కోరిక తీరిస్తేనే.. లేదంటే జీవితాంతం..

21 Sep, 2019 06:23 IST|Sakshi

కోనేరు సెంటర్‌ (మచిలీపట్నం) : కాలేజీలో విద్యార్థినులను లైంగికంగా వేధిస్తున్న ఓ కామాంధుడి పైశాచికం ఆలస్యంగా వెలుగులోకి వచ్చింది. తన కోరిక తీరిస్తేనే అన్ని సబ్జెక్టులు పాస్‌ చేయిస్తానని, లేదంటే జీవితాంతం ఫెయిల్‌ అయ్యేలా చేస్తానంటూ ఆ విద్యాసంస్థలోని ఆడపిల్లలను లొంగదీసుకునేందుకు ప్రయత్నిస్తున్న కరస్పాండెంట్‌ వికృత చేష్టలను ఓ విద్యార్థిని ధైర్యంగా ప్రతిఘటించింది. జరిగిన విషయాన్ని పోలీసులకు ఫిర్యాదు చేసింది. వివరాల్లోకి వెళితే.. మచిలీపట్నంలోని సారా గ్రేస్‌ స్కూల్‌ ఆఫ్‌ నర్సింగ్‌లో పశ్చిగోదావరి జిల్లా భీమవరానికి చెందిన ఓ విద్యార్థిని బీఎస్సీ నర్సింగ్‌ కోర్సు చేసేందుకు చేరింది. రెండు సంవత్సరాల పాటు అన్ని సబ్జెక్టులు పాస్‌ అవుతూ వచ్చింది.

మూడో సంవత్సరంలోకి అడుగుపెట్టిన తరువాత కళాశాల కరస్పాండెంట్‌ ఎస్‌.రమేష్‌ కన్ను ఆ విద్యార్థినిపై పడింది. అప్పటి నుంచి ఆమెను లైంగికంగా వేధించడం మొదలుపెట్టాడు. తన కోరిక తీరిస్తే మూడు, నాలుగో సంవత్సరాల్లో సబ్జెక్టులు పాస్‌ చేయిస్తానని, లేదంటే ఫెయిల్‌ చేస్తానంటూ బెదిరించాడు. అందుకు ఆ విద్యార్థిని అంగీకరించకపోవడంతో అన్నట్లుగానే మూడో సంవత్సరంలో ఓ సబ్జెక్టులో ఫెయిల్‌ చేశాడు. విద్యార్థిని సప్లిమెంటరీలో పరీక్ష రాయగా మళ్లీ ఫెయిల్‌ అయ్యేలా చేశాడు. దీంతో సహనం కోల్పోయిన విద్యార్థిని జరిగిన విషయాన్ని తల్లిదండ్రులు, బంధువులకు చెప్పి విలపించింది. జిల్లా ఏఎస్పీకి ఫిర్యాదు చేయగా  కేసు నమోదు చేయాలని ఆయన పోలీసులను ఆదేశించారు.

Read latest Crime News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు

దారుణ హత్య: సీరియల్‌ సన్నివేశాలే స్ఫూర్తి

కరోనా భయంతో వ్యక్తి ఆత్మహత్య

మద్యం దొరక్కపోవడంతో వ్యక్తి ఆత్మహత్య!

కరోనా పాజిటివ్‌: ఆ జర్నలిస్టుపై ఎఫ్‌ఐఆర్‌

ఆత్మహత్య: ఏం కష్టం వచ్చిందో..? 

సినిమా

బుల్లితెర కార్మికులకు యాంకర్‌ ప్రదీప్‌ చేయూత

కిచెన్‌ స్వాధీనం చేసుకున్న రాజేంద్రప్రసాద్‌

ఏఆర్‌ రెహమాన్‌ కచ్చేరీలు రద్దు 

కరోనా విరాళం

17 ఏళ్లు... 20 సినిమాలు

‘జుమాంజి’ నటికి కరోనా