గొర్రెల మందపైకి దూసుకొచ్చిన లారీ

31 Aug, 2019 10:55 IST|Sakshi
లారీ దూసుకు వెళ్లిన ఘటనలో జాతీయ రహదారిపై మృతి చెందిన గొర్రెలు  

60 గొర్రెలు మృతి..

30 గొర్రెలకు గాయాలు

సాక్షి, షేర్‌మహ్మద్‌పేట (కృష్ణా) : మరి కొద్ది నిముషాల్లో గొర్రెల సంతకు వెళ్లాల్సిన గొర్రెల మందపై లారీ దూసుకెళ్లిన ఘటనలో 60 గొర్రెలు మృతి చెందిన ఘటన శుక్రవారం చోటుచేసుకుంది. వివరాలు.. తెలంగాణలోని రెడ్లకుంట గ్రామానికి చెందిన మిండి శ్రీనుయాదవ్‌ శనివారం చిల్లకల్లు సంతకు గొర్రెలను తోలుకొస్తున్నాడు. ఈ క్రమంలో హైదరాబాద్‌ నుంచి విజయవాడ వైపు వెళ్తున్న సాగర్‌ సిమెంట్స్‌ నుంచి వస్తున్న లారీ, గొర్రెల మందపైకి దూసుకెళ్లింది. ఈ ఘటనలో 60 గొర్రెలు అక్కడికక్కడే మృతి చెందగా 30 గొర్రెలకు గాయాలయ్యాయి. మృతి చెందిన గొర్రెల విలువ రూ. 5 లక్షలు ఉంటుందని యజమాని శ్రీను వాపోయాడు. హైవే సిబ్బంది గొర్రెల మృతదేహాలను తొలగించి ట్రాఫిక్‌ను క్రమబద్ధీకరించారు. కేసు నమోదు చేసి దర్యాప్తు చేయనున్నట్లు చిల్లకల్లు ఎస్‌ఐ చిరంజీవి తెలిపారు. ఘటనా స్థలాన్ని ప్రభుత్వ విప్, ఎమ్మెల్యే సామినేని  ఉదయభాను పరిశీలించారు. బాధితుడు శ్రీను యాదవ్‌ను వివరాలు అడిగి తెలుసుకున్నారు. 

Read latest Crime News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా