‘ఎవడ్రా హీరో’ సినిమా హీరో అరెస్ట్‌

15 Dec, 2019 18:57 IST|Sakshi

సాక్షి, హైదరాబాద్‌ : ‘ఎవడ్రా హీరో’ చిత్రంలోని కథానాయకుడు బషీద్‌ను పోలీసులు అరెస్ట్‌ చేశారు. రుణాలు ఇప్పిస్తానంటూ మోసాలకు పాల్పడినట్టు ఫిర్యాదులు అందడంతో హైదరాబాద్ వెస్ట్ జోన్ టాస్క్ ఫోర్స్ పోలీసులు బషీద్ ను అరెస్ట్ చేశారు. ప్రభుత్వ, ప్రైవేటు బ్యాంకుల నుంచి రుణాల పేరుతో డబ్బు వసూలు చేసినట్టు అతడిపై ఆరోపణలు వచ్చాయి. ఒక్కొక్కరి వద్ద రూ.30 లక్షల నుంచి కోటి రూపాయల వరకు వసూలు చేసినట్టు తెలుస్తోంది. దుబాయ్‌లోని ఎస్‌బీకే గ్రూప్‌ పేరుతో బషీద్‌ నకిలీ వ్యాపారం చేసినట్లు ఆరోపణనలు ఉన్నాయి. దుబాయ్‌ ఎంబసీ ఇచ్చిన ఫిర్యాదు మేరకు బషీద్‌పై వెస్ట్‌జోన్‌ టాస్క్‌ఫోర్స్‌ పోలీసులు కేసు నమోదు చేసి అరెస్ట్‌ చేశారు. 

షేక్‌ బషీద్‌ (42) వ్యాపారి. జూబ్లీహిల్స్‌ రోడ్‌నెంబరు 26లోని ప్లాట్‌ నెంబరు 304లో ఉంటున్నాడు. గుంటూరు జిల్లాకు చెందిన ఇతడు సినిమాపై మోజుతో చదువు మధ్యలోనే ఆపాడు. సినీ విభాగాల్లో శిక్షణ పొంది హైదరాబాద్‌ చేరాడు. తెలుగు, తమిళం, కన్నడ భాషల్లో పలు సినిమాలకు నిర్మాతగా వ్యవహరించాడు. అల్లరే అల్లరి, మెంటల్‌పోలీస్‌, నోటుకు పోటు సినిమాలతో ఫిలింనగర్‌లో పాపులారిటీ సంపాదించాడు. గతంలో హీరో సందీప్‌ కిషన్‌తో వివాదానికి దిగాడు. సందీప్‌ కిషన్‌తో సినిమా తీయడం కంటే కుక్కను పెట్టి సినిమా నిర్మిస్తానని అనుచిత వ్యాఖ్యలు చేశాడు. తరచూ వివాదాల్లో నిలిచే బషీద్‌ అనేక మందిని మోసం చేసి అరెస్ట్‌ కావడం టాలీవుడ్‌లో సంచలనం కలిగిస్తోంది.

Read latest Crime News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా