హైదరాబాద్, బిజినెస్ బ్యూరో: బాలల దినోత్సవాన్ని దృష్టిలో పెట్టుకొని ఎయిర్‌కోస్టా చిన్న పిల్లలకు ఉచిత విమాన ప్రయాణ సౌకర్యాన్ని అందుబాటులోకి తీసుకొచ్చింది. సాధారణంగా 6 నెలల నుంచి 2 ఏళ్లలోపు పిల్లలకు రూ.1,000 చార్జీలను వసూలు చేస్తారని, కానీ ఈ ఆఫర్ సమయంలో ఉచితంగా ప్రయాణించొచ్చని ఎయిర్‌కోస్టా ఒక ప్రకటనలో పేర్కొంది.
2-12 ఏళ్లలోపు పిల్లలకు చార్జీలో 50% తగ్గింపును అందిస్తోంది. నవంబర్ 13 నుంచి 15లోపు బుక్ చేసుకున్న టికెట్లకు ఈ ఆఫర్ వర్తిస్తుంది. ఈ టికెట్లతో నవంబర్ 13 నుంచి ఏప్రిల్ 15, 2015లోపు ఎప్పుడైనా ప్రయాణం చేయొచ్చు. నవంబర్ 14న ఎయిర్‌కోస్టాలో ప్రయా ణిస్తున్న పిల్లలందరికీ గిఫ్ట్‌లను అందించనుంది.
