వరికుంటపాడు(నెల్లూరు): శ్రీపొట్టి శ్రీరాములు నెల్లూరు జిల్లా వరికుంటపాడు మండలంలో శనివారం రాత్రి స్వల్ప భూకంపం సంభవించింది. వరికుంటపాడు మండలంలోని గణేశ్వరాపురం, రామదేవులపాడు, కడియంపాడు గ్రామాలలో ఈ రోజు రాత్రి స్వల్పంగా భూప్రకంపనలు వచ్చాయి. ఉదయగిరి, దుత్తలూరులలో కూడా భూమి కంపించింది. ఇంట్లో ఉన్న పాత్రలు స్వల్పంగా కంపించడంతో ప్రజలు భయాందోళనకు గురయ్యారు. ఐదు నిమిషాల వ్యవధిలో మూడు సార్లు ప్రకంపనలు రావడంతో ప్రజలు ఇళ్లలోంచి బయటకు పరుగులు తీశారు.
