మార్ఫింగ్‌ ఫోటో.. పోలీసులకు వర్మ ఫిర్యాదు

21 May, 2018 16:25 IST|Sakshi
దర్శకుడు రామ్‌ గోపాల్‌ వర్మ

సాక్షి, హైదరాబాద్‌: ప్రముఖ సినీ దర్శకుడు రామ్‌ గోపాల్‌ వర్మ పంజాగుట్ట పోలీసులను ఆశ్రయించారు. తన ఫోటోను మార్ఫింగ్‌ చేశాడంటూ రచయిత జయ కుమార్‌పై ఆయన ఫిర్యాదు చేశారు. నగ్నంగా ఉన్న మహిళ ఫోటోకు తన తలను అంటించి.. ఆ ఫోటోను జయ కుమార్‌ సోషల్‌ మీడియాలో వైరల్‌ చేస్తున్నాడంటూ వర్మ ఫిర్యాదులో పేర్కొన్నారు. ఈ మేరకు కేసు నమోదు చేసుకున్న పంజాగుట్ట పోలీసులు విచారణ చేపట్టారు. 

అయితే నాగార్జున హీరోగా వర్మ తెరకెక్కించిన ఆఫీసర్‌ తన స్క్రిప్ట్‌ అంటూ జయకుమార్‌ ఆరోపిస్తున్న విషయం తెలిసిందే. ఈ మేరకు తనకు న్యాయం చేయాలంటూ హీరో నాగార్జునను కోరుతూ జయకుమార్‌ ఓ ట్వీట్‌ కూడా చేశాడు. కొన్నాళ్ల క్రితం వర్మ, పోర్న్‌ స్టార్‌ మియా మాల్కోవాతో జీఎస్టీ అనే అడల్ట్‌ చిత్రం తెరకెక్కించగా.. అది కూడా తన కథేనంటూ జయకుమార్‌ ఆరోపించాడు. జయకుమార్‌ సర్కార్‌-3 చిత్రానికి రచనా సహకారం అందించాడు.

Read latest Crime News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా