ఇండోనేషియాలో భూకంపం..10 మంది మృతి

29 Jul, 2018 08:48 IST|Sakshi
భూకంపం ధాటికి ధ్వంసమైన ఇల్లు

జకార్తా : ఇండోనేషియాలోని లోమ్‌బాక్‌ దీవిలో ఆదివారం ఉదయం భూకంపం సంభవించింది. ఈ సంఘటనలో పది మంది చనిపోగా, సుమారు 33 మంది గాయపడ్డారు. భూకంప తీవ్రత రిక్టర్‌ స్కేల్‌పై 6.4 గా నమోదైంది. భూకంపం ధాటికి పలు ఇళ్లు దెబ్బతిన్నాయి. భూకంప కేంద్రం భూ ఉపరితలం నుంచి 7 కిలోమీటర్ల లోపల ఉన్నట్లు గుర్తించారు. అధికారులు ఎలాంటి సునామీ హెచ్చరికలు జారీ చేయలేదు. సుమారు 40 సార్లు భూ ప్రకంపనలు నమోదైనట్లు స్థానిక అధికారులు వెల్లడించారు.

పెద్ద ఆపద ఏదో సంభవించబోతుందని ముందే భావించామని భూకంప కేంద్రానికి సమీపంలో నివసిస్తున్న ఓ వ్యక్తి తెలిపారు. భూకంప తీవ్రత ఎక్కవగా ఉండటంతో తమ ఇంట్లో ఉన్నవాళ్లంతా భయంతో బయటికి పరుగులు పెట్టారని జుల్‌కిఫ్లి అనే స్థానికుడు పేర్కొన్నాడు. ఇండోనేషియా దేశం చిన్న చిన్న దీవుల సమూహం. ఈ దేశం పసిఫిక్‌ రింగ్‌ ఆఫ్‌ పైర్‌ అనే భూఫలకాల మీద ఉంది. వీటిని భూకంపాన్ని సూచించే హాట్‌స్పాట్స్‌ అని పిలుస్తారు.

Read latest Crime News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా