కీచక కానిస్టేబుల్‌..

25 Aug, 2018 09:19 IST|Sakshi

కోనేరుసెంటర్‌(మచిలీపట్నం): భర్త విధులకు వెళ్లడంతో ఇంట్లో ఒంటరిగా ఉన్న ఓ కానిస్టేబుల్‌ భార్యపై మరో కానిస్టేబుల్‌ లైంగికదాడికి యత్నించాడు. అదే సమయంలో డ్యూటీ నుంచి ఇంటికి వచ్చిన ఆమె భర్త ఆ దారుణాన్ని అడ్డుకుని అతన్ని పట్టుకునేందుకు ప్రయత్నించడంతో ఇరువురి మధ్య ఘర్షణ జరిగింది. తోటి ఉద్యోగులు వీరిని విడదీసి గొడవను సర్దుబాటు చేశారు. ఒక రోజు ఆలస్యంగా వెలుగులోకి వచ్చిన ఈ ఘటన కృష్ణా జిల్లా పోలీసు సూపరింటెండెంట్‌ కార్యాలయానికి కూతవేటు దూరంలో ఉన్న పోలీస్‌ క్వార్టర్స్‌లో చోటుచేసుకుంది. కృష్ణాజిల్లా ఆర్మ్‌డ్‌ రిజర్వు విభాగంలో బాగావతు బాలాజీ నాయక్, ఎల్లయ్య కానిస్టేబుళ్లుగా పనిచేస్తున్నారు. బాలాజీ నాయక్‌ స్క్వాడ్‌ టీంలో పనిచేస్తుండగా, ఎల్లయ్య పోలీస్‌ క్యాంటీన్‌లో పనిచేస్తున్నాడు.

ఇరువురూ పోలీస్‌క్వార్టర్స్‌లోని యూ బ్లాక్‌లో ఎదురెదురు ప్లాట్‌లలో ఉంటున్నారు. గురువారం బాలాజీ నాయక్‌ డ్యూటీకి వెళ్లిపోగా మధ్యాహ్నం అతని భార్య ఒంటరిగా ఉండటాన్ని గమనించిన ఎల్లయ్య ఇంట్లోకి చొరబడ్డాడు. తన కోరిక తీర్చమంటూ ఆమెపై ఒత్తిడి తెచ్చాడు. అందుకు ఆమె అంగీకరించకపోవటంతో బలవంతంగా లొంగదీసుకునేందుకు ప్రయత్నించాడు. అదే సమయంలో డ్యూటీ నుంచి ఇంటికి వచ్చిన బాలాజీ నాయక్‌ తన భార్యతో ఎల్లయ్య అసభ్యంగా ప్రవర్తించటాన్ని చూసి అతన్ని పట్టుకునేందుకు ప్రయత్నించాడు. ప్రతిఘటించిన ఎల్లయ్య పారిపోవడానికి ప్రయత్నించడంతో ఇరువురి మధ్య కోట్లాట జరిగింది. జరిగిన దారుణంపై బాధితురాలు గురువారం చిలకలపూడి పోలీసులకు ఫిర్యాదు చేసింది. ఎల్లయ్య తనపై లైంగికదాడికి ప్రయత్నించాడంటూ ఫిర్యాదులో పేర్కొంది. కేసు నమోదు చేసిన పోలీసులు శుక్రవారం ఎల్లయ్యను అరెస్ట్‌ చేసి కోర్టులో హాజరుపరిచి రిమాండ్‌కు తరలించారు.

Load Comments
Hide Comments
మరిన్ని వార్తలు

మహిళ నుంచి అరకేజీ బంగారం స్వాధీనం

ఉద్యోగం.. అంతా మోసం

త్వరలో వస్తానన్నాడు.. అంతలోనే..

గజ తుపాను ధాటికి 45 మంది మృతి

ఏసీబీకి చిక్కిన మెట్రాలజీ అధికారి

ఆంధ్రప్రదేశ్
తెలంగాణ
సినిమా

అవును.. ఉంది!

ఎన్నాళ్లో వేచిన ఉదయం... ‘టాక్సీవాలా’

ప్రశాంత్‌ ఈజ్‌ బ్యాక్‌

అలాంటి పాత్రల్లో నటించను : కీర్తి సురేష్‌

చెంప దెబ్బ కొట్టలేక సినిమా వదిలేసింది..!

శ్రమశిక్షణ