పది రోజుల్లో పెళ్లి.. అంతలోనే విషాదం

22 Sep, 2019 12:10 IST|Sakshi
ప్రమాదంలో మృతి చెందిన యువకుడు మహేశ్వరరెడ్డి (ఇన్‌సెట్‌) మహేశ్వరరెడ్డి (ఫైల్‌)

లారీ ఢీకొని యువకుడి మృతి

పెళ్లి దుస్తులు కొనుగోలు చేసి వెళ్తుండగా ప్రమాదం

సంఘటన చూసి గుండె పోటుకు గురైన మృతుడి తండ్రి

సాక్షి, పులివెందుల (కడప): మరో పది రోజుల్లో పెళ్లి పీటలు ఎక్కాల్సిన నవ వరుడిని మృతువు కభలించింది. ఎంతో ఉత్సాహంతో పెళ్లి దుస్తుల కోసం పులివెందులకు వచ్చి తిరిగి తన స్వగ్రామానికి వెళుతున్న సమయంలో లారీ రూపంలో ఆ యువకుడిని మృత్యువు వెంటాడింది. ఈ సంఘటన చూసి యువకుడి తండ్రి గుండె పోటుకు గురయ్యాడు. పోలీసుల కథనం మేరకు వివరాలిలా ఉన్నాయి. వేముల మండలం భూమయ్యగారిపల్లెకు చెందిన శంకర్‌రెడ్డి, నిర్మల ఒక్కగానొక్క కుమారుడు సోగలపల్లె మహేశ్వరరెడ్డి (25). అతడు తుమ్మలపల్లె వద్ద ఉన్న యురేనియం ప్రాజెక్టులో కాంట్రాక్టు పద్ధతిన విధులు నిర్వహించేవాడు.

ఈ నేపథ్యంలో యువకునికి పెద్దలు పెళ్లి నిశ్చయించారు. వచ్చేనెల 3వ తేదీన  వివాహం జరగాల్సి ఉంది. అయితే అందుకు సంబంధించిన పెళ్లి దుస్తుల కోసం శనివారం మహేశ్వరరెడ్డి పులివెందులకు బైకుపై వచ్చాడు. కొనుగోలు చేసి తిరిగి తన స్వగ్రామానికి వెళుతుండగా పట్టణంలోని ఎర్రగుడిపల్లె సమీపంలోని బ్రిడ్జి వద్దకు చేరుకోగానే ఏపీ07టీహెచ్‌3453 అనే నెంబర్‌ గల లారీ పులివెందుల నుంచి కడపకు వేగంగా వెళుతూ మహేశ్వరరెడ్డి బైకును ఢీకొని కొద్దిదూరం ఈడ్చుకుంటూ వెళ్లింది. ప్రమాదంలో అతడు అక్కడికక్కడే మృతి చెందాడు. పోలీసులు కేసు నమోదు చేసి దర్యాప్తు చేస్తున్నారు. మృతదేహాన్ని పోస్టుమార్టం నిమిత్తం స్థానిక ప్రభుత్వ ఏరియా ఆసుపత్రికి తరలించారు.

యువకుని తండ్రికి గుండె పోటు
కుమారుడు మృతి చెందిన విషయాన్ని తెలుసుకున్న తండ్రి సోగలపల్లె శంకర్‌రెడ్డి వెంటనే పులివెందులకు చేరుకుని స్థానిక ప్రభుత్వాసుపత్రిలో ఉన్న కుమారుడు మృతదేహాన్ని చూడటంతో తట్టుకోలేక ఒక్కసారిగా గుండె పోటుతో కుప్పకూలిపోయాడు. వెంటనే అక్కడ వైద్యులు ఆయనకు ప్రథమ చికిత్స అనంతరం మెరుగైన చికిత్స కోసం పట్టణంలోని ప్రైవేట్‌ ఆసుపత్రికి తరలించారు.

పరామర్శించిన వైఎస్‌ భాస్కర్‌రెడ్డి, ఇతర నేతలు
మహేశ్వరరెడ్డి మృతి చెందిన విషయం తెలుసుకున్న వైఎస్సార్‌సీపీ నియోజకవర్గ ఇన్‌చార్జి వైఎస్‌ భాస్కర్‌రెడ్డి స్థానిక ప్రభుత్వ ఏరియా ఆసుపత్రికి చేరుకుని మృతదేహానికి నివాళులర్పించి.. అక్కడ చికిత్స పొందుతున్న శంకర్‌రెడ్డిని పరామర్శించారు. పెళ్లి పీటలు ఎక్కాల్సిన యువకుడు ఇలా మృత్యువాత పడటం ఆవేదన కలిగిస్తోందని ఆయన అన్నారు. కుటుంబ సభ్యులు, బంధువులు, గ్రామస్తులు విచారంలో మునిగిపోయారు. వైఎస్సార్‌సీపీ నాయకులు సాంబశివారెడ్డి, బయపురెడ్డి, మాజీ ఎంపీటీసీ శ్రీరామిరెడ్డి, రాఘవరెడ్డి తదితరులు నివాళి అర్పించారు.

Read latest Crime News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు

పారిపోయాడు.. పెళ్లి చేసుకొని వచ్చాడు

అక్క ప్రేమను ఒప్పుకున్నారు.. కానీ చెల్లి ప్రేమను

కోడెల కాల్‌డేటానే కీలకం!

తిరుమలలో మహిళ ఆత్మహత్య

డబ్బు కోసం స్నేహితులే కడతేర్చారు

తల్లీబిడ్డల హత్య

ఏం కష్టమొచ్చిందో..!

ప్రాణం మీదకు తెచ్చిన  టిక్‌టాక్‌

చింపాంజీలను అటాచ్‌ చేసిన ఈడీ!

నిందితులంతా నేర చరితులే

బాణాసంచా పేలుడు : ఆరుగురు దుర్మరణం

మధ్యవేలు చూపించి జైలుపాలయ్యాడు

కిడ్నాప్‌ కథ సుఖాంతం..

సినిమా అని తీసుకెళ్ళి గ్యాంగ్‌ రేప్‌!

రోడ్డు ప్రమాదంలో తండ్రీకూతుళ్ల మృతి

కిడ్నాప్‌ కథ సుఖాంతం..

మహిళా కానిస్టేబుల్‌ ఆత్మహత్యాయత్నం

గుట్కా గుట్టుగా..

రైల్వేపోలీసుల ఎత్తుకు స్మగ్లర్ల పైఎత్తు..!

మంత్రం చెప్పి.. చైన్‌ మాయం చేశాడు

'ఆఫర్‌' అని.. అడ్డంగా ముంచారు!

పోలీసులకు లైంగిక ఎర

అంతర్జాతీయ ఫోన్‌ కాల్స్‌ ముఠా అరెస్టు

స్మార్ట్‌ దోపిడీ

చంపేసి.. కాల్చేశారు

రిటైర్డ్‌ కానిస్టేబుల్‌ దారుణ హత్య

‘అగస్టా’ మైకేల్‌ను విచారించనున్న సీబీఐ

చాటుగా చూసే సంగ్రహించా

‘విదేశీ’ మోసం..యువతకు గాలం!

జీడిమెట్ల కెమికల్‌ ఫ్యాక్టరీలో భారీ అగ్నిప్రమాదం

ఆంధ్రప్రదేశ్
తెలంగాణ
సినిమా

చిత్ర పరిశ్రమ చూపు.. అనంతపురం వైపు!

నయన్‌ విషయంలోనూ అలాగే జరగనుందా?

మాఫియా టీజర్‌కు సూపర్బ్‌ రెస్పాన్స్‌

‘కాప్పాన్‌’తో సూర్య అభిమానులు ఖుషీ

సిబిరాజ్‌కు జంటగా నందితాశ్వేత

బిగ్‌బాస్‌ చూస్తున్నాడు.. జాగ్రత్త