ప్రేమను తప్పు పడతారని... ప్రాణాలు తీసుకున్నారు

30 Sep, 2018 22:48 IST|Sakshi
విద్యార్థులు ఆత్మహత్యకు పాల్పడిన స్థలం, మహేందర్‌ (ఫైల్‌) రవితేజ (ఫైల్‌)

జగిత్యాల క్రైం : వాళ్లిద్దరూ పదో తరగతి విద్యార్థులు.. ఒకే స్కూల్‌లో చదువుతున్నారు... ఒకరికి తెలియకుండా ఒకరు వారి స్కూల్లోనే చదివే ఓ అమ్మాయిని ప్రేమించారు. కానీ.. విషయాన్ని ఆ అమ్మాయికి చెప్పలేకపోయారు. చెబితే ఎక్కడ కాదంటుందోనని పెదవి దాటనీయలేదు. తమ ప్రేమ వ్యవహారాన్ని పెద్దలు ఎక్కడ తప్పుబడతారోనని.. ఎక్కడ కాదంటారోనని... ఎవరికివారే మానసిక ఆవేదనకు గుర య్యారు. ఇటీవలే తాము ప్రేమించింది ఒకే అమ్మా యిని అని తెలుసుకున్నారు. అమ్మాయి లేకుండా ఉండలేమని భావించారు. చదివే వయసులో ప్రేమేంటని స్కూల్‌ యాజమాన్యం ప్రశ్నిస్తుందనుకున్నారో.. లేక పెద్దలు కొడతారని భయపడ్డారో... తెలియదు కానీ, ప్రేమించిన అమ్మాయి కోసం ప్రాణాలిద్దామని నిర్ణయించుకున్నారు. ఆదివారం సెలవు దినం కావడంతో మధ్యాహ్నం నుంచి కలసి తిరిగిన ఇద్దరూ రాత్రి 7 గంటలకు ఓ నిర్మానుష్య ప్రాంతంలో మద్యం సేవించారు. మైకం వచ్చిన తర్వాత మద్యంతోపాటు వెంట తెచ్చుకున్న పెట్రోల్‌ను ఒంటిపై పోసుకుని నిప్పంటించుకున్నారు. వీరిలో ఓ విద్యార్థి అక్కడికక్కడే మృతిచెందగా.. మరో విద్యార్థిని కరీంనగర్‌ జిల్లా ఆస్పత్రికి తరలించారు. వైద్యులు చికిత్స అందించేలోపే అతనూ చనిపోయాడు. జగిత్యాల జిల్లా కేంద్రంలో రాత్రి జరిగిన ఈ ఘటన కలకలం సృష్టించింది. 

ఘటనా స్థలంలో ఒకరు.. ఆస్పత్రిలో మరొకరు.. 
జగిత్యాల పట్టణం విజయపురికాలనీకి చెందిన కూసరి రవి, లత దంపతులకు ఇద్దరు కుమారులు. చిన్న కుమారుడు మహేందర్‌ (15) విద్యానగర్‌లోని ఓ ప్రైవేటు స్కూల్‌లో పదో తరగతి చదువుతున్నాడు. విద్యానగర్‌కు చెందిన బంటు శ్యామల కుమారుడు రవితేజ (15) అదే స్కూల్‌లో పదో తరగతి చదువుతున్నాడు. ఇద్దరూ ఆదివారం రాత్రి 7 గంటల ప్రాంతంలో పట్టణంలోని మిషన్‌ కాంపౌండ్‌ ప్రాంతంలోని నిర్మానుష్య ప్రదేశానికి వెళ్లి మద్యం సేవించారు. అక్కడే పెట్రోల్‌ పోసుకుని నిప్పంటించుకున్నారు. బాధ తట్టుకోలేక అరుపులు.. కేకలు వేయడంతో స్థానికులు అక్కడికి చేరుకుని మంటలను ఆర్పే ప్రయత్నం చేశారు. ఈ క్రమంలో పూర్తిగా కాలిపోయిన మహేందర్‌ అక్కడికక్కడే మృతిచెందాడు. 85శాతం కాలిన గాయాలతో ఉన్న రవితేజను స్థానికులు జగిత్యాల ప్రభుత్వ ఆస్పత్రిలో చేర్పించారు. పరిస్థితి విషమంగా ఉండటంతో.. వైద్యుల సూచన మేరకు మెరుగైన చికిత్స నిమిత్తం కరీంనగర్‌ జిల్లా ప్రభుత్వాస్పత్రికి తరలించారు. అక్కడ చికిత్స పొందుతూ చనిపోయాడు.  

ప్రేమ వ్యవహారమే కారణమా?... 
ఇద్దరు యువకుల ఆత్మహత్యాయత్నం విషయం తెలుసుకున్న జగిత్యాల పట్టణ సీఐ ప్రకాశ్‌ సంఘటన స్థలానికి చేరుకుని విచారణ చేపట్టారు. అక్కడ ఓ సెల్‌ఫోన్‌ను స్వాధీనం చేసుకున్నారు. ఆత్మహత్యకు ప్రేమ వ్యవహారమే కారణమా?.. లేక ఇంకేమైనా ఉందా?.. అనే కోణంలో విచారణ చేస్తున్నట్లు ‘సాక్షి’కి తెలిపారు. జగిత్యాల ప్రభుత్వ ఆస్పత్రికి తాజా మాజీ ఎమ్మెల్యే జీవన్‌రెడ్డితోపాటు టీఆర్‌ఎస్‌ పార్టీ నియోజకవర్గ ఇన్‌చార్జి సంజయ్‌కుమార్‌ చేరుకుని కుటుంబ సభ్యులను పరామర్శించారు. 

పెద్దమ్మే పెంచుతోంది..! 
రవితేజతోపాటు అతడి తల్లి శ్యామలను తండ్రి చిన్నప్పుడే వదిలిపెట్టి ఎక్కడికో వెళ్లిపోయాడు. దీంతో రవితేజ.. పెద్దమ్మ, పెద్దనాన్న వద్దే ఉంటూ చదువుకుంటున్నాడు. పెద్దనాన్న సుధాకర్‌ ఏఎస్‌ఐగా ఉద్యోగ విరమణ పొందారు. కొడుకే తన ప్రపంచం అని భావించి అతని కోసమే బతుకుతున్న శ్యామల.. రవితేజ పాల్పడిన అఘాయిత్యంతో తేరుకోలేని స్థితికి చేరుకుంది. అలాగే.. వ్యవసాయ కుటుంబానికి చెందిన మహేందర్‌ ఆత్మహత్యకు పాల్పడటంతో అతని తల్లిదండ్రులు రవి, లత కన్నీరుమున్నీరవుతున్నారు. 

ఒకే అమ్మాయిని ప్రేమించాం: రవితేజ 
అంతకుముందు తీవ్రంగా గాయపడిన రవితేజ జగిత్యాల ప్రభుత్వాస్పత్రిలో మీడియాతో మాట్లాడాడు. ‘నేనూ.. మహేందర్‌ ఇద్దరం మా స్కూళ్లో చదివే ఒకే అమ్మాయిని ప్రేమించాం. ప్రేమిస్తున్నట్లు ఆమెకు చెప్పలేకపోయాం. పెద్దలు కూడా నిరాకరిస్తారనే భయంతో ఇద్దరం కలిసి చనిపోవాలని నిర్ణయించుకున్నం. పెట్రోల్‌ పోసుకుని నిప్పంటించుకున్నం’అని చెప్పాడు.  

Read latest Crime News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

నమ్మించాడు..  ఉడాయించాడు!

చంద్రబాబు, లోకేశ్‌ ఫొటోలతో కుచ్చుటోపీ!

విదేశీ ఖైదీ హల్‌చల్‌

భార్య ప్రియునిపై పగ; తొమ్మిదిమందికి షాక్‌..!

ప్రియుడు మోసం చేశాడని..బాలిక ఆత్మహత్య

అయ్యో! రూ.2 వేల కోసం విషా(వా)దం

సెల్ఫీ వీడియో తీసి బీటెక్‌ విద్యార్థి బలవన్మరణం

క్యాషియర్‌పై దాడి చేసిన దొంగలు దొరికారు

ట్రిపుల్‌ రైడింగ్‌.. ట్రాఫిక్‌ కానిస్టేబుల్‌పై దాడి..!

బెట్టింగ్ చేసినందుకు ఐదుగురు అరెస్టు

డైరెక్టర్‌ రాజమౌళి.. యాక్టర్‌ లాయర్‌

మొబైల్‌ నెంబర్‌ మారుస్తున్నారా ! ఐతే జాగ్రత్త

ఘోర రోడ్డు ప్రమాదం : బాలనటుడు దుర్మరణం 

నా భర్త యువతులను మోసం చేస్తున్నాడు అరెస్టు చేయండి..

32 ట్రాక్టర్లు.. 200 మంది

భర్త వ్యాధులు నయం చేస్తానని మహిళపై..

దారుణం: 24 మంది సజీవ దహనం

డ్రైవర్‌ నిద్రమత్తు.. 9 మంది దుర్మరణం..!

ఆ ఏడాది దాదాపు 2000 రేప్‌లు...!

మద్యం మత్తులో తాళం పగులగొట్టి ఆత్మహత్య

పని చేస్తున్న సంస్థకే కన్నం

మృత్యువులోనూ వీడని బంధం

మాటలు కలిపాడు..మట్టుపెట్టాడు

కులం పేరుతో దూషించినందుకు ఐదేళ్ల జైలు

పని చేస్తున్నసంస్థకే కన్నం

నీళ్లనుకుని లైజాల్‌ తాగి...

సర్వే అంటూ ఇంటి తలుపుతట్టి..

‘శరవణ’ రాజగోపాల్ కన్నుమూత

అల్లుడిని చంపిన మామ

వజ్రాల వాటాలో గొడవ.. అందుకే చంపేశాం

ఆంధ్రప్రదేశ్
తెలంగాణ
సినిమా

ఘోర రోడ్డు ప్రమాదం : బాలనటుడు దుర్మరణం 

గర్భంతో ఉన్న చిత్రాలను విడుదల చేసిన శ్రుతి

నాన్నకు ప్రేమతో మిస్సయ్యాను

ఎక్కడైనా ఒకేలా ఉంటా

అడ్డంకులు మాయం!

కుశాలీ ఖుషీ