బతుకమ్మ సంబరాలను ప్రపంచ వ్యాప్తంగా తెలంగాణ ప్రజలు ఘనంగా నిర్వహించుకుంటున్నారు. విదేశాల్లో ఉన్నా మూలలను మరచిపోని తెలుగువారు అక్కడ కూడా బతుకమ్శ పండుగను జరుపుకోనున్నారు. ఆస్ట్రేలియాలో 'మెల్బోర్న్ తెలంగాణ ఫోరం' తెలంగాణ జాగృతి ఆధ్వర్యంలో శనివారం సంయుక్తంగా బతుకమ్మ సంబరాలను నిర్వహించనున్నారు.
ఈ వేడుకలకు తెలంగాణ చీఫ్ విప్ గొంగడి సునీత ముఖ్య అతిధిగా హాజరవుతుండగా, కల్చరల్ గెస్ట్గా మిట్టపల్లి సురేందర్ పాల్గొననున్నారు. 'రిక్వెస్ట్ వైఎంసీఏ హాల్' వేదికగా ఈ ఉత్సవాలు సాయంత్రం 4 గంటల నుండి ప్రారంభం కానున్నాయని 'ఎమ్టీఎఫ్' ప్రతినిధులు తెలిపారు. ఉత్సవాలతో పాటు పెద్ద ఎత్తున సాంస్కృతిక కార్యక్రమాలు నిర్వహించనున్నారు.
