ప్రస్తుతమున్న క్యాంపస్‌ విస్తరణ
కొత్తగా 2,500 మందికి ఉద్యోగావకాశాలు
హైదరాబాద్, బిజినెస్‌ బ్యూరో: ప్రముఖ ఐటీ దిగ్గజం మైక్రోసాఫ్ట్ హైదరాబాద్‌లో గ్యారేజ్‌ని ప్రారంభించింది. ఇంటర్నెట్‌ ఆఫ్‌ థింగ్స్‌ (ఐవోటీ), రోబోటిక్స్, క్వాంటమ్‌ కంప్యూటింగ్‌ వంటి కొత్త సాంకేతికతలపై ఉద్యోగులు పనిచేసేందుకు, ఉత్పత్తుల పరిష్కరణ వంటి వాటి కోసం ఈ గ్యారేజీ పనిచేస్తుంది. సోమవారమిక్కడ గ్యారేజీని ప్రారంభించిన సందర్భంగా మంత్రి కేటీ రామారావు మాట్లాడుతూ..
‘‘ప్రస్తుతం నగరంలోని మైక్రోసాఫ్ట్ క్యాంపస్‌ విస్తరణ చేయనుందని.. దీంతో కొత్తగా 2,500 మందికి ఉద్యోగ అవకాశాలొస్తాయని’’ తెలిపారు. 8 వేల చ.అ. విస్తీర్ణంలో ఉన్న ఈ గ్యారేజ్‌ దేశంలోనే మొదటిది. ఇలాంటి సెంటర్‌ మైక్రోసాఫ్ట్ ప్రధాన కార్యాలయం అమెరికాలోని రెండ్‌మౌండ్‌లోనూ ఉంది. దేశంలో 2014 నుంచి గ్యారేజ్‌ కార్యక్రమాలున్నప్పటికీ ప్రత్యేకంగా గ్యారేజ్‌ కోసం స్థలం కేటాయించడం ఇదే తొలిసారని మైక్రోసాఫ్ట్ గ్యారేజ్‌ ఇండియా డైరెక్టర్‌ రీనా దయాళ్‌ తెలిపారు.
