కూసుమంచి: న్యూడెమోక్రసీ చంద్రన్న వర్గానికి చెందిన గుండాల ఏరియా దళ కమాండర్‌ బోడ భీముడు అలియాస్‌ సుధాకర్‌ను పట్టుకున్న పోలీస్ అధికారులకు, సిబ్బందికి రివార్డులను మంగళవారం పోలీస్ కమిషనర్‌(సీపీ) తఫ్సీర్‌ ఇక్బాల్‌ అందించారు.
మండలంలోని చౌటపల్లి శారు బండమీదితండాలో ఈ నెల 9న బీముడు అలియాస్‌ సుధాకర్‌ను ఖమ్మం రూరల్‌ ఏసీపీ నరేష్‌రెడ్డి మార్గదర్శకత్వంలో కూసుమంచి పోలీసులు అరెస్ట్‌ చేశారు. ఇందుకుగాను ఏసీపీ నరేష్‌రెడ్డితోపాటు కూసుమంచి సీఐ వసంత్కుమార్, ఎస్‌ఐ రఘు, కానిస్టేబుల్‌ కృష్ణకు రివార్డులను సీపీ అందజేశారు. వారిని అభినందించారు.
