నిజామాబాద్: ఆడ శిశువు పుట్టిందని వదిలించుకున్నారు. ఎక్కడో ప్రసవిస్తే తీసుకొచ్చి ప్రభుత్వ ఆస్పత్రి గడపలో వదిలివెళ్లారు. ఈ సంఘటన నిజామాబాద్ నగరంలో వెలుగుచూసింది. అప్పుడే పుట్టిన ఆడశిశువును గుర్తు తెలియని వ్యక్తులు ప్రభుత్వ జనరల్ ఆసుపత్రి ప్రవేశ మార్గం వద్ద శనివారం ఉదయం వదిలి వెళ్లారు. అయితే ఆస్పత్రి సిబ్బంది, రోగులు ఆ శిశువును గమనించి ఆస్పత్రిలో చేర్చి చికిత్సలు అందిస్తున్నారు. ఈ శిశువు వేరే ఆస్పత్రిలో జన్మించినట్లు ప్రభుత్వాస్పత్రి అధికారులు గుర్తించారు. శిశువును ఎవరు వదిలివెళ్లారనే దానిపై ఆరా తీస్తున్నారు.
