ఖమ్మం: జిల్లాలోని కొణిజెర్ల సమీపంలో తృటిలో పెను ప్రమాదం తప్పింది. వేగంగా వెళ్తున్న లారీ అదుపుతప్పి సాగర్‌ కాల్వలోకి దూసుకెళ్లింది.
శనివారం తెల్లవారుజామున జరిగిన ఈ ప్రమాదంలో డ్రైవర్‌, క్లీనర్‌లు సురక్షితంగా బయటపడ్డారు. రాజస్థాన్‌ నుంచి విశాఖపట్నానికి ప్లాస్ట్‌ర్‌ ఆఫ్‌ పారీస్‌ లోడుతో వస్తున్న లారీ అతివేగం మూలంగా అదుపుతప్పడంతో ఈ ఘటన చోటుచేసుకుంది. విషయం తెలుసుకున్న పోలీసులు సంఘటనా స్థలానికి చేరుకొని లారీని బయటకు తీయడానికి యత్నిస్తున్నారు.
