మంచాల ఏఎస్‌ఐ ఆత్మహత్యాయత్నం

23 Nov, 2019 04:18 IST|Sakshi
కాలిన గాయాలతో ఏఎస్‌ఐ నర్సింహ

బాలాపూర్‌ పోలీస్‌స్టేషన్‌ ముందున్న వాటర్‌ట్యాంక్‌ ఎక్కి నిప్పంటించుకున్న నర్సింహ

బాలాపూర్‌ నుంచి మంచాల పోలీస్‌స్టేషన్‌కు ఇటీవలే బదిలీ

ఇన్‌స్పెక్టర్‌ వేధింపులే కారణం అంటున్న ఏఎస్‌ఐ కుమారుడు

పహాడీషరీఫ్‌: పోలీస్‌స్టేషన్‌ ముందు ఓ ఏఎస్‌ఐ ఒంటిపై పెట్రోల్‌ పోసుకొని నిప్పంటించుకోవడం బాలాపూర్‌ పోలీస్‌స్టేషన్‌ పరిధిలో శుక్రవారం సాయంత్రం కలకలం రేపింది. వివరాల ప్రకారం.. బాలాపూర్‌ పోలీస్‌స్టేషన్‌లో కె.నర్సింహ ఏడాదిన్నర క్రితం నుంచి ఏఎస్‌ఐగా విధులు నిర్వహిస్తున్నాడు. నాలుగైదు రోజుల క్రితం ఆయనను బదిలీ చేస్తూ రాచకొండ పోలీస్‌ కమిషనర్‌ ఉత్తర్వులు జారీ చేశారు. దీంతో ఈ నెల 21న మంచాల పోలీస్‌స్టేషన్‌లో విధుల్లో చేరారు. శుక్రవారం మధ్యా హ్నం 3 గంటల సమయంలో బాలాపూర్‌ పోలీస్‌స్టేషన్‌ ముందున్న వాటర్‌ట్యాంక్‌ వద్దకు యూనిఫారంలో వచ్చిన ఆయన ట్యాంక్‌పైకి ఎక్కారు. ఇది గమనించిన పోలీస్‌స్టేషన్‌ సిబ్బంది ఆయనను కాపాడేందుకు పైకి ఎక్కారు. ఈలోపే ఆయన ఒంటిపై పెట్రోల్‌ పోసుకొని నిప్పంటించుకున్నారు. పైకి చేరుకున్న సిబ్బంది ఆయనను కిందికి దించి చికిత్స నిమిత్తం సంతోష్‌నగర్‌లోని డీఆర్డీవో అపోలో ఆస్పత్రికి తరలించారు. 35 శాతం కాలిన గాయాలతో ఆయన చికిత్స పొందుతున్నారు.

వివాదానికి కారణమైన వివాహ విందు.. 
నర్సింహ బంధువుల వివాహం బాలాపూర్‌ పోలీస్‌స్టేషన్‌ పరిధిలోని ఓ ఫంక్షన్‌హాల్‌లో ఈ నెల 15న జరిగింది. విందుకు నర్సింహ తన కుటుంబ సభ్యులతో హాజరయ్యారు. విందుకు బాలాపూర్‌ ఠాణా కు చెందిన ముగ్గురు కానిస్టేబుళ్లు వెళ్లారు. ఈ సమయంలోనే ఏఎస్‌ఐకి, సదరు కానిస్టేబుళ్ల నడుమ వివాదం నెలకొంది. దీనికి సంబంధించిన ఆధారాలను రాచకొండ సీపీ అధికార గ్రూప్‌లో కానిస్టేబుళ్లు పోస్ట్‌ చేశారు. దీనిపై స్పందించిన సీపీ.. ఏఎస్‌ఐని మరుసటిరోజే బదిలీ చేసినట్లు సమాచారం. మరోవైపు ఆ కానిస్టేబుళ్లు డబ్బులు డిమాండ్‌ చేశారంటూ బాలాపూర్‌ ఇన్‌స్పెక్టర్‌ సైదులుకి ఏఎస్‌ఐ కుమారుడు సాయికిరణ్‌ శుక్రవారం ఫిర్యాదు చేశాడు. అలాగే ఇన్‌స్పెక్టర్‌ సైదులు వేధింపుల కారణంగానే తన తండ్రి ఆత్మహత్యాయత్నానికి పాల్పడ్డాడంటూ సాయికిరణ్‌ ఆరోపించాడు.

ఇన్‌స్పెక్టర్‌పై చర్యలు.. 
ఈ ఉదంతాన్ని రాచకొండ సీపీ మహేశ్‌ భగవత్‌ సీరియస్‌గా తీసుకున్నారు. ఆస్పత్రిలో చికిత్స పొందుతున్న నర్సింహను పరామర్శించి.. కుటుంబీకుల్ని ఓదార్చారు. అనంతరం ఇన్‌స్పెక్టర్‌ సైదులుతోపాటు ఆరోపణలు ఎదుర్కొంటున్న కానిస్టేబుల్‌ దశరథ్‌ను హెడ్‌క్వార్టర్‌కి అటాచ్‌ చేస్తూ ఉత్తర్వులు జారీ చేశారు. ఈ ఘటనపై విచారణ చేయాల్సిందిగా ఎల్బీ నగర్‌ డీసీపీని ఆదేశించారు.

గతంలో సైదులు ఆత్మహత్యాయత్నం.. 
బాలాపూర్‌ ఇన్‌స్పెక్టర్‌ వి.సైదులు గతంలో ఆత్మహత్యాయత్నం చేశారు. వనస్థలిపురం పోలీసుస్టేషన్‌లో ఎస్‌ఐగా ఉన్న సమయంలో ఆయనపై అవి నీతి ఆరోపణలు రావడంతో సస్పెండ్‌ చేశారు. దీంతో సైదులు సైబరాబాద్‌ పోలీసు కమిషనరేట్‌ వద్ద తనపై విచారణ చేయకుండా చర్యలు తీసుకున్నారని హల్‌చల్‌ చేశారు. విషం తాగి ఆత్మహత్యకు యత్నించారు. సైదులు ఆస్పత్రిలో చికిత్స తీసుకుంటున్న సమయంలో ఆయన సోదరుడు ఉన్నతాధికారులపై ఆరోపణలు చేశారు.

Read latest Crime News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు

భార్య మీద కోపంతో అత్తింటివారిపై దాడి

డివైడర్‌ను ఢీకొన్న డీసీఎం వ్యాన్‌: ముగ్గురి మృతి 

సకుటుంబ కరెన్సీ ముద్రణ!

భర్తను వధించి.. వంటగది కట్టి..

గ్రానైట్‌ లారీ బోల్తా, ముగ్గురు మృతి

సీబీఐ ఆఫీసర్‌నంటూ లక్షలు కాజేశాడు

డీఎల్‌ఎఫ్‌ మాల్‌లో అనుమానాస్పద మృతి..

వైరల్‌ : ప్రార్థన చేసి, గుంజీలు తీసి ఆపై..

బాలాపూర్‌ సీఐపై బదిలీ వేటు

భర్తను హతమార్చి నెల రోజులుగా కిచెన్‌లో దాచి..

రూ. 20 లక్షల నెక్లెస్.. 3 రాష్ట్రాలు తిప్పి..

దారుణం: గర్భవతిపై పిడిగుద్దులతో దాడి..

గుడికని భర్తకు చెప్పి.. ప్రియుడి చేతిలో హతమైంది

25 లక్షలు డ్రా చేసి.. ఇంటి నుంచి గెంటేశాడు!

విషాదం: ఒకే ఫ్యాన్‌కు ఉరేసుకున్న దంపతులు

షార్ట్‌ కట్‌ అన్నాడు.. స్మార్ట్‌గా నొక్కేశాడు!!

గంజాయి మత్తుకు అడ్డాగా మిర్యాలగూడ

తెల్లారితే పెళ్లి.. మరో యువతితో వరుడు..

పోలీసుల వేట.. పరారీలో నిత్యానంద!

500  కిలోల గంజాయి స్వాధీనం

పచ్చని కుటుంబాన్ని చిదిమేసిన బెట్టింగ్‌లు

పెప్పర్‌ స్ప్రేతో చోరీ చేసే దంపతుల అరెస్ట్‌

బాలుడిని కబళించిన మృత్యుతీగ

సిపాయి ప్రాణం తీసిన సైబర్‌ నేరం!

భార్యపై కోపం..అత్తింటిపై పెట్రోల్‌తో దాడి

ఏసీబీ వలలో సబ్‌రిజిస్ట్రార్‌

కరకట్ట మీద డొంకలు కదులుతున్నాయి! 

యువకుడి హత్య: తండ్రే హంతకుడు

‘హనీట్రాప్‌’ కేసులో అన్నదమ్ముల అరెస్టు

ఆత్మహత్యకు పాల్పడిన ప్రేమజంట మృతి

ఆంధ్రప్రదేశ్
తెలంగాణ
సినిమా

అందర్నీ ఏకం చేసే మాధ్యమం సినిమా

రకుల్‌ ఎటాక్‌

మోసగాళ్లు

ఓ మై గాడ్‌.. డాడీ!

మహేశ్‌బాబు రఫ్‌ ఆడేశారు

మన దగ్గర బేరాల్లేవమ్మా...: మహేశ్‌