న్యూఢిల్లీ : హానర్‌ బ్రాండులో మరో సరికొత్త స్మార్ట్‌ఫోన్‌ వచ్చేసింది. హువావే సబ్‌బ్రాండ్‌ హానర్‌, తన లేటెస్ట్‌ హ్యాండ్‌సెట్‌ హానర్‌ 9ఎన్ ను న్యూఢిల్లీ వేదికగా లాంచ్‌ చేసింది. ఈ హ్యాండ్‌సెట్‌ను ఎక్స్‌క్లూజివ్‌గా ఫ్లిప్‌కార్ట్‌లోనే విక్రయించనున్నారు. ఈ ఫోన్‌ కీ ఫీచర్లు ‘నాచ్‌ ఫుల్‌వ్యూ’ డిస్‌ప్లే, 19:9 యాక్సెప్ట్‌ రేషియోతో బెజెల్‌-లెస్‌ డిస్‌ప్లేను, 12 లేయర్‌ ప్రీమియం గ్లాస్‌ డిజైన్‌ను ఇది కలిగి ఉంది. గత నెలలో చైనాలో లాంచ్‌ అయిన హానర్‌ 9ఐ(2018) మోడల్‌కు భారత్‌ వేరియంట్‌ ఈ హానర్‌ 9ఎన్ స్మార్ట్‌ఫోన్‌. హానర్‌ 9ఐ 2017 అక్టోబర్‌లో భారత మార్కెట్‌లోకి వచ్చింది. దీనికి సక్సెసర్‌గా.. మేడిన్‌ ఇండియా స్మార్ట్‌ఫోన్‌గా దీన్ని కంపెనీ ప్రకటించింది.
హానర్‌ 9ఎన్ ధర, లాంచ్‌ ఆఫర్లు
హానర్‌ 9ఎన్(2018) 3జీబీ ర్యామ్‌/32జీబీ స్టోరేజ్‌ వేరియంట్‌ ధర రూ.11,999 కాగ, 4జీబీ ర్యామ్‌/64జీబీ స్టోరేజ్‌ వేరియంట్‌ ధర 13,999 రూపాయలు. ఇక 4జీబీ ర్యామ్‌/128జీబీ స్టోరేజ్‌ వేరియంట్‌ ధర 17,999 రూపాయలుగా కంపెనీ పేర్కొంది. ఈ స్మార్ట్‌ఫోన్‌ ఫ్లిప్‌కార్ట్‌, హాయ్‌హానర్‌స్టోర్‌ల ద్వారా జూలై 31 మధ్యాహ్నం 12 గంటల నుంచి విక్రయానికి వస్తుంది. లావెండర్‌ పర్‌పుల్‌, రాబిన్‌ ఎగ్‌ బ్లూ, మిడ్‌నైట్‌ బ్లాక్‌, సఫైర్‌ బ్లూ రంగుల్లో ఈ స్మార్ట్‌ఫోన్‌ అందుబాటులో ఉంటుంది. ఈ స్మార్ట్‌ఫోన్‌పై రిలయన్స్‌ జియో రూ.2200 క్యాష్‌బ్యాక్‌ ప్రకటించింది. 100 జీబీ అదనపు డేటా, 1200 మింత్రా ఓచర్లు కూడా పొందనున్నారు.
హానర్‌ 9ఎన్ స్పెషిఫికేషన్లు...
ఆండ్రాయిడ్‌ 8.0 ఓరియో
5.84 అంగుళాల ఫుల్‌-హెచ్డీ ప్లస్‌ ఫుల్‌వ్యూ ఐపీఎస్‌ డిస్‌ప్లే
2.5డీ కర్వ్‌డ్‌ గ్లాస్‌
2.36 గిగాహెడ్జ్‌ ఆక్టా-కోర్‌ ప్రాసెసర్‌
13 మెగాపిక్సెల్‌ ప్రైమరీ సెన్సార్‌, 2 మెగాపిక్సెల్‌ సెకండరీ సెన్సార్లతో డ్యూయల్‌ రియర్‌ కెమెరా
16 మెగాపిక్సెల్‌ ఫ్రంట్‌ కెమెరా
256 జీబీ వరకు విస్తరణ మెమరీ
రియర్‌ ఫేసింగ్‌ ఫింగర్‌ప్రింట్‌ సెన్సార్‌, ఫేస్‌ అన్‌లాక్‌ ఫీచర్‌
3000 ఎంఏహెచ్‌ బ్యాటరీ
