ఉన్మాది పిన్ని

10 Oct, 2019 07:46 IST|Sakshi
పిన్ని సూర్యకళ, రాఘవి (ఫైల్‌)

భర్త మొదటి భార్య కుమార్తెపై దాష్టీకం

మిద్దెపై నుంచి తోసి చంపిన వైనం

భర్త అబార్షన్‌ హెచ్చరికతో ఉన్మాద ఘాతుకం

సాక్షి, చెన్నై : భర్త మొదటి భార్య బిడ్డను తల్లి స్థానంలో ఉండి ఆలనా పాలనా చూస్తూ వచ్చిన పిన్ని హఠాత్తుగా ఉన్మాది అయింది. తన కడుపున పెరుగుతున్న పిండాన్ని చంపుకోవాలన్న భర్త హెచ్చరికతో కసాయిగా మారింది. తన బిడ్డ కోసం సవతి బిడ్డ అడ్డు తొలగించుకునేందుకు పథకం వేసింది. సవతి వద్దకే ఆ బిడ్డను పంపుతూ మిద్దె మీద నుంచి కిందకు తోసి హతమార్చింది. ఏమీ ఏరుగనట్టు బిడ్డ కనిపించడంలేదని నాటకం ఆడి చివరకు పోలీసులకు అడ్డంగా బుక్కయ్యింది.

చెన్నై శివార్లలోని సెంబాక్కం తిరుమలైనగర్‌లోని ఓ బహుళ అంతస్తుల భవనంలో పార్థిబన్‌ నివాసం ఉంటున్నాడు. ఓ ప్రైవేటు ఐటీ సంస్థలో పార్థిబన్‌ ఇంజినీర్‌. పార్థిబన్‌కు గతంలో శరణ్యతో వివాహం అయింది. ఆమె అనారోగ్యంతో మరణించడంతో కుమార్తె రాఘవి ఆలనా పాలనా చూసుకోవడం పార్థిబన్‌కు కష్టంగా మారింది. చివరకు రెండేళ్ల క్రితం సూర్యకళను వివాహం చేసుకున్నాడు. తొలి నాళ్లలో రాఘవిని తన బిడ్డ వలే ఎంతో ప్రేమగా సూర్య కళ చూసుకుంది. అయితే, ఏడాదిన్నర క్రితం తన కడుపున వియన్‌ జన్మించడంతో రాఘవిని దూరం పెట్టడం మొదలెట్టింది. ఆరేళ్ల రాఘవి మీద ప్రేమ తగ్గినా, ఇరుగు పొరుగు వారు ఏమనుకుంటారో ఏమో అనుకుని ఆ బిడ్డ ఆలనా పాలన చూస్తూనే వచ్చింది. ఈ పరిస్థితుల్లో మంగళవారం ఉదయం ఆఫీసుకు వెళ్లిన కాసేపటికి రాఘవి కనిపించడం లేదంటూ సూర్యకళ నుంచి వచ్చిన ఫోన్‌కాల్‌తో పార్థిబన్‌ ఆందోళనకు గురయ్యాడు.

రక్తి కట్టించిన నాటకం...
భర్త పార్థిబన్‌తో కలిసి బోరున విలపిస్తూ సూర్యకళ బిడ్డ కోసం గాలించింది. ఆ పరిసరాలన్నీ గాలించినా, విచారించినా రాఘవి జాడ కానరాలేదు. చివరకు అపార్ట్‌మెంట్‌ పైకి వెళ్లి చుట్టు పక్కల గాలించగా, ముళ్ల పొదళ్లలో రాఘవి పడి ఉండడంతో ఆందోళనతో అక్కడికి వెళ్లి చూశారు. తలకు తీవ్ర గాయం కావడంతో స్పృహ తప్పి పడి ఉన్న బిడ్డను భుజాన వేసుకుని ఆస్పత్రికి పరుగులు తీశారు. రాఘవికి ఏమైందో అన్న వేదనతో సూర్యకళ కన్నీటి పర్యంతం అవుతుండడం అందర్నీ కలచి వేసింది. అయితే, పాప మరణించి చాలా సేపు అవుతున్నట్టుగా వైద్యులు తేల్చడంతో వ్యవహారం పోలీసుల దృష్టికి చేరింది. సమాచారం అందుకున్న పోలీసులు రంగంలోకి దిగి విచారించగా నాటకం బట్టబయలు అయింది.

విచారణతో వెలుగులోకి ఉన్మాది పిన్ని..
బిడ్డ పడి ఉన్న ప్రదేశం, బహుళ అంతస్తుల భవనంను పోలీసులు క్షుణ్ణంగానే పరిశీలించారు. బిడ్డ ప్రమాదవశాత్తు పడి మరణించి ఉంటుందని సర్వత్రా భావించినా, పోలీసులు సాగించిన పరిశీలన హత్యగా తేలింది. ప్రమాద వశాత్తు కింద పడి ఉన్న పక్షంలో, ఆ భవనానికి కొంత దూరంలో రాఘవి మృతదేహం ఉండాలని, ఎవరో బలవంతంగా తోసి ఉన్న దృష్ట్యా, మరింత దూరంలో పడి ఉన్నట్టుగా పోలీసులు గుర్తించారు. దీంతో కన్నీటి పర్యంతంతో నాటకాన్ని రక్తి కట్టిస్తూ, అందరి హృదయాన్ని ద్రవింప చేస్తూ వచ్చిన సూర్యకళ గుట్టు రట్టు అయింది. ఆమెపై అనుమానంతో పోలీసులు  ఆ ఇంట్లో ఉంచి విచారించారు. పోలీసుల బెదిరింపులో లేదా, తప్పు చేశానన్న పాశ్చాత్తాపమో.. ఏమోగానీ, నేరాన్ని సూర్యకళ అంగీకరించడంతో అక్కడి వారందరూ ఆగ్రహానికి లోనయ్యారు. ఆమెకు చీవాట్లు పెడుతూ, తిట్టి పోశారు. అయితే, తన బిడ్డ కోసం సవతి తల్లి బిడ్డను అడ్డు తొలగించుకోవాల్సి వచ్చినట్టు ఆమె పోలీసులకు వాంగ్మూలం ఇచ్చింది. ఆ మేరకు ఇప్పటికే ఇద్దరు పిల్లలు ఉన్న దృష్ట్యా, మూడో బిడ్డ వద్దంటూ పార్థిబన్‌ సూర్యకళను  కొద్ది రోజులుగా హెచ్చరిస్తూ వచ్చి ఉన్నాడు. తన సంపాదన ప్రస్తుతం చాలడం లేదని, మూడో బిడ్డ వద్దని ఆబార్షన్‌ చేసుకోవాలని ఆమెపై ఒత్తిడి తెచ్చి ఉన్నాడు. తన బిడ్డకు అడ్డుగా రాఘవి ఉండడంతోనే ఆమె తల్లి వద్దకు పంపించేందుకు పథకం వేసి, పై నుంచి కిందకు తొసి ఏమీ ఏరుగనట్టుగా వచ్చి భర్తకు ఫోన్‌ చేశానని, అయితే, తాను పెద్ద తప్పు చేశానంటూ బోరున విలపించినా, కసాయి తనం ఆమెను కటకటాల్లోకి నెట్టింది.

Read latest Crime News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి

Load Comments
Hide Comments
మరిన్ని వార్తలు

లాడ్జిలో యువతీయువకుల ఆత్మహత్య

ప్రియురాలి వివాహాన్ని జీర్ణించుకోలేక..

హత్య పథకం భగ్నం

గుప్త నిధుల పేరుతో మోసం

మృత్యువులోనూ వీడని స్నేహం

‘మామా.. నేను ఆత్మహత్య చేసుకుంటున్నా..’

మైనర్లపై కొనసాగుతున్న లైంగిక దాడులు

జైల్లో ఇవేమిటి?

ప్రీతి మరణానికి కారణం తల్లా ప్రియుడా..?

కారులో యువజంట మృతదేహాలు..

అనంతపురంలో ట్రావెల్‌ బస్సు బోల్తా

అప్పుల బాధతో దంపతుల ఆత్మహత్య

లావుగా ఉన్నావన్నందుకు రెచ్చిపోయాడు!

93 మందితో శృంగారం, ఆ తర్వాత హత్యలు!

దసరా: తల్లిని అన్న తిట్టడంతో ఆవేశానికి లోనై..!

స్నేహితుడి భార్యతో వివాహేతర సంబంధం.. హత్య

ఈఎస్‌ఐ కుంభకోణం: కస్టడీకి నిందితులు

మైనర్‌ కోడలిపై మామ అఘాయిత్యం

రాపిడో డ్రైవర్లపై కస్టమర్ల దాడి కలకలం

150 క్వింటాళ్ల రేషన్‌ బియ్యం సీజ్‌

అఖిలప్రియ భర్తపై మరో కేసు

టిఫిన్‌లో వెంట్రుక వచ్చిందని భార్యకి గుండుకొట్టాడు

శంషాబాద్‌లో భారీగా నకిలీ మద్యం పట్టివేత

మందుల కొను‘గోల్‌మాల్‌’!

రోడ్డు ప్రమాదంలో ఇద్దరు స్నేహితుల మృతి

భార్యను గొడ్డలితో కడతేర్చిన భర్త

రౌడీషీటర్‌ చేతిలో ఒకరు.. భర్త చేతిలో మరొకరు

కారుతో ఢీకొట్టి కిడ్నాప్‌ చేసిన కేసులో వీడిన మిస్టరీ!

సెల్ఫీ పంజా.. నవ వధువుతో సహా..

ఆంధ్రప్రదేశ్
తెలంగాణ
సినిమా

అంతా అసభ‍్యమే: బిగ్‌బాస్‌ షోను నిషేధించండి!

నటుడు శింబుపై నిర్మాత ఫిర్యాదు

బోల్డ్‌ కంటెంట్‌ కథలో భాగమే

ప్రేమతో రంగ్‌ దే

చిరు152షురూ

కొత్త ప్రయాణం