల్లీ: వాహన విక్రయాలు పడిపోయి, సంక్షోభ పరిస్థితుల్లో కొట్టుమిట్టాడుతున్న ఆటోమొబైల్‌ కంపెనీలు ఉత్పత్తిని మరింతగా తగ్గించుకుంటున్నాయి. దీంతో పలు కంపెనీల ప్లాంట్ల మూసివేతలు కొనసాగుతున్నాయి. తాజాగా ద్విచక్ర వాహనాల తయారీ దిగ్గజం హీరో మోటోకార్ప్, సుందరం–క్లేటన్‌ (ఎస్‌సీఎల్‌) సంస్థలు తాత్కాలికంగా ప్లాంట్లను మూసివేస్తున్నట్లు శుక్రవారం ప్రకటించాయి.

హీరో మోటోకార్ప్‌ ఆగస్టు 15–18 దాకా (నాలుగు రోజుల పాటు) ప్లాంట్లను మూసివేస్తున్నట్లు తెలిపింది. ప్రస్తుత మార్కెట్‌ డిమాండ్‌కి అనుగుణంగా ఉత్పత్తిని సర్దుబాటు చేసుకునేందుకు, వార్షిక మెయింటెనెన్స్‌లో భాగంగాను ఈ నిర్ణయం తీసుకున్నట్లు కంపెనీ పేర్కొంది. ‘స్వాతంత్య్ర దినోత్సవం, రక్షా బంధన్, వారాంత సెలవులు వంటి అంశాల కారణంగా ప్లాంట్ల మూసివేత నిర్ణయం తీసుకున్నాం. ప్రస్తుత మార్కెట్‌ డిమాండ్‌ పరిస్థితులు ఇందుకు కొంత కారణం‘ అని హీరో మోటోకార్ప్‌ ఈ సందర్భంగా వివరించింది.

ఈ ఏడాది ఏప్రిల్‌–జూలై మధ్య కాలంలో హీరో మోటోకార్ప్‌ వాహనాల ఉత్పత్తిని 12 శాతం తగ్గించుకుని 24,66,802 యూనిట్లకు పరిమితం చేసుకుంది. మరోవైపు, దేశ, విదేశ ఆటోమోటివ్స్‌ తయారీ సంస్థలకు అల్యూమినియం ఉత్పత్తులు సరఫరా చేసే ఎస్‌సీఎల్‌ కూడా ’పాడి’లోని ప్లాంటులో ఆగస్టు 16, 17న (రెండు రోజులు) కార్యకలాపాలు నిలిపివేస్తున్నట్లు వివరించింది. ఇప్పటికే టాటా మోటార్స్, మహీంద్రా అండ్‌ మహీంద్రా, ఆటో పరికరాల తయారీ దిగ్గజం బాష్‌ తదితర సంస్థలు డిమాండ్‌కి అనుగుణంగా సర్దుబాటు చేసుకునేందుకు ఉత్పత్తిని తగ్గించుకుంటున్నట్లు ప్రకటించిన సంగతి తెలిసిందే.

మారుతీలో 3 వేల ఉద్యోగాలు కట్‌..
ఆటోమొబైల్‌ రంగంలో డిమాండ్‌ మందగించిన నేపథ్యంలో దేశీ కార్ల తయారీ దిగ్గజం మారుతీ సుజుకీ ఇండియాలో (ఎంఎస్‌ఐ) సుమారు 3,000 మంది ఉద్యోగాలు కోల్పోయారు. వీరంతా తాత్కాలిక ఉద్యోగులు. మందగమనంతో తాత్కాలిక ఉద్యోగుల కాంట్రాక్టులను రెన్యువల్‌ చేయలేదని సంస్థ చైర్మన్‌ ఆర్‌సీ భార్గవ తెలిపారు. ‘మారుతీలో సుమారు 3,000 మంది సిబ్బంది ఉద్యోగాలు కోల్పోయారు. వ్యాపారంలో ఇది సర్వసాధారణమే. డిమాండ్‌ ఎక్కువగా ఉన్నప్పుడు మరింత మంది కాంట్రాక్టు ఉద్యోగులను తీసుకోవడం, డిమాండ్‌ పడిపోయినప్పుడు తగ్గించుకోవడం జరుగుతుంది‘ అని చెప్పారు. అయితే, పర్మనెంట్‌ ఉద్యోగులపై మాత్రం ప్రభావమేమీ పడలేదన్నారు.  ప్రభుత్వం కూడా సానుకూల చర్యలేమైనా ప్రకటిస్తే ఆటోమొబైల్‌ రంగంలో పరిస్థితులు మెరుగుపడటానికి ఉపయోగకరంగా ఉండగలవన్నారు.

Read latest Business News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

గుడ్‌బై.. ఎయిరిండియా!!

కశ్మీర్‌లో ఇళ్లు కొనాలంటే?

మార్కెట్ల రీబౌండ్‌, ఆటో జూమ్‌

2 రోజుల్లో రూ.29 వేల కోట్లు 

రిలయన్స్‌ క్యాపిటల్‌ లాభం నాలుగింతలు

అవాంఛిత కాల్స్‌పై అవగాహన పెంచండి

ఆ ఉద్యోగులకు లేఆఫ్స్‌ భయం

నష్టాల్లో స్టాక్‌మార్కెట్లు, 11 వేల దిగువకు నిఫ్టీ

అయిదు నిమిషాల్లోనే బ్యాటరీ చార్జింగ్‌

ఆర్థిక వ్యవస్థకు మోదీ టానిక్‌!

బండి కాదు..మొండి ఇది..!

పెట్టుబడుల్లోనూ అదరగొట్టిన స్టీవ్‌ స్మిత్‌

భారీగా దిగొచ్చిన పసిడి ధర

ఇండియాబుల్స్‌ హౌసింగ్‌ ఫైనాన్స్‌ రేటింగ్స్‌ కోత

అక్కడ ఓలా, ఉబెర్‌కు షాక్‌!

ఏటీఎం లావాదేవీలు..ఆర్‌బీఐ వివరణ

రియల్టీలోకి 10,100 కోట్లు 

ఐకియా బంపర్‌ ఆఫర్‌ 

టోకు ధరలు దిగొచ్చాయ్‌! 

ఆర్‌బీఐ ప్రతిపాదనలపై ఫిచ్‌ హెచ్చరిక

భారత్‌ ఇంకా వర్ధమాన దేశమేమీ కాదు..

ఐడీబీఐ బ్యాంక్‌

ఎన్‌బీఎఫ్‌సీలకు కష్టకాలం..

అమ్మకానికి కాఫీ డే ’గ్లోబల్‌ పార్క్‌’

ఎగుమతులు పెరిగాయ్‌... దిగుమతులు తగ్గాయ్‌!

భారత్‌, చైనాలకు ట్రంప్‌ వార్నింగ్‌!

ఐటీ రంగంలో 30 లక్షల ఉద్యోగాలు

తప్పుగా చిత్రీకరించారు: జొమాటో సీఈఓ

రూ.11వేలతో రెనాల్ట్ ట్రైబర్ బుకింగ్స్‌

ఆంధ్రప్రదేశ్
తెలంగాణ
సినిమా

నిను తలచి...

అదృష్టం వచ్చేలోపే ఆపద

కేరింగ్‌

తొలి పరిచయం

వారికి శేష్‌ ఒక ఉదాహరణ

బంధాలు మళ్లీ గుర్తొస్తాయి