వైఎస్సార్‌సీపీకి ఓటు వేశారని దాడులు

21 Apr, 2019 03:57 IST|Sakshi
ప్రభుత్వాస్పత్రిలో చికిత్స పొందుతున్న చేవూరి మేరి, ఈగ శివపార్వతి

గుంటూరు జిల్లాలో టీడీపీ నేతల దాష్టీకం

జంగమహేశ్వరపురంలో ఒంటరి మహిళలపై విచక్షణారహితంగా దాడి

మిట్టగుడిపాడులో వైఎస్సార్‌సీపీ కార్యకర్తను కాళ్లతో తన్నిన వైనం

మహిళలు పోలీసుస్టేషన్‌కి వెళితే నిందితులకు వంతపాడిన పోలీసులు

రూ. 1,500 తీసుకొని వెళ్లిపోవాలని హెచ్చరిక

బాధితులకు అండగా నిలబడిన స్థానిక వైఎస్సార్‌సీపీ నేతలు

ఎట్టకేలకు కేసు నమోదు చేసిన పోలీసులు  

జంగమహేశ్వరపురం(గురజాల రూరల్‌)/రెంటచింతల(మాచర్ల): వైఎస్సార్‌సీపీకి ఓటు వేశారనే అక్కసుతో గుంటూరు జిల్లాలో టీడీపీ నేతలు రెచ్చిపోయారు. వితంతు, ఒంటరి మహిళలపై, వైఎస్సార్‌సీపీ కార్యకర్తపై భౌతిక దాడులు చేశారు. బాధితుల కథనం మేరకు.. గురజాల మండలంలోని జంగమహేశ్వరపురం గ్రామం ఎస్టీ కాలనీలో ఒంటరి మహిళలైన చేకూరి మేరీ, ఈగ శివపార్వతి వ్యవసాయ కూలి పనులు చేసుకుంటూ జీవిస్తున్నారు. వైఎస్సార్‌సీపీ ప్రకటించిన నవరత్నాలకు ఆకర్షితులయ్యారు. ఇటీవల కాలంలో వైఎస్‌ జగన్‌ పిడుగురాళ్లలో నిర్వహించిన ప్రచార సభకు ఎస్టీ కాలనీ నుంచి పెద్ద ఎత్తున తరలివెళ్లారు. వారితోపాటు మేరి, శివపార్వతి కూడా వెళ్లారు. సార్వత్రిక ఎన్నికల్లో వైఎస్సార్‌సీపీకి ఓటు వేశారు.

ఈ నేపథ్యంలో వారిపై కోపం పెంచుకున్న టీడీపీ వర్గీయులు నాగలక్ష్మి, వెంకటమ్మ, పెద్దిరాజు, సత్యనారాయణ, శివ తదితరులు శుక్రవారం రాత్రి మేరి, శివపార్వతిలను కులం పేరుతో రాయలేని విధంగా దూషించి కర్రలతో, రాళ్లతో, చేతులతో దాడిచేసి ముఖంపై, చేతులపై గాయపర్చారు. న్యాయం కోసం పోలీస్‌స్టేషన్‌ మెట్లెక్కితే పోలీసులు టీడీపీ నేతలకు వంతపాడారు. ‘రాజీచేస్తాం.. కేసు లేకుండా రూ. 1,500 తీసుకొని ఆస్పత్రికి వెళ్లండ’ని హెచ్చరించారు. దీంతో చేసేదిలేక మహిళలు ఇంటికి వెళ్లిపోయారు. విషయం తెలుసుకున్న స్థానిక వైఎస్సార్‌సీపీ నేతలు మహిళలకు అండగా నిలబడడంతో నిందితులపై పోలీసులు కేసు నమోదు చేశారు. డీఎస్‌పీ శ్రీహరిబాబు కేసు దర్యాప్తు చేస్తున్నారని ఇన్‌చార్జి ఎస్‌హెచ్‌ఓ వాసు తెలిపారు. ఉన్నతాధికారులు స్పందించి న్యాయం చేయాలని బాధితులు వేడుకుంటున్నారు. 

కాళ్లతో తన్నిన టీడీపీ నేతలు.. 
రెంటచింతల మండలం మిట్టగుడిపాడు గ్రామానికి చెందిన వైఎస్సార్‌ సీపీ కార్యకర్త మంచి లక్ష్మీనారాయణపై అదే గ్రామానికి చెందిన టీడీపీ నాయకులు శనివారం దాడి చేశారు. పోలీసులు కథనం ప్రకారం.. పొలం వెళ్లి ఇంటికి వస్తున్న లక్ష్మీనారాయణను గ్రామంలోని గంగమ్మ గుడి వద్ద టీడీపీ మండల అధ్యక్షుడు చపారపు అబ్బిరెడ్డి, నాయకులు చపారపు అంకిరెడ్డి, గొట్టం అచ్చిరెడ్డి అడ్డగించారు. ఇటీవల జరిగిన సార్వత్రిక ఎన్నికల్లో తమ పార్టీకి ఓటు వేయలేదని దూషిస్తూ కొట్టారు. అనారోగ్యానికి గురైన తాను పది రోజులుగా ఇంటిలోనే ఉన్నానని, ఈ రోజే బయటకు రాగా టీడీపీ నాయకులు ముగ్గురు కలిసి కాళ్లతో తన్నారంటూ లక్ష్మీనారాయణ వాపోయారు. ఈ మేరకు స్థానిక పోలీసు స్టేషన్‌లో ఫిర్యాదు చేశారు. టీడీపీ నాయకుల దౌర్జన్యాన్ని మాచర్ల ఎమ్మెల్యే పిన్నెల్లి రామకృష్ణారెడ్డి తీవ్రంగా ఖండించారు. త్వరలోనే ఈ రాక్షస పాలనకు తెరపడుతుందన్నారు. ప్రతి కార్యకర్తకు అండగా ఉంటానని హామీ ఇచ్చారు.

Read latest Crime News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

భర్త వ్యాధులు నయం చేస్తానని మహిళపై..

దారుణం: 24 మంది సజీవ దహనం

డ్రైవర్‌ నిద్రమత్తు.. 9 మంది దుర్మరణం..!

ఆ ఏడాది దాదాపు 2000 రేప్‌లు...!

మద్యం మత్తులో తాళం పగులగొట్టి ఆత్మహత్య

పని చేస్తున్న సంస్థకే కన్నం

మృత్యువులోనూ వీడని బంధం

మాటలు కలిపాడు..మట్టుపెట్టాడు

కులం పేరుతో దూషించినందుకు ఐదేళ్ల జైలు

పని చేస్తున్నసంస్థకే కన్నం

నీళ్లనుకుని లైజాల్‌ తాగి...

సర్వే అంటూ ఇంటి తలుపుతట్టి..

‘శరవణ’ రాజగోపాల్ కన్నుమూత

అల్లుడిని చంపిన మామ

వజ్రాల వాటాలో గొడవ.. అందుకే చంపేశాం

నీళ్ల కోసం ఇంత దారుణమా!

డ్రైయినేజీలో ఆలయ హుండీలు!

వైద్యం అందక చిన్నారి మృతి

బాబాయిపై అబ్బాయి బండరాయితో దాడి!

సినీ నటి డాటా చోరీ

ఒకరి వెంట ఒకరు..

ఆ బస్సు ఎక్కితే అంతే సంగతులు..!

అమ్మ ఊరెళ్లిందని చెప్పడంతో..

ఆర్థిక హత్య.. ఆపై క్షుద్ర డ్రామా!

ఐదేళ్ల కుమారుడిని హత్య చేసిన తల్లి

కిలాడీ ‘యాప్‌’తో జర జాగ్రత్త!

కూలి పనులకు వచ్చి కానరాని లోకాలకు..

చికెన్‌ పకోడా అడిగిందని.. చిన్నారి హత్య

హత్యాయత్నానికి దారి తీసిన విగ్రహ తయారీ

టైర్‌ పేలి లారీని ఢీకొన్న ఇన్నోవాకారు

ఆంధ్రప్రదేశ్
తెలంగాణ
సినిమా

ఎక్కడైనా ఒకేలా ఉంటా

అడ్డంకులు మాయం!

కుశాలీ ఖుషీ

నిశ్శబ్దాన్ని విందాం

నేనంటే భయానికి భయం

సినిమాలో చేసినవి నిజంగా చేస్తామా?