ధర రూ.79,900
పనాజి: హోండా మోటార్‌సైకిల్ అండ్ స్కూటర్ కంపెనీ కొత్త బైక్‌ను మార్కెట్లోకి తెచ్చింది. సీబీ హార్నెట్ 160 ఆర్ పేరుతో అందిస్తున్న ఈ కొత్త బైక్ ధర రూ.79,900 (ఎక్స్ షోరూమ్, న్యూఢిల్లీ)అని కంపెనీ తెలిపింది. భారత్ స్టేజ్(బీఎస్)-ఫోర్ పర్యావరణ నిబంధనలకనుగుణంగా తయారైన తొలి భారతీయ బైక్ ఇదని కంపెనీ చీఫ్ ఎగ్జిక్యూటివ్ కీత మురమత్సు చెప్పారు. ఈ బైక్ విక్రయాలు 21 నగరాల్లో నేటి(శుక్రవారం) నుంచి, దేశవ్యాప్తంగా కొత్త ఏడాది నుంచి ప్రారంభమవుతాయని పేర్కొన్నారు. 160 సీసీ ఇంజిన్ సామర్థ్యం ఉన్న ఈ బైక్ సింగిల్ డిస్క్, డ్యుయల్ డిస్క్ విత్ సీబీఎస్... ఈ రెండు వేరియంట్లలో లభిస్తుందని చెప్పారు. ఈ మోడల్‌కే ప్రత్యేకమైన మొబైల్ యాప్‌ను ఆయన ఆవిష్కరించారు.
