సియోల్ : దక్షిణ కొరియా టెక్ దిగ్గజం శాంసంగ్ ‘ఎ’ సిరీస్లో మరో ఫోన్ను పరిచయం చేయబోతోంది. శాంసంగ్ గెలాక్సీ ఏ90 పేరుతో దీన్ని ఆవిష్కరించేందుకు సిద్ధమవుతోంది. అంతేకాదు ఈ స్మార్ట్ఫోన్ 5జీ టెక్నాలజీతో వస్తున్న , అంత్యంత సరసమైన మొబైల్ లని తాజా నివేదికల సారాంశం. అయితే లాంచింగ్ తేదీని కంపెనీ ఇంకా అధికారికంగా ప్రకటించలేదు. ఈ స్మార్ట్ఫోన్కు సంబంధించిన అధికారిక పోస్టర్, రీటైల్ బాక్స్తోపాటు కొన్ని ఫోటోలు ఆన్లైన్లో లీక్ అయ్యాయి. దీని ప్రకారం స్లిమ్ బెజెల్స్ ఇన్ఫినిటీ యూ డిస్ప్లే, ట్రిపుల్ రియర్ కెమెరా, సూపర్-ఫాస్ట్ ఛార్జింగ్ ప్రధాన ఆకర్షణ కానున్నాయి. అయితే ధర, బ్యాటరీ సామర్థ్యం లాంటి ఇతర సమాచారం వెల్లడి కావాల్సి వుంది. అలాగే ఇండియాలో 5జీ వచ్చే ఏడాది నాటికి సిద్ధం కానుంది. ఈ నేపథ్యంలో శాంసంగ్ ఏ 90 4జీ వేరియంట్ను ఇండియాలో తీసుకొస్తుందా లేదా, వచ్చే ఏడాది దాకి వెయిట్ చేస్తుందా అనేది ప్రస్తుతానికి స్పష్టత లేదు.
శాంసంగ్ ఏ 90 ఫీచర్లు
6.7 అంగుళాల అమోలెడ్ డిస్ప్లే
ఆక్టా-కోర్ చిప్ (బహుశా స్నాప్డ్రాగన్ 855)
8జీబీ ర్యామ్, 128 జీబీ స్టోరేజ్
48+8+5 ఎంపీ రియర్ కెమెరా
32 ఎంపీ సెల్ఫీ కెమెరా