విషాదం: యువతి దుర్మరణం 

17 Dec, 2019 09:12 IST|Sakshi

ముంబై: కదులుతున్న రైలులో నుంచి పడి ఓ ఉద్యోగిని మరణించింది. ఈ విషాదకర ఘటన మహారాష్ట్రలో సోమవారం చోటుచేసుకుంది. మృతురాలిని చార్మీ ప్రసాద్‌గా పోలీసులు గుర్తించారు. ఘటనపై కేసు నమోదు చేసి దర్యాప్తు చేస్తున్నట్లు వెల్లడించారు. వివరాలు... నగరానికి చెందిన చార్మీ ప్రసాద్‌(22) ఓ ప్రైవేటు సంస్థలో పనిచేస్తున్నారు. ఇందులో భాగంగా విధుల నిమిత్తం లోకల్‌ సబ్‌అర్బన్‌ రైలు ఎక్కారు. ఈ క్రమంలో డోంబివలి, కోపార్‌ స్టేషన్ల మధ్యలో అకస్మాత్తుగా రైలు నుంచి జారి కిందపడిపోయారు. రైల్వే ట్రాక్‌పై యువతి పడి ఉండటం గమనించిన స్థానికులు పోలీసులకు సమాచారం ఇచ్చారు. 

ఈ ఘటనలో తీవ్రగాయాల పాలైన చార్మీని రైల్వే పోలీసులు ఆస్పత్రిలో చేర్పించారు. కాగా అప్పటికే చార్మీ మరణించినట్లు వైద్యులు ధ్రువీకరించారు. ఈ విషయం గురించి డోంబివాలి పోలీసులు మాట్లాడుతూ చార్మీ ప్రసాద్‌ ఘాట్కాపూర్‌లో పనిచేస్తున్నట్లు తెలిపారు. మృతదేహాన్ని ఆమె కుటుంబ సభ్యులకు అప్పగించినట్లు పేర్కొన్నారు. ఇక ముంబై సబ్‌అర్బన్‌ నెట్‌వర్క్‌ మార్గంలో రోజుకు దాదాపు 8-10 మంది మృత్యువాత పడుతున్నట్లు గణాంకాలు తెలుపుతున్నాయి. రైలు పట్టాలు దాటుతున్న క్రమంలో, రైళ్లలో నుంచి జారి పడుతున్న ఘటనల్లో ఎంతో మంది వికలాంగులుగా మారుతున్నట్లు వెల్లడిస్తున్నాయి.

Read latest Crime News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా