కోపరేటివ్‌ బ్యాంకులకు చికిత్స!

11 Oct, 2019 05:14 IST|Sakshi
పీఎంసీ ఖాతాదారులతో చర్చిస్తున్న ఆర్థిక మంత్రి నిర్మలా సీతారామన్‌

అవసరమైతే చట్టానికి సవరణలు

ఇందు కోసం ప్యానెల్‌ ఏర్పాటు

కేంద్ర ఆర్థిక మంత్రి నిర్మలా సీతారామన్‌ ప్రకటన

ముంబై: కోపరేటివ్‌ బ్యాంకుల మెరుగైన నిర్వహణకు అవసరమైతే చట్టంలో సవరణలు తీసుకొస్తామని కేంద్ర ఆర్థిక మంత్రి నిర్మలా సీతారామన్‌ ప్రకటించారు. ఇటీవలే ఆర్‌బీఐ ఆంక్షల పరిధిలోకి వెళ్లిన పంజాబ్‌ అండ్‌ మహారాష్ట్ర కోపరేటివ్‌ బ్యాంకు (పీఎంసీ బ్యాంకు) డిపాజిటర్ల ఆగ్రహాన్ని మంత్రి గురువారం ముంబై వచ్చిన సందర్భంగా స్వయంగా చవిచూశారు. దక్షిణ ముంబైలోని బీజేపీ కార్యాలయం వద్దకు పీఎంసీ బ్యాంకు డిపాజిటర్లు చేరుకుని తమ డబ్బులను పూర్తిగా తమకు ఇచ్చేయాలని డిమాండ్‌ చేశారు. ఈ సందర్భంగా పలువురు డిపాజిటర్లను మంత్రి లోపలకు తీసుకెళ్లి, స్వయంగా మాట్లాడి వారి ఆందోళనను తెలుసుకున్నారు.

ఈ సందర్భంగా ఆమె మీడియాతో మాట్లాడుతూ.. కోపరేటివ్‌ బ్యాంకుల్లో పాలన మెరుగ్గా ఉండేందుకు చట్టపరంగా తీసుకోవాల్సిన చర్యలను సూచించేందుకు ఓ ప్యానెల్‌ను ఏర్పాటు చేస్తామని ప్రకటించారు. ఆర్థిక వ్యవహారాల కార్యదర్శి, గ్రామీణ, పట్టణాభివృద్ధి శాఖల కార్యదర్శులు, ఆర్‌బీఐ డిప్యూటీ గవర్నర్‌తో ఈ ప్యానెల్‌ను ఏర్పాటు చేస్తామని చెప్పారు. కోపరేటివ్‌ బ్యాంకుల చట్టంలో లోపాలు ఉన్నాయని తాను భావించడం లేదన్నారు. కాకపోతే, భవిష్యత్తులో ఈ తరహా ఘటనలు తిరిగి చోటు చేసుకోకుండా చట్టపరమైన చర్యలు తీసుకోవడమే ప్రభుత్వ ఉద్దేశమని, అందుకే ప్యానెల్‌ ఏర్పాటు అని చెప్పారు. అవసరమైతే కోపరేటివ్‌ బ్యాంకుల చట్టాలకు సవరణలను పార్లమెంటు శీతాకాల సమావేశాల్లో చేపడతామని తెలిపారు.  

ప్రభుత్వ పాత్ర పరిమితమే..
బహుళ రాష్ట్రాల్లో పనిచేసే కోపరేటివ్‌ బ్యాంకులను ఆర్‌బీఐ నియంత్రిస్తుందని డిపాజిటర్లకు చెప్పినట్టు మంత్రి వెల్లడించారు. ఈ విషయంలో ప్రభుత్వ పాత్ర పరిమితమేనన్నారు. కాకపోతే డిపాజిటర్ల అత్యవసరాలను పరిగణనలోకి తీసుకోవాలని ఆర్‌బీఐ గవర్నర్‌ను కోరతానని ఆమె హామీ ఇచ్చారు. పీఎంసీ బ్యాంకులో రుణాల కుంభకోణం వెలుగు చూడడం, ఎన్‌పీఏల గణాంకాల్లో బ్యాంకు అక్రమాలకు పాల్పడడంతో ఆర్‌బీఐ ఆంక్షలను అమలు చేసిన విషయం గమనార్హం. ఒక్కో ఖాతా (సేవింగ్స్, కరెంటు, డిపాజిట్‌) నుంచి గరిష్టంగా రూ.10,000 మాత్రమే ఉపసంహరణకు అనుమతించింది. పీఎంసీ బ్యాంకు నిబంధనలకు విరుద్ధంగా తన మొత్తం రుణాల్లో (సుమారు రూ.9వేల కోట్లు) 70% మేర హెచ్‌డీఐఎల్‌ ఖాతా ఒక్కదానికే ఇవ్వడం గమనార్హం.  

వృద్ధి కోసం ప్రోత్సాహకాలు
దేశం ఆర్థిక మందగమనం ఎదుర్కొం టోందని ప్రభుత్వం అంగీకరిస్తుందా? అన్న ప్రశ్నకు... మంత్రి నిర్మలా సీతారామన్‌ సూటి సమాధానం దాటవేశారు. రంగాలవారీగా అవసరమైన చర్యలపై ప్రభుత్వం దృష్టి సారించినట్టు చెప్పారు. సాయం అవసరమైన అన్ని రంగాలకు ఉపశమనం కల్పిస్తున్నట్టు ప్రకటించారు.

Read latest Business News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి

Load Comments
Hide Comments
మరిన్ని వార్తలు

అంచనాలు అందుకోని టీసీఎస్‌

జియో: ఎగబాకిన వోడాఫోన్‌, ఎయిర్‌టెల్‌ షేర్లు

తీరని కష్టాలు నగలు అమ్ముకున్న టీవీ నటి

పీఎంసీ స్కాం: భిక్షగాళ్లుగా మారిపోయాం

విస్తారా పండుగ సేల్‌: 48 గంటలే..

నష్టాల్లో మార్కెట్లు : టెల్కో జూమ్స్‌

కొత్త ‘టిగోర్‌ ఈవీ’ వచ్చింది...

దూసుకొచ్చిన ‘డ్రాగ్‌స్టర్‌’ కొత్త బైక్స్‌

ఎల్‌వీబీ, ఇండియాబుల్స్‌ హౌసింగ్‌ విలీనానికి ఆర్‌బీఐ నో

పోటీతత్వంలో 10 స్థానాలు దిగువకు భారత్‌

శరత్‌ మ్యాక్సివిజన్‌ విస్తరణ

భారత్‌పై ‘అంతర్జాతీయ మందగమనం’ ఎఫెక్ట్‌!

బుల్‌.. ధనాధన్‌!

పొదుపు ఖాతాలపై వడ్డీకి కత్తెర

జియో షాక్‌..కాల్‌ చేస్తే.. బాదుడే!

ఉద్యోగులకు తీపికబురు

మదీనాగూడలో రిలయన్స్‌ జూవల్స్‌ షోరూం ప్రారంభం

భారీ లాభాల్లోకి  సూచీలు, బ్యాంక్స్‌ అప్‌

ఎంఐ ఫాన్స్‌కు బిగ్‌ సర్‌ప్రైజ్: బంపర్‌ ఆఫర్‌

అద్భుత ఫీచర్లతో రెడ్‌మి 8 లాంచ్‌

రూ. 10 వేల కోట్ల సమీకరణలో ఓయో

ఫ్లాట్‌ ప్రారంభం : యస్‌ బ్యాంకు ఢమాల్‌

మైక్రోసాఫ్ట్‌కు ‘యస్‌’..?

ఎస్‌బీఐ బంపర్‌ ఆఫర్లు

‘కాంటినెంటల్‌’ చేతులు మారుతుందా?

ఫ్రిజ్‌లు, ఏసీలు రయ్‌రయ్‌!

ఆ స్కామ్‌స్టర్‌ గ్యారేజ్‌లో విమానం, నౌక..

ఆరో రోజు నష్టపోయిన స్టాక్‌మార్కెట్లు

భారత్‌ చేతిలో స్విస్‌ ఖాతాల సమాచారం..

ఇక డెబిట్‌ కార్డులపైనా బంపర్‌ ఆఫర్‌..

ఆంధ్రప్రదేశ్
తెలంగాణ
సినిమా

డిజిటల్‌ ఎంట్రీ

ఆర్డీఎక్స్‌ లవ్‌ హిట్‌ కావాలి

పంచ్‌ పడుద్ది

డిష్యుం డిష్యుం

ప్రేమంటే ప్రమాదం

విద్యార్థుల సమస్యలపై పోరాటం