మార్కెట్లోకి రెండు హీరో ఎలక్ట్రిక్ సైకిళ్లు

30 Oct, 2014 01:58 IST|Sakshi
మార్కెట్లోకి రెండు హీరో ఎలక్ట్రిక్ సైకిళ్లు

ధరలు రూ.18,990-19,290 రేంజ్‌లో
న్యూఢిల్లీ: హీరో ఎలక్ట్రిక్ కంపెనీ ఏవియర్ మోడల్‌లో రెండు ఈ-సైకిళ్లను బుధవారం మార్కెట్లెకి తెచ్చింది. వీటి ధరలను రూ.18,990, రూ.19,290గా (ఆన్ రోడ్ ధర, న్యూఢిల్లీ) నిర్ణయించామని హీరో గ్రూప్ మేనేజిండ్ డెరైక్టర్ నవీన్ ముంజాల్ తెలిపారు. యువ కార్పొరేట్ ప్రొఫెషనల్స్ కోసం రూపొందించిన ఈ సైకిళ్లు హైదరాబాద్, బెంగళూరు, ముంబై, పుణే, చెన్నైల్లో కూడా విక్రయించనున్నామని పేర్కొన్నారు. ఢిల్లీతో పోల్చితే ఈ నగరాల్లో ఈ సైకిళ్ల ధర అధికంగా ఉంటుందని వివరించారు.

ఢిల్లీ ప్రభుత్వం 15 శాతం సబ్సిడీ ఇవ్వడమే కాకుండా ఎలాంటి వ్యాట్‌ను విధించడం లేదని, అందుకే అక్కడ ధరలు తక్కువగా ఉంటాయని పేర్కొన్నారు. లిధియమ్ బ్యా టరీలతో తయారైన ఈ ఏవియర్ ఈ-సైకిళ్లలో ఆరు గేర్లు ఉన్నాయని,  5 నుంచి 6 గంటల పాటు చార్జింగ్ చేస్తే గంటకు 25 కిమీ గరిష్ట వేగాన్ని అందుకోగలవని వివరించారు.  వీటిని ఆన్‌లైన్‌లో కూడా విక్రయించనున్నామని పేర్కొన్నారు.

Read latest Business News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా