న్యూఢిల్లీ: తయారీ రంగం అక్టోబర్‌లో మందగించింది. నికాయ్‌ ఇండియా మాన్యుఫ్యాక్చరింగ్‌ పర్చేజింగ్‌ మేనేజర్స్‌ ఇండెక్స్‌ (పీఎంఐ) తాజా గణాంకాల ప్రకారం– అక్టోబర్‌ సూచీ 50.3గా నమోదయ్యింది. సెస్టెంబర్‌లో ఈ సూచీ 51.2 వద్ద ఉంది. అయితే నికాయ్‌ పీఎంఐ ప్రకారం– సూచీ 50 లోపునకు పడిపోతేనే క్షీణతగా భావించడం జరుగుతుంది.
ఆ పైన వృద్ధి ధోరణిగానే పరిగణిస్తారు. మూడు నెలల నుంచీ 50 పాయింట్ల పైనే సూచీ కొనసాగుతోంది. అయితే అక్టోబర్‌లో స్పీడ్‌ తగ్గడానికి డిమాండ్‌ పరిస్థితుల బలహీనత, జీఎస్టీ ప్రతికూల పరిస్థితులు కారణమని సంబంధిత సర్వే తెలిపింది.
