తెలుగుదేశం నాయకుడికి 14 రోజుల రిమాండ్‌

1 Mar, 2018 09:33 IST|Sakshi
టీడీపీ నాయకుడు, అగనంపూడి ఆస్పత్రి కమిటీ చైర్మన్‌ జగదీష్‌

పోలీసులతో దురుసుగా ప్రవర్తించిన కేసులో న్యాయమూర్తి తీర్పు

విశాఖపట్నం: తెలుగుదేశం పార్టీ నాయకుడు, అగనంపూడి ఆస్పత్రి కమిటీ చైర్మన్‌ కొరాయి జగదీష్‌కు న్యాయస్థానం 14 రోజుల రిమాండ్‌ విధించింది. దువ్వాడ సీఐ కిషోర్‌కుమార్‌ తెలిపిన వివరాల ప్రకారం... మూడు రోజుల కిందట అగనంపూడి కాలనీలో గ్రామదేవత సంబరాలు నిర్వహించారు. ఆ సంబరాల్లో మహిళలతో అసభ్యకరంగా నృత్యాలు చేయిస్తున్న నిర్వాహకులను పోలీసులు అదుపులోకి తీసుకున్నారు. ఈ విషయంలో జగదీష్‌ పోలీసులతో వాగ్వివాదానికి దిగడంతోపాటు దురుసుగా ప్రవర్తించాడు. పోలీసులను హెచ్చరించడంతోపాటు విధులకు ఆటంకం కలిగించాడని పోలీసులు కేసు నమోదు చేశారు. ఈ నేపథ్యంలో కొరాయి జగదీష్‌ను అరెస్ట్‌ చేసిన పోలీసులు గాజువాక న్యాయస్థానంలో బుధవారం హాజరుపర్చగా 14 రోజుల రిమాండ్‌ విధిస్తూ న్యాయమూర్తి తీర్పు చెప్పారు. దీంతో జగదీష్‌ను పోలీసులు జైలుకు తరలించారు.

Read latest Crime News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు