మందగమన నష్టాలు

22 Aug, 2019 09:04 IST|Sakshi

11,000 పాయింట్ల దిగువకు నిఫ్టీ  

మిశ్రమంగా అంతర్జాతీయ సంకేతాలు  

ప్యాకేజీపై రాని ప్రకటన   రెండో రోజూ పతన బాట

268 పాయింట్లు పతనమై 37,060కు సెన్సెక్స్‌

98 పాయింట్లు నష్టంతో 10,919కు నిఫ్టీ

ఆర్థిక వ్యవస్థ మందగమన భయాలతో బుధవారం స్టాక్‌ మార్కెట్‌ నష్టాల్లో ముగిసింది. సెన్సెక్స్, నిఫ్టీలు వరుసగా రెండో రోజూ నష్టపోయాయి. ఇంట్రాడేలో 305 పాయింట్ల వరకూ నష్టపోయిన సెన్సెక్స్‌ చివరకు 268 పాయింట్లు పతనమై 37,060 పాయింట్ల వద్ద ముగిసింది. ఎన్‌ఎస్‌ఈ నిఫ్టీ 98 పాయింట్లు నష్టపోయి 10,919 పాయింట్ల వద్దకు చేరింది. ముడి చమురు ధరలు 1 శాతం మేర పెరగడం ప్రతికూల ప్రభావం చూపించింది. ఇక డాలర్‌తో రూపాయి మారకం విలువ 22 పైసలు పెరిగి 71.49కు పెరగడం ఎలాంటి సానుకూల ప్రభావం చూపించలేకపోయింది. కన్సూమర్‌ గూడ్స్, బ్యాంక్, లోహ, ఆర్థిక రంగ షేర్లు క్షీణించాయి. ఒక్క ఐటీ రంగ షేర్లు మాత్రమే లాభపడ్డాయి. 

384 పాయింట్ల రేంజ్‌లో సెన్సెక్స్‌
పలు కంపెనీలు అమ్మకాలు లేవని ఆవేదన వ్యక్తం చేస్తున్నాయి. ఉద్యోగాల్లో కోత విధిస్తున్నాయి. వృద్ది జోష్‌ను పెంచడానికి, వినియోగదారుల సెంటిమెంట్‌ను బలపరచడానికి ప్రభుత్వం చర్యలు ప్రకటించాలని మార్కెట్‌ వర్గాలు కోరుతున్నాయి. ప్యాకేజీ ఇస్తామని ప్రభుత్వం ఊరించిందే కానీ, ఇంతవరకూ ఎలాంటి నిర్దిష్టమైన ప్రకటన చేయకపోవడంతో ఇన్వెస్టర్ల సెంటిమెంట్‌ దెబ్బతిన్నది. సెన్సెక్స్‌ లాభాల్లో ఆరంభమైనా, ఆ తర్వాత నష్టాల్లోకి జారిపోయింది. ఒక దశలో 79 పాయింట్లు పెరిగిన సెన్సెక్స్‌ మరో దశలో 305 పాయింట్లు పతనమైంది. మొత్తం మీద రోజంతా   384 పాయింట్ల రేంజ్‌లో కదలాడింది. నికాయ్‌ మినహా మిగిలిన అన్ని ఆసియా మార్కెట్లు లాభాల్లో ముగిశాయి. ప్యాకేజీ ఆశల కారణంగా యూరప్‌ మార్కెట్లు లాభాల్లో ఆరంభమై, లాభాల్లోనే ముగిశాయి. 

పదేళ్ల కనిష్టానికి టాటా మోటార్స్‌..
టాటా మోటార్స్‌ కంపెనీ షేరు ఇంట్రాడేలో 11 శాతం పతనమై పదేళ్ల కనిష్ట స్థాయి, రూ.109.55ను తాకింది. చివరకు 9.2 శాతం నష్టంతో రూ.112 వద్ద ముగిసింది. సెన్సెక్స్‌లో అత్యధికంగా నష్టపోయిన షేర్‌ ఇదే. గత నాలుగు నెలల్లో  ఈ షేర్‌ 53 శాతం క్షీణించింది. మనకు మారుతీ సుజుకీ ఎలాగో చైనాకు జీలీ ఆటోమొబైల్‌ హోల్డింగ్స్‌ అలాగ. ఈ ఏడాది తొలి ఆరు నెలల కాలంలో తమ నికర లాభం 40 శాతం తగ్గిందని ఈ కంపెనీ ప్రకటించింది. రానున్న ఆరు నెలల్లో కూడా పెద్దగా పురోగతి ఉండదని పేర్కొంది. జీలీ కంపెనీ పరిస్థితే ఇలా ఉంటే టాటా మోటార్స్‌ పరిస్థితి ఇంకెలాగ ఉంటుందోనన్న ఆందోళనతో అమ్మకాలు వెల్లువెత్తాయి. మరోవైపు టాటా మోటార్స్‌ రేటింగ్‌ను రేటింగ్‌ సంస్థ, క్రిసిల్‌ తగ్గించడం కూడా ప్రతికూల ప్రభావం చూపించింది. ఈ షేర్‌తో పాటు ఓఎన్‌జీసీ, యస్‌బ్యాంక్, కోల్‌ ఇండియా, భెల్, టాటా పవర్, సెయిల్, రిలయన్స్‌ క్యాపిటల్, ఓకార్డ్, అలహాబాద్‌ బ్యాంక్‌ తదితర బీఎస్‌ఈ 500 సూచీలోని 31  షేర్లు కూడా ఐదేళ్ల కనిష్టానికి పడిపోయాయి. ఐటీసీ, టాటా స్టీల్‌ షేర్లు రెండేళ్ల కనిష్టానికి తగ్గాయి. దాదాపు 300కు పైగా షేర్లు ఏడాది కనిష్ట స్థాయిలకు పడిపోయాయి.   
యస్‌ బ్యాంక్‌ షేర్‌ 8.2 శాతం నష్టంతో రూ.65.40 వద్ద ముగిసింది. ఇంట్రాడేలో 9.4 శాతం పతనమై ఐదేళ్ల కనిష్ట స్థాయి, రూ.64.50ను తాకింది. సెన్సెక్స్‌లో అత్యధికంగా నష్టపోయిన రెండో షేర్‌ ఇది. ఆర్థికంగా అవకతవకలు జరిగాయన్న వార్తలు వచ్చిన సీజీ పవర్‌ అండ్‌ ఇండస్ట్రియల్‌ సొల్యూషన్స్‌ కంపెనీలో ఈ బ్యాంక్‌కు 12.79  శాతం మేర వాటా ఉంది.  
మార్కెట్‌ బలహీనంగా ఉన్నప్పటికీ, నెస్లే ఇండియా, గ్లాక్సోస్మిత్‌లైన్‌ కన్సూమర్‌ హెల్త్‌కేర్, ట్రెంట్‌ షేర్లు జీవిత కాల గరిష్ట స్థాయిలకు     ఎగిశాయి.

Read latest Business News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

పవర్‌గ్రిడ్‌ సీఎండీగా కె. శ్రీకాంత్‌

మారుతీ ‘ఎక్స్‌ఎల్‌ 6’ ఎంపీవీ

ఆర్‌టీజీఎస్‌ వేళలు మార్పు

షావోమి ‘ఎంఐ ఏ3’@ 12,999

వన్‌ప్లస్‌ టీవీలూ వస్తున్నాయ్‌..

సెబీ ‘స్మార్ట్‌’ నిర్ణయాలు

పార్లేలో 10 వేల ఉద్యోగాలకు ఎసరు

అమెజాన్‌ అతిపెద్ద క్యాంపస్‌

తెలుగు రాష్ట్రాల్లో జియో జోష్‌..

ట్రూకాలర్‌తో జాగ్రత్త..

సూపర్‌ అప్‌డేట్స్‌తో ఎంఐ ఏ3  

‘బికినీ’ ఎయిర్‌లైన్స్‌ బంపర్‌ ఆఫర్‌ రూ.9 కే టికెట్‌

10 వేల మందిని తొలగించక తప్పదు! 

కనిష్టంనుంచి కోలుకున్న రూపాయి

శాంసంగ్‌.. గెలాక్సీ ‘నోట్‌ 10’

మార్కెట్లోకి హ్యుందాయ్‌ ‘గ్రాండ్‌ ఐ10 నియోస్‌’

‘రియల్‌మి 5, 5ప్రో’ విడుదల

క్లాసిక్‌ పోలో మరో 65 ఔట్‌లెట్లు

ఫ్లాట్‌ ప్రారంభం

మూడు రోజుల లాభాలకు బ్రేక్‌

ఫేస్‌బుక్‌ జర్నలిస్టులను నియమించుకుంటోంది!

పేలవంగా ‘స్టెర్లింగ్‌ సోలార్‌’

ఎన్‌సీఎల్‌టీలో డెలాయిట్‌కు దక్కని ఊరట

భారత్‌లో రూ.4,000 కోట్లు పెట్టుబడులు

కృష్ణపట్నం పోర్టులో అదానీ పాగా..?

ఫిన్‌టెక్‌.. ‘కంటెంట్‌’ మంత్రం!

కొనసాగుతున్న పసిడి పరుగు

ఎస్‌బీఐ పండుగ ధమాకా..!

వైరలవుతోన్న అనంత్‌ అంబానీ-రాధికా ఫోటో

రిలయన్స్‌ జ్యూవెల్స్‌ ఆభర్‌ కలెక్షన్‌

ఆంధ్రప్రదేశ్
తెలంగాణ
సినిమా

విశాల్‌తో చిత్రం పేరిట దర్శకుడి మోసం

విలన్‌గానూ చేస్తా

ఓ విద్యార్థి జీవితం

అల.. కొత్తింట్లో...

పండగే పండగ

తాగుడు తెచ్చిన తంటా!