సాక్షి, న్యూఢిల్లీ: చైనాకు చెందిన మొబైల్‌ తయారీదారు వివో తన జెడ్ సిరీస్‌లో మరో స్మార్ట్‌ఫోన్‌ను ఆవిష్కరించింది. వివో జెడ్ 1 ఎక్స్ పేరుతో భారతదేశంలో ప్రారంభించింది. వివో జెడ్-సిరీస్‌లో ఇది కంపెనీ రెండవ ఫోన్. ఇందులో 48 మెగా పిక్సెల్ ట్రిపుల్ కెమెరా, ఇన్-డిస్ప్లే ఫింగర్ ప్రింట్ సెన్సార్, అమోలేడ్ డిస్ప్లే, స్నాప్‌డ్రాగన్ 712 సాక్‌, 22 వాట్‌ ఫ్లాష్‌చార్జ్‌ స్పెషల్‌ ఫీచర్లుగా ఉన్నాయి. ఫాంటమ్ పర్పుల్, ఫ్యూజన్ బ్లూ రంగులలో లాంచ్‌ అయిన ఈ స్మార్ట్‌ఫోన్‌, ఫ్లిప్‌కార్ట్, వివో ఆన్‌లైన్ స్టోర్ ద్వారా కొనుగోలుకు అందుబాటులో ఉంటుంది. వివో జెడ్ 1 ఎక్స్ రెండు వేరియంట్లలో అందుబాటులో ఉంటుంది.
6 జీబీర్యామ్/ 64 జిబి స్టోరేజ్ మోడల్ ధర రూ .16,990.
6 జీబీ ర్యామ్ + 128 జీబీ స్టోరేజ్ ధర రూ.18,990
ఆఫర్ల విషయానికొస్తే, వివో జెడ్ 1 ఎక్స్ ఫోన్ కొనుగోలుపై రిలయన్స్ జియో రూ .6,000 విలువైన ప్రయోజనాలను అందిస్తోంది. అంతేకాకుండా, వినియోగదారులు హెచ్‌డిఎఫ్‌సి బ్యాంక్ కార్డు రూ .1,250 ఆఫర్‌ కూడా ఉంది. సెప్టెంబర్ 13 నుండి అమ్మకానికి లభ‍్యం.
వివో జెడ్ 1 ఎక్స్ ఫీచర్లు
6.38-అంగుళాల సూపర్ అమోలెడ్‌ వాటర్‌డ్రాప్ నాచ్‌ డిస్ప్లే
స్నాప్‌డ్రాగన్ 712 ఎఐఈ ప్రాసెసర్‌
ఆండ్రాయిడ్‌ 9 పై
48+ 2+8 ఎంపీ రియర్‌ ట్రిపుల్ కెమెరా .
32 ఎంపీ సెల్పీ కెమెరా
4500 ఎంఏహెచ్‌ బ్యాటరీ
