ముగ్గురు నైజీరియన్ల ఘరానా మోసం!

13 Oct, 2019 05:06 IST|Sakshi
పోలీసుల అదుపులో నిందితులు హీదర్‌  విలియమ్స్, దియోంగ్యూ, ముసా, హాలిటో

విదేశాల్లో ఉద్యోగాల పేరిట లక్షల్లో కుచ్చుటోపీ

ముగ్గురు నైజీరియన్ల ఘరానా మోసం

ఉద్యోగార్థులే లక్ష్యంగా ఎర

ఢిల్లీలో నిందితులను పట్టుకున్న సైబర్‌క్రైమ్‌ పోలీసులు

సాక్షి, హైదరాబాద్‌: విదేశాల్లో మంచి ఉద్యోగాలు ఇప్పిస్తామని లక్షలు కొల్లగొడుతున్న ఓ ముగ్గురు నైజీరియన్లతో పాటు నాగాలాండ్‌ మహిళను సైబరాబాద్‌ సైబర్‌ క్రైమ్‌ పోలీసులు పట్టుకున్నారు. నైజీరియన్లు దియోంగ్యూ మహమ్మద్, ముసా హలిమాట్, ఎన్‌డౌర్‌ అలియోనితో పాటు నాగాలాండ్‌కు చెందిన హలిటో జిమోమీని న్యూఢిల్లీ నుంచి ట్రాన్సిట్‌ వారంట్‌పై శనివారం హైదరాబాద్‌కు తీసుకొచ్చారు. కేసు వివరాలను క్రైమ్స్‌ డీసీపీ రోహిణి ప్రియదర్శిని, సైబర్‌ క్రైమ్‌ ఏసీపీ శ్రీనివాస్‌ కుమార్‌లతో కలసి సీపీ సజ్జనార్‌ వెల్లడించారు.

నేరగాళ్ల పాత్రలిలా.. 
న్వోసు డొనాల్డ్‌ ప్రాస్పర్‌ అలియాస్‌ దియోంగ్యూ మహమ్మద్‌ అలియాస్‌ హీదర్‌ విలియమ్స్‌గా చలామణి అవుతున్నాడు. నైజీరియాకు చెందిన న్వోసు డొనాల్డ్‌ ప్రాస్పర్‌ పేరును దియోంగ్యూ మహమ్మద్‌గా మార్చుకొని సింగపూర్‌ పాస్‌పోర్టుపై 2018 మార్చిలో టూరిస్ట్‌ వీసాపై భారత్‌కు వచ్చాడు. విదేశాల్లో ఉద్యోగాల కోసం అన్వేషిస్తున్న వారి జాబితాను సేకరించి విదేశాల్లో ఉద్యోగాలు ఇప్పిస్తానంటూ మెయిల్స్‌ పంపేవాడు. ముసా హలిమాట్‌ అలియాస్‌ మిస్‌ హీదర్‌ విలియమ్స్‌ దియోంగ్యూ ప్రియురాలు. మెడికల్‌ వీసాపై 2016లో భారత్‌కు వచ్చింది.

ఉద్యోగార్థులతో మాట్లాడుతూ వారిని ముగ్గులోకి లాగడం ఈమె పని. ఎన్‌డౌర్‌ అలి యోని అలిమాస్‌ బెనిడిక్ట్‌ ఎనబులిలి అలియాస్‌ మిస్టర్‌ రాబర్ట్‌ సెనగల్‌ పాస్‌పోర్టుపై 2018 సెప్టెంబర్‌లో టూరిస్ట్‌ వీసాపై భారత్‌కు వచ్చాడు. వివిధ కంపెనీల నకిలీ ఈ–మెయిల్‌ ఐడీలు సృష్టించడంలో దిట్ట. నాగాలాండ్‌కు చెందిన హలిటో జిమోమి అలియాస్‌ అకిత కుమారి 2019లో నైజీరియాకు చెందిన ఫ్రాన్సిస్‌ అగాహోన్‌ను పెళ్లాడింది. అకిత కుమారి పేరుతో మాట్లాడుతూ బ్యాంకు ఖాతాల్లో డబ్బులు జమ చేసేలా చేస్తుంది. పెటోసైల్‌ ఉఘా, శామ్సన్‌ విలియమ్‌లు కూడా దియోంగ్యూకు సహకరించేవారు.

గుట్టు రట్టయిందిలా.. 
కూకట్‌పల్లికి చెందిన వి.రాజన్‌బాబు భారత ప్రభుత్వ అటామిక్‌ ఎనర్జీ విభాగంలో స్వచ్ఛంద పదవీ విరమణ చేశారు. గత మూడేళ్లుగా ఒడిశాలోని పట్నాయక్‌ స్టీల్స్‌లో సీఈవోగా పనిచేస్తున్నారు. అక్కడ ఏడాదికి రూ.45 లక్షలు జీతం తీసుకుంటున్నారు. ఎక్కువ జీతం వచ్చే జాబ్‌ కోసం రాజన్‌ చేస్తున్న ప్రయత్నాలను నైజీరియన్‌ బ్యాచ్‌ గుర్తించింది. లాస్‌ఏంజెలిస్‌లోని కాలిఫోర్నియా రొగల్‌ హోటల్‌ అండ్‌ అపార్ట్‌మెంట్స్‌ సీఈవో అంటూ హీదర్‌ విలియమ్స్‌ రాజన్‌కు ఫోన్‌ చేశాడు. ఏడాదికి కోటిన్నర ఇస్తామని చెప్పారు. బోస్టన్‌ నుంచి ఢిల్లీలోని బ్రిటిష్‌ కాన్సులేట్‌కు వస్తున్నానని రాజన్‌ను నమ్మించారు. హీదర్‌ విలియమ్స్‌ 12 నెలల అడ్వాన్స్‌ శాలరీ 1.75 లక్షల డాలర్ల డీడీతో వచ్చిందని, ఇది విడుదల చేయాలంటే రూ.55 వేలు చెల్లించాలని అకిత కుమారి మాట్లాడింది.

మళ్లీ ఫోన్‌ చేసి రూ.2.55 లక్షలు చెల్లించాలని అడగడంతో మళ్లీ అంత మొత్తాన్ని జమ చేశారు. ఆ వెంటనే హీదర్‌ విలియమ్స్‌ ఫోన్‌ చేసి మరో రూ.10 లక్షలు ఇవ్వాలంటూ అడగడంతో మళ్లీ ఖాతాలో వేశాడు. ఇలా పలు దఫాలుగా రూ.47 లక్షలు బ్యాంకు ఖాతాల్లో జమ చేశాడు. వారం అయినా నిందితుల నుంచి స్పందన లేకపోవడంతో మోసపోయానని తెలుసుకొని సైబరాబాద్‌ సైబర్‌క్రైమ్‌ పోలీసులను ఆగస్టు 29న ఆశ్రయించాడు. ఈ మేరకు కేసు నమోదుచేసుకున్న పోలీసులు కేసు ఛేదించారు. నిందితుల నుంచి 21 సెల్‌ఫోన్లు, నాలుగు పాస్‌పోర్టులు, ల్యాప్‌టాప్, పెన్‌డ్రైవ్, డెబిట్‌కార్డులు, విదేశీ సిమ్‌కార్డులు స్వాధీనం చేసుకున్నారు. కేసు ఛేదించడంలో కీలకపాత్ర పోషిం చిన ఇన్‌స్పెక్టర్లు కె.శ్రీనివాస్, సీహెచ్‌ రామయ్య, ఎస్‌ఐలు విజయ్‌ వర్ధన్, రాజేంద్రను సీపీ సజ్జనార్‌ సత్కరించారు.

Read latest Crime News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి

Load Comments
Hide Comments
మరిన్ని వార్తలు

చిన్న గొడవ.. ప్రాణం తీసింది

నీటికుంటలో పడి చిన్నారి మృతి

పిల్లలకు కూల్‌డ్రింక్‌లో విషమిచ్చి.. ఆపై తండ్రి కూడా

గంజాయి అక్రమ రవాణాకు అడ్డుకట్ట

పబ్‌జీ ఎఫెక్ట్‌.. ఇంటర్‌ విద్యార్థి కిడ్నాప్‌ డ్రామా

మాజీ ఉప ముఖ్యమంత్రి పీఏ ఆత్మహత్య

స్టేషన్‌ ఎదుటే మహిళను కొట్టి చంపారు

మసీదులో కాల్పులు..

‘లలితా’ నగలు స్వాధీనం

ఆర్టీసీ కార్మికుడి ఆత్మహత్యాయత్నం

ఓ చేతిలో పాము.. మరో చేతిలో కత్తి..

వితంతువు పెళ్లికి ఒప్పుకోలేదని ఆమె ముందే..

పోలీసులకు సీరియల్‌ కిల్లర్‌ సవాల్‌..!

మాజీ డిప్యూటీ సీఎం పీఏ ఆత్మహత్య

 ఖైదీతో కామవాంఛ నేరమే!

మోదీ సోదరుని కుమార్తెకు చేదు అనుభవం

వేధింపులపై వారే సీఎంకు లేఖ రాశారు

ఏసీబీకి పట్టుబడ్డ డ్రగ్ ఇన్స్‌పెక్టర్‌

ఊర్లో దొరలు.. బయట దొంగలు

ఓ పోలీస్‌ కానిస్టేబుల్‌ అనుమానంతో..

చోరీ సొమ్ముతో చోరులకు ఫైనాన్స్‌!

మృతదేహాన్ని వెలికితీసి అక్కడే పోస్టుమార్టం

ఏటీఎం దగ్గర కి‘లేడీ’ల చేతివాటం..

ప్రేమ పేరుతో విద్యార్థినిని మోసం చేసిన అధ్యాపకుడు

బ్యాంకు అప్రయిజరే అసలు దొంగ

నిశా'చోరులు': ఆలయాలే టార్గెట్‌

కొంపముంచిన ఫేస్‌బుక్‌ వీడియో.. నటిపై కేసు

కన్ను పడిందంటే కారు మాయం

యువతిని మోసగించినందుకు ఏడేళ్ల జైలు

ఆంధ్రప్రదేశ్
తెలంగాణ
సినిమా

అప్పుడు ప్రపంచాన్నే మర్చిపోతా..!

మళ్లీ మళ్లీ చూస్తారు

అలా పెళ్లి చేసుకోవాలని ఉంది

మంచి మలుపు అవుతుంది

ఆటో రజినికి ఆశీస్సులు

రాజుగారి గది 10 కూడా ఉండొచ్చు