ఆడపిల్ల పుట్టిందని అమ్మేశాడు!

1 Mar, 2018 01:28 IST|Sakshi
మొదటి కూతురుతో హస్లీబాయి

రూ.15 వేలకు రెండు నెలల చిన్నారి విక్రయం 

పోలీసులను ఆశ్రయించిన తల్లి

షాద్‌నగర్‌ రూరల్‌: ఆడపిల్లల భవిష్యత్‌కు ప్రభుత్వాలు ఎంత భరోసా కల్పిస్తున్నా ప్రజల్లో మార్పు రావడం లేదు. కొందరు ఆడపిల్ల పుట్టిందని తెలియగానే అమ్మేస్తున్నారు. ఆర్థిక పరిస్థితులు బాగాలేకపోవడంతో ఆడపిల్ల పోషణ భారమవుతుందని భావించిన ఓ తండ్రి రెండు నెలల పసికందును ఇలానే అమ్మేశాడు. ఘటన రంగారెడ్డి జిల్లా చౌలపల్లి గ్రామ పంచాయతీ పరిధిలోని మేకంగుట్ట తండాలో ఆలస్యంగా వెలుగు చూసింది.

వికారాబాద్‌ జిల్లా కుల్కచర్ల మండలం గుడ్డి రుక్యాతండాకు చెందిన హస్లీబాయికి రెండేళ్ల క్రితం మేకంగుట్ట తండాకు చెందిన కుమార్‌తో వివాహం జరిగింది. వీరికి ఇద్దరు సంతానం. మొదటి కాన్పులో హస్లీబాయి ఆడపిల్లకు జన్మనిచ్చింది. రెండు నెలల క్రితం మరో కాన్పులో మళ్లీ ఆడపిల్ల పుట్టింది. మొదటిసారి ఆడపిల్ల జన్మించినప్పటి నుంచి కుమార్‌ భార్యతో తరచూ గొడవపడుతూనే ఉన్నాడు. రెండవ కాన్పులో కూడా ఆడపిల్ల పుట్టడంతో మరింత ఘర్షణ పడటం ప్రారంభించాడు. రెండో ఆడపిల్ల మనకు వద్దని, అమ్మేద్దామని భార్యను వేధించసాగాడు. రెండు నెలల పసికందును కుమార్‌ వదిలించుకునేందుకు యత్నించాడు. మానవత్వాన్ని మరిచి కన్నకూతురిని అంగట్లో అమ్మకానికి పెట్టాడు. హైదరాబాద్‌కు చెందిన వారికి రూ.15 వేలకు అమ్మేశాడు. పసిపాపను ఏం చేశావని హస్లీ ప్రశ్నిస్తే చంపుతానని బెదిరించాడు.  

పోలీసులను ఆశ్రయించడంతో.. 
కుమార్‌కు హస్లీ కంటే ముందే ఫరూఖ్‌ నగర్‌ మండలం వెలిజర్ల పరిధిలోని వెంకన్నగూడ తండాకు చెందిన బుజ్జితో వివాహమైంది. వీరికి ఇద్దరు కూతుళ్లు, కుమారుడు. కుటుంబ కలహాల నేపథ్యంలో బుజ్జి కొన్నేళ్ల నుంచి కుమార్‌కు దూరంగా ఉంటోంది. తర్వాత హస్లీబాయిని రెండవ వివాహం చేసుకున్నాడు. కాగా తనను బెదిరించి రెండు నెలల పసికందును తన భర్త అమ్మేశాడని హస్లీబాయి షాద్‌నగర్‌ పోలీసులను ఆశ్రయించింది. తన ప్రమేయం లేకుండా చిన్నారిని అమ్మేశాడని, తన బిడ్డను ఇప్పించాలని పోలీసులను వేడుకుంది. దీనిపై దర్యాప్తు చేపడుతున్నట్లు పోలీసులు తెలిపారు.

Read latest Crime News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

ఫ్రెండ్స్‌తో పార్టీ.. రూ. 5 వేల కోసం..

ఆస్తి వివాదం : 9 మంది మృతి

సీబీఐ వలలో ఎక్సైజ్‌ అధికారి

సెల్ఫీ వీడియో; నాకు చావే దిక్కు..!

అమీర్‌పేటలో బాంబు కలకలం

దాచాలంటే దాగదులే!

వేర్వేరు చోట్ల ఐదుగురు ఆత్మహత్య

హత్య చేసి పోలీసులకు ఫిర్యాదు చేశాడు

ప్రేమ పెళ్లి చేసుకొన్న ఆటోడ్రైవర్‌ ఆత్మహత్య!

బస్సులో మహిళ చేతివాటం! ఏకంగా కండక్టర్‌కే..

పెళ్లైన 24 గంటలకే విడాకులు

అత్తింటి ఆరళ్లు! అన్నను ఎందుకు రానిచ్చవంటూ...

ఖాకీ వేషంలో ఉన్న దొంగల అరెస్టు

నగ్నంగా ఉంటే నయమవుతుంది!

నెత్తురోడిన రహదారులు

ఆ రెండు కమిషనరేట్లలో 1000 మంది రౌడీ షీటర్లు!

తప్పతాగి.. పోలీసుపై మహిళ వీరంగం!

చివరిసారిగా సెల్ఫీ..

పెళ్లి పేరుతో మోసం నటుడి అరెస్ట్‌

సినీ నటితో అసభ్య ప్రవర్తన

మోసం.. ఆపై ఆత్మహత్యాయత్నం.!

14 ఏళ్ల బాలికను వేధించిన 74 ఏళ్ల వృద్ధ మృగాడు!

కుమార్తె వద్దకు వెళ్లి తిరిగి వస్తూ..

రాజాంలో దొంగల హల్‌చల్‌

నన్ను ప్రేమించలేదు..అందుకే చంపేశాను

ఫేస్‌బుక్‌ రిలేషన్‌; వివాహితపై అత్యాచారం

రాంప్రసాద్‌ హత్య కేసులో మరో నలుగురు రిమాండ్‌ 

ఉద్యోగాల పేరుతో మోసపోయిన విద్యార్థినిలు

హత్య చేసి.. శవంపై అత్యాచారం

విడాకులు కోరినందుకు భార్యను...

ఆంధ్రప్రదేశ్
తెలంగాణ
సినిమా

హైకోర్టులో ‘బిగ్‌బాస్‌’ కి ఊరట

‘చెట్ల వెంట తిరుగుతూ డాన్స్‌ చేయలేను’

కండలవీరుడికి కబీర్‌ సింగ్‌ షాక్‌

గుర్తుపట్టారా... తనెప్పటికీ బ్యూటీక్వీనే!

తమన్నా ప్లేస్‌లో అవికానా!

‘పూరి ముఖంలో సక్సెస్‌ కనిపించింది’