‘థామస్‌ కుక్‌’ దివాలా...

24 Sep, 2019 01:40 IST|Sakshi
థామస్‌ కుక్‌ కార్యాలయం వద్ద పర్యాటకుల పడిగాపులు

ఆరు లక్షల మంది పర్యాటకులకు ఇబ్బంది 

22 వేల ఉద్యోగాలు పోతాయ్‌

గోవా పర్యాటకంపై పెను ప్రభావం

మాది వేరే కంపెనీ అని థామస్‌ కుక్‌ ఇండియా స్పష్టీకరణ 

లండన్‌: ప్రముఖ బ్రిటిష్‌ పర్యాటక సంస్థ.. 178 ఏళ్ల చరిత్ర ఉన్న థామస్‌ కుక్‌ దివాలా తీసింది. దీంతో దాదపు 6 లక్షల మంది పర్యాటకులకు ఇబ్బందులు తలెత్తనున్నాయి. మరోవైపు ఇంగ్లాండ్‌కు చెందిన లక్షన్నరకు పైగా యాత్రికులు వివిధ దేశాల్లో చిక్కుకు పోయారు. వీరందరినీ స్వదేశానికి తరలించడానికి ఇంగ్లాండ్‌ ప్రభుత్వానికి భారీగానే వ్యయం కానున్నది. బల్గేరియా, క్యూబా, అమెరికా, టర్కీ తదితర దేశాల నుంచి ఈ యాత్రీకుల తరలింపునకు ఇప్పటికే ఇంగ్లాండ్‌ ప్రభుత్వం అత్యవసర ప్రణాళికలను ప్రకటించింది. ఆపరేషన్‌ మ్యాటర్‌హార్న్‌ పేరుతో ఈ తరలింపును తక్షణం ప్రారంభించింది. దీని కోసం డజన్ల కొద్దీ చార్టర్‌ విమానాలను ప్రభుత్వం అద్దెకు తీసుకుంది. రెండో ప్రపంచ యుద్ధం తర్వాత అత్యధిక సంఖ్యలో బ్రిటీషర్లను స్వదేశానికి తీసుకురావడం ఇదే మొదటిసారి. మరోవైపు ఇంగ్లాండ్‌లో 9,000 మందితో సహా ప్రపంచవ్యాప్తంగా  22 వేల మంది తమ ఉద్యోగాలను కోల్పోనున్నారు.  

వేరే దారి లేక దివాలా..
178 ఏళ్ల చరిత్ర గల ఈ కంపెనీ భారీ రుణ భారంలోకి కూరుకుపోయింది. ప్రైవేట్‌ ఇన్వెస్టర్ల నుంచి నిధుల సమీకరణ యత్నాలు విఫలమవడంతో దివాలా తీసినట్లుగా సోమవారం ప్రకటించింది. కంపెనీ వాటాదారులకు, కొత్తగా రుణాలివ్వడానికి ముందుకు వచ్చిన సంస్థలకు మధ్య అవగాహన ఒప్పందం కుదర్చడంలో శతథా ప్రయత్నాలు చేశామని, అవన్నీ విఫలమయ్యాయని పేర్కొంది. వేరే దారి లేక తక్షణం దివాలా తీసినట్లుగా ప్రకటిస్తున్నామని వెల్లడించింది.  ఆన్‌లైన్‌ సంస్థల నుంచి తీవ్రమైన పోటీ ఎదురవడం, బ్రెగ్జిట్‌ అనిశ్చితి కారణంగా హాలిడే ట్రిప్పులు, ప్యాకేజీల బుకింగ్స్‌ పడిపోవడం థామస్‌ కుక్‌ కష్టాలను మరింతగా పెంచింది. 2007లో మై ట్రావెల్‌ సంస్థను థామస్‌ కుక్‌ విలీనం చేసుకోవడం ఆ కంపెనీ పుట్టి మునగడానికి గల కారణాల్లో ఒకటి. వ్యయాలు తడిసి మోపెడై భారీ రుణ ఊబిలోకి కూరుకుపోయింది.  

1841 నుంచి కార్యకలాపాలు..
1841లో థామస్‌ కుక్‌ తన పేరు మీదనే ఈ పర్యాటక సంస్థను స్థాపించాడు. ఆరంభంలో ఇంగ్లాండ్‌లోని రైల్వే ప్రయాణికులకు పర్యాటక సేవలందించిన ఈ సంస్థ, ఆ తర్వాత విదేశీ యాత్రలను నిర్వహించడం మొదలు పెట్టింది. . పర్యాటకానికి సంబంధించి వివిధ రంగాల్లోకి విస్తరించింది. వార్షిక టర్నోవర్‌ 1,000 కోట్ల పౌండ్లు, ప్రపంచవ్యాప్తంగా 2కోట్ల మందికి పర్యాటక సేవలందించే ఘనతలున్నప్పటికీ, భారీ రుణ ఊబిలోకి కూరుకుపోయింది. ఒకప్పుడు లండన్‌ స్టాక్‌ మార్కెట్లో ఒక వెలుగు వెలిగిన ఈ కంపెనీ షేరును ఇటీవలే తొలగించారు.  

గోవా పర్యాటకంపై దెబ్బ
థామస్‌ కుక్‌ దివాలా ప్రకటన గోవా పర్యాటకంపై తీవ్ర ప్రభావమే చూపించనున్నది. గత టూరిస్ట్‌ సీజన్‌లో దాదాపు 30 వేలమంది బ్రిటీషర్లు గోవా వచ్చారు. వీరంతా థామస్‌ కుక్‌ ఏర్పాటు చేసిన చార్టర్డ్‌ విమానాల ద్వారా వచ్చిన వాళ్లే, రోజుకు 300 మందిని ఇంగ్లాండ్‌ నుంచి గోవాకు థామస్‌ కుక్‌ తీసుకువచ్చేది. ఒక్కో బ్రిటీషర్‌  గోవాలో సగటున రెండు వారాలు పాటు ఉంటారని అంచనా. ఇక థామస్‌ కుక్‌ దివాలా తీయడంతో ఇంగ్లాండ్‌ నుంచి వచ్చే పర్యాటకులు సగం మేర తగ్గుతారని విశ్లేషకులంటున్నారు.
కాగా థామస్‌ కుక్‌ భారత కార్యకలాపాలను 2012లో కెనడాకు చెందిన ఫెయిర్‌ఫాక్స్‌ ఫైనాన్షియల్‌ హోల్డింగ్స్‌ కొనుగోలు చేసింది. థామస్‌ కుక్‌ యూకేకు, థామస్‌ కుక్‌ ఇండియాకు ఎలాంటి సంబంధం లేదిన థామస్‌ కుక్‌ ఇండియా స్పష్టం చేసింది.

Read latest Business News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు

ఆసస్‌ ‘ఆర్‌ఓజీ ఫోన్‌ 2 ఇండియా ఎడిషన్‌’ ఆవిష్కరణ

కోర్టు వెలుపలే వివాదాల పరిష్కారం..!

సోషల్‌ మీడియాలో కొత్త క్రేజ్‌.. స్లోఫీ, అంటే?

స్కోడా ‘కొడియాక్, సూపర్బ్‌’ స్పెషల్‌ ఎడిషన్స్‌ విడుదల

ఫ్లోటింగ్‌ రేట్‌ రుణాలకు రెపోనే ప్రాతిపదిక

ఆటో అమ్మకాలకు ఒరిగేదేమీ లేదు

నచ్చని టెల్కోలకు గుడ్‌బై!

పెట్రోల్, డీజిల్‌ వాహనాల నిషేధం అక్కర్లేదు

బుల్‌చల్‌!

డ్యూక్ 790 స్పోర్ట్స్‌ బైక్‌‌.. ధరెంతో తెలుసా..!!

స్టాక్‌ మార్కెట్లలో అదే జోష్‌..

ఆసుస్‌ సూపర్‌ గేమింగ్‌ ఫోన్‌ లాంచ్‌

అదే జోరు : సెన్సెక్స్‌ 1000 పాయింట్లు జంప్‌

దివాలా అంచుల్లో థామస్‌ కుక్‌

ర్యాలీ కొనసాగేనా!

పసిడి పరుగు పటిష్టమే

వరదల సమయంలో వాహనానికి రక్షణ..

మీ ద్రవ్యోల్బణం రేటు ఎంత?

కార్పొరేట్‌ పన్నుకోత : దేవతలా ఆదుకున్నారు

జెట్‌ మాజీ ఛైర్మన్‌కు మరోసారి చిక్కులు

చైనాలో తగ్గిన ఐఫోన్‌11 అమ్మకాలు

‘క్లియర్‌ యాజ్‌ రియల్‌’ : ప్రపంచంలోనే  తొలి ఫోన్ 

‘కన్నీళ్లు పెట్టకుండా ఉండలేకపోయా’

యప్‌ టీవీ చేతికి బీసీసీఐ డిజిటల్‌ రైట్స్‌

వేలాది ఫేక్‌ న్యూస్‌ అకౌంట్ల క్లోజ్‌

ప్రభుత్వ పెద్దల హర్షాతిరేకాలు...

రిటైల్‌ మార్కెట్లోకి కేపీఆర్‌ గ్రూప్‌

మార్కెట్లకు ‘కార్పొరేట్‌’ బూస్టర్‌!

మందగమనంపై సర్జికల్‌ స్ట్రైక్‌!

ఆంధ్రప్రదేశ్
తెలంగాణ
సినిమా

నటుడు విజయ్‌పై ఫిర్యాదు

జీవీ హాలీవుడ్‌ ఎంట్రీ షురూ

నవ్వించి ఏడిపిస్తాం

పదమూడేళ్లకే మ్యూజిక్‌ డైరెక్టర్‌

మమ్మీ అమీ

సూపర్‌ మార్కెట్‌లో సస్పెన్స్‌